2 SAMUIL 15:3 - Tanou Moonsoi Timugon

³ mindagu boo i Absalom, “Sumugut ra ukum, motopot kau, kaa' malubat kolondo' uakil ru raja' ondo' masaga' mangkirongog ra raguon muno.”

2 SAMUIL 15:3 ပူးပေါင်းရင်းမြစ်များ

2 SAMUIL 15:4

Kon poyo ri Absalom, “Amon ru aku ti akim, moonong ulun ondo' mokoondo' ra pansangaran kapoam sikaan matong raki', am matimpok pamakuan kuno.”

2 SAMUIL 8:15

Namarinta Raja' Daut giu' ra titikop ru Israil am nanutun maa' raginio mamagun nano masalok moonsoi am matimpok pamakuan no.

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

KAINGKUALAN 20:12

“Urumato' noyo ama' am ina' muno, maa' raginio maawar painawo muno ra tana' ti ondo' pataakon Kuno rirun.

KAINGKUALAN 21:17

“Osoi magulas ra ama' nano kapoam ina' nano musiti' ukumin ra matoi.

AMSAL 12:2

Ulun moonsoi kaansayin ru Tuhan, kaa' ulun ondo' mangatang ra kalaatan makaapu ra ukuman.

AMSAL 30:11

Mokoondo' ulun magulas ra ama' am kalo maringkuanang ra ina' nano.

AMSAL 30:17

Sangulun ondo' magasab ra ama' nano, kapoam ina' nano ondo' matutuo noyo, maaya' patirin ra liwar maa' raginio mato nano tindukon ru bangkaak am baangkai nano akanon ru likap.

YEHEZKIEL 22:7

Kolondo' osoi pana giu' ra bandar no mangurumat ra ina' am ama' nano. Ruungon min ulun bansa' ru bokon, am niayuk namparuung ra ruandu' napuor am anak nailusan ra matuo.

DANIL 11:21

Rayuso' ru malaikat no nambala', “Raja' ru Siria ondo' sumunu' no iono ulun ondo' malaat. Kalo maaya' masauk ra raja', kaa' matong io ra mamulali' am mampagaau ra kuasa' ra namparuung.

UNTABAN 16:3

Nababaya' ilo minuma' ri Musa am i Arun, am indagu, “Najanjayan kau! Ngaangai' ulun ru Israil Tuhan tatangan, am Tuhan mabaya' ritakau ngaangai'. Kaa' okou Musa, kua karaa' mu inan muno masawat poyo intor ra ulun ru Tuhan?”

MATIUS 15:4

Sabap ra mokoondo' bala' ri Aki Kapuuno', ‘Urumato' noyo ama' am ina' muno, osoi ayuk mampaluta' ra ama' am ina' nano, maaru' ulun no potoyon.’

RINALATAN 23:5

Taam i Paulus, “Pabukat kau ngaangai'! Sotopot no kalo nakatutun aku ra io ti am Tingganai Maayo Imam Jaudi. Ginio mokoondo' noyo tinulisan ra Buuk Kitab, ‘Pai' pagasab ra tingganai ru bansa' mino galama'.’ ”

1 PITRUS 2:17

Urumato' noyo ngaangai' ulun am tagami' noyo pabukat mino ra Kristian. Kalaa' kano ri Aki Kapuuno' am urumato' noyo i Kaisar.

2 PITRUS 2:10

mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.