2 SAMUIL 15:32 - Tanou Moonsoi Timugon

³² Paat ra Raja' Daut nakasaboi ra tampak ru bulur, giu' ra intok sambayangan ra giu' no, umaa' io ru rangan nano ondo' gumagaya', i Gusai ulun ru Arki. Rinilak noyo ri Gusai bayang nano am rasawat ru ulu nano tinaukan ra kaau.

2 SAMUIL 15:32 ပူးပေါင်းရင်းမြစ်များ

2 SAMUIL 1:2

Suabon no, minatong sangulun ungkuyon mamulok intor ra pangkiman ru Raja' Saul. Koson tatandu' ru mangulir, rinilak ru ungkuyon mamulok no bayang nano am tinaukan ulu nano ra tana'. Ratong io ri Daut am igulatur koson mangurumat riso.

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

2 SAMUIL 16:1

Paat ra Raja' Daut bagu ayuk nansail ra tampak ru bulur, pulusat ri Jiba, ulipon ri Mipibosit matong muma' riso. Minatong i Jiba nagibit ra ruo ngainan kaladai ondo' nagaut ra kuliamos ruo ngaatus ruti', maatus ngampungu kismis, maatus ngabangkos kikinawa' bagu am sakantungan nototop ra wain.

2 SAMUIL 16:15

Liliwa' raginio i Absalom am ngaangai' ulun ru Israil ondo' namaya' riso sumubol ra bandar Jirusalim, am i Agitopil pana soroi nabaya' risilo.

2 SAMUIL 17:5

Kabalu' pana koson raginio indagu i Abaslom, “Piawo' i Gusai. Rongogo' takau guangon nano.”

1 RAJA'-RAJA' 11:7

Giu' ra rasawat ru rondo' gunung giu' ra tampilon sirangon ru Jirusalim, Raja' Salomo nambaal ra intok sambaan ra Kamos, dewa makatataman ondo' sambaan ru ulun ru Moab. Nambaal io ra intok sambaan ra Molok, dewa makatataman ondo' sambaan ru ulun ru Amon.

1 RAJA'-RAJA' 4:16

I Baana anak ri Gusai: Tampilon ra Asyir am bandar Alot

1 TUNUNG RU BANSA' ISRAIL 27:33

I Agitopil iono maminson ra raja', am i Gusai ulun ru Arki iono maminson am rangan toojo ru raja'.

MAZMUR 3:7

Kalo malaa' aku ra riribu pantula' ondo' liminiput manguyung raki' ra moonong angayan.

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 91:15

Bulintok ra mampiau ilo Raki', tumaam Aku risilo. Bulintok ra ilo makakapaganan, indanganon Ku ilo. Bayagon Ku ilo am urumaton Ku ilo.

LUKAS 19:29

Maar Io makasuku' ra pamagunan Bitpagi am Bitania, giu' ra Bulur Jaitun, susubo' No ruo ngaulun maamaya' Nano sumigulu

JOSUA 16:2

Intor ra Bitil balitan raginio saboi ra Lus mansail ra Atarot, intok inayanan ru ulun ru Arki.

1 SAMUIL 4:12

Sangulun intor ra bansa' ru Binjamin nagiru' intor ra intok pangayawan no am ongoi ra Silo. Nakasaboi io ra Silo ra orou raginio niayuk. Rinilak-rilak no noyo bayang nano am pinatauk tana' ra ulu koson ra tatandu' mangiluk guang.