2 SAMUIL 16:1 - Tanou Moonsoi Timugon

¹ Paat ra Raja' Daut bagu ayuk nansail ra tampak ru bulur, pulusat ri Jiba, ulipon ri Mipibosit matong muma' riso. Minatong i Jiba nagibit ra ruo ngainan kaladai ondo' nagaut ra kuliamos ruo ngaatus ruti', maatus ngampungu kismis, maatus ngabangkos kikinawa' bagu am sakantungan nototop ra wain.

2 SAMUIL 16:1 ပူးပေါင်းရင်းမြစ်များ

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

2 SAMUIL 15:32

Paat ra Raja' Daut nakasaboi ra tampak ru bulur, giu' ra intok sambayangan ra giu' no, umaa' io ru rangan nano ondo' gumagaya', i Gusai ulun ru Arki. Rinilak noyo ri Gusai bayang nano am rasawat ru ulu nano tinaukan ra kaau.

2 SAMUIL 19:17

Nagibit io ra saribu ngaulun intor ra bansa' ru Binjamin nababaya' riso. I Jiba, ulipon ru sasambaloi ru Raja' Saul, niayuk minatong nababaya' ra mopor am limo ngaulun anak ungkuyon nano am ruo ngoopor ngaulun ulipon. Nakasaboi ilo ra Sungoi Jordan nakapagulu intor ra raja'.

2 SAMUIL 19:32

I Barjilai ti matutuo noyo kaga'. Io ti balu' ngoopor ngambilor noyo. Langkaya' io kaga', am buoi ru raja' minayan giu' ra Maganaim ragili, i Barjilai ondo' manaak ra akanon ra raja'.

1 TUNUNG RU BANSA' ISRAIL 12:40

Intor ra bansa' ru Isakar, Jibulon am Naptali, ondo' maalur giu' ra ralayo pana mokoondo' ulun minatong nagibit ra kaladai, unta, baghal am sapi' ondo' nagibit ra akanon: tapung, kawa' ru ara, kismis, wain am umau jaitun. Ilo niayuk nagibit ra sapi' am domba koson simbaluyon am akanon. Ngaangai' no nampakito ra naansukan mamagun giu' ra titikop ru pagun.

AMSAL 18:16

Bubua' mangukab ra ralan saboi matasu' makatuum ra ulun maayo.

JIRIMIA 40:10

Aku galama' mayan ra Mijpa, am aku manampilon ramuyun ngaangai' paat ra ulun ru Babilonia matong. Pabukat kau ngaangai' ayan no ra pekan-pekan am pambuli ra wain, kikinawa', am umau ru jaitun.”

JIRIMIA 40:12

Ginio ra iniruanan nilo intok-intok nampatuliaran risilo, am siminaguli' ra Jiuda. Minatong ilo ri Gidalia giu' ra Mijpa, am giu' no nambuli ilo ra masuang wain am kikinawa'.

AMOS 8:1

Nakaalap aku ra rondo' poyo napakitanan intor ra Tuhan Raja'. Nakito ku kikinawa' giu' ra ralalom ru bakul.

MIKA 7:1

Kolondo' boo kalansanan! Koson aku ra ulun maitilan ondo' kalo nakatuum ra kawa' ra puun kapoam kawa' ru anggur ra puun nano. Ngaangai' kawa' ru anggur am kawa' ru puun ara ondo' maamis inupu' noyo koyoo'.

1 SAMUIL 10:3

Indagu poyo i Samuil, “Intor ra giu' no, rayuso' noyo pangkiralanan muno saboi kou makasuku' ra puun tataun ru intok sambayangan giu' ra Tabor. Giu' no makatuum kou ra talu ngaulun ungkuyon ondo' tatanga' mongoi ra Bitil koson mapataak ra taak simbalui ri Aki Kapuuno'. Sangulun intor risilo no manguyung ra talu ngainan anak kambing, sangulun poyo magibit ra talu ruti', am sangulun poyo magibit ra kantungan kungkung ondo' napanu' ra wain.

1 SAMUIL 16:20

I Isai pana nanampos boo ra sanginan kaladai, sinakayan ra ruti' am kantungan kungkung ondo' nototop ra wain; nanampos io niayuk ra sanginan kambing. Ngaangai' no tinaakan no ri Daut koson pataakon ra Raja' Saul.

1 SAMUIL 25:18

Nataki' i Abigail nangalap ra 200 ruti', ruo ngakantungan ru kungkung ondo' napanu' ra wain, limo ngainan domba pinanggang, 17 ngakilogram unor-unor ondo' sininggala', 100 ngantiis kismis am 200 kuui ara. Pinasakoi no ngaangai' no ra kukula' ngainan kaladai.