2 SAMUIL 15:27 - Tanou Moonsoi Timugon

²⁷ Tungguli' poyo ru raja' ragu nano ri Jadok, “Kimaiti' noyo i Agimaas anak muno am i Jonatan anak ri Abiatar, am saguli' no ra bandar ra mamimio.

2 SAMUIL 15:27 ပူးပေါင်းရင်းမြစ်များ

2 SAMUIL 15:34

Kaa' makapangindangan kou raki' amon ru sumaguli' kou ra bandar. Kopongo raginio ragui' i Absalom ra raino masaga' kou mangandoi ra gumagaya' riso, koson ra okou nangandoi ra ama' nano ragili. Koon raginio noyo ra okou makasulang ra ngaangai' bilin ri Agitopil.

2 SAMUIL 15:36

I Agimaas anak ri Jadok am i Jonatan anak ri Abiatar niayuk maya' ra ama' nilo. Pangator no raki' ra ngaangai' tanou pabalaan galing ri Agimaas am i Jonatan.”

2 SAMUIL 17:17

Liliwa' raginio i Jonatan anak ri Abiatar am i Agimaas anak ri Jadok tatanga' maginaa mamaar ra taur ru timug In-Rogil, giu' ra kiing ru bandar Jirusalim. Kalo baani ilo mumpos ra bandar sabap ra malaa' ilain ru ulun. Koson ra kaindalaman, makaalap ilo ra tanou intor ra sangulun ulipon ruandu' ondo' mampasaboi ra tanou ondo' musiti' pabalaan ra Raja' Daut.

2 SAMUIL 18:19

Kopongo raginio indagu i Agimaas anak ri Jadok ri Joab, “Iowo' aku mongoi uma' ra raja' am mampasaboi ra tanou moonsoi ra namayag noyo Tuhan ra raja' intor ra pantula'.”

2 SAMUIL 24:11

Indagu Tuhan ri Gad, nabi ondo' mangandoi ra Raja' Daut, “Ongoi no am indagu no ri Raja' Daut ra mangani' Aku riso ra talu pilion. Atan ayuk ondo' pilion nano baalon Ku.” Orou ra suabon no, kalupus Raja' Daut nakarat intor ra nombolong,

1 RAJA'-RAJA' 1:42

Tatanga' io mindagu, i Jonatan anak ru Imam Abiatar nakasaboi. Indagu i Adonia riso, “Okou ulun moonsoi, maaru' nagibit kou ra tanou moonsoi. Umpos no.”

1 RAJA'-RAJA' 4:15

I Agimaas ralaki ri Basmat, anak ruandu' ru Raja' Salomo: Wilayah Naptali

1 TUNUNG RU BANSA' ISRAIL 25:5

Giman iono nabi galama' ru raja'. Nangani' Tuhan ra mopor am apat anak ungkuyon no am talu anak ruandu' ri Giman sabap ra binantu' ru Tuhan koson mangani' ra intok moonsoi kaga' riso.

1 TUNUNG RU BANSA' ISRAIL 6:8

Jadok, Agimaas,

1 SAMUIL 9:6

Taam ulipon no, “Pai' poyo! Giti ra bandar ti mokoondo' sangulun ulipon ri Aki Kapuuno'. Urumaton io kaga' ru ulun sabap ra atan ondo' raguon nano totopot masauk. Ongoi to uma' riso. Maaru' lair makapambala' io rito ra ati intok ru kaladai-kaladai no.”

1 SAMUIL 9:9

Taam i Saul, “Iou noyo! Ongoi tano.” Ongoi ilo boo ra bandar, intok inayanan ru ulipon ri Aki Kapuuno' no. Paat ilo nangkiwa' ra bulur sumuku' ra bandar no, nakatuum ilo ra kukula' ngaulun ralaa ondo' mongoi pansagou giu' ra tulubong. Kuati' nilo ralaa-ralaa no, “Mokoondo' kia ulun mangilong soroi ra bandar ti?” (Paat raginio, sangulun nabi sabiton ra ulun mangilong. Ginio ra paat sasangulun masaga' mangkuot ra rorondo' ri Aki Kapuuno', mindagu ilo, “Ongoi takau ra ulun mangilong.”)