2 SAMUIL 15:20 - Tanou Moonsoi Timugon

²⁰ Kalo poyo nabuoi kou minayan ragiti, am marara' aku ra okou maya' raki' tumanggau. Aku galama' kalo nakapandai ra ati angayan kutu. Uli' no am ibito' niayuk rangan sabansa' muno. Gama' ru motogom Tuhan no rirun am mampagagaya' ramuyun.”

2 SAMUIL 15:20 ပူးပေါင်းရင်းမြစ်များ

2 SAMUIL 2:5

nangator Raja' Daut ra ulun sinusub ra giu' no nabaya' ra bilin, “Gama' ru Tuhan no mambarakat ramuyun sabap ra napakito ra gagaya' min ra raja' mino ra linobong baangkai nano.

2 SAMUIL 2:6

Ginio ra, gama' ru Tuhan niayuk mapakito ra togom am gagaya' Nano ramuyun. Moonsoi pamakuan kuno ramuyun sabap ra binaal mino.

MAZMUR 25:10

Ulun ondo' mampagagaya' ra bantu' am panusuban Nano, tuluin No ra togom am pampagagayaan.

MAZMUR 56:8

Ukumi' ilo, iou Aki Kapuuno' sabap ra kalaatan nilono, ralalom ru sangit Muno, pusoo' ilo!

MAZMUR 57:3

Ri Aki Kapuuno' Ondo' Masawat Kaga' piawon ku, Io noyo i Aki Kapuuno' ondo' nakapandai ra kasagaan kuno.

MAZMUR 59:15

Bulintok ra palunggai' pantula'-pantula' kuno mamaguli', maguang koson ra uku' bulintok lumiput ra bandar.

MAZMUR 61:7

Kaawaro' noyo umur ru raja', gama' ru pamarintaan nano mantilayun intor ra anak ka anak.

MAZMUR 61:8

Gama' ru sabuoi-buoi raja' no mamarinta ra saang Muno; iou Aki Kapuuno', sindungi' noyo raja' ralalom ru gagaya' am togom Muno.

MAZMUR 85:10

Ulun ra mangurumat Riso no maaru' bayagon No, maa' raginio i Aki Kapuuno' ondo' matulai kaga' mayan ra pagun takau.

MAZMUR 89:14

Mapara' piboo gayo ru kuasa' Muno, am mapara' piboo gayo ru kinaikang Muno!

AMSAL 14:22

Ulun ondo' mambaal ra moonsoi maintopot am urumaton, kaa' ulun ondo' mambaal ra malaat mambaal ra kasalaan.

AMSAL 3:3

Pangintopot kono am gagaya' ri Aki Kapuuno' am niayuk ulun. Karaa' noyo am bulii' noyo baal raginio ra guang muno.

AMOS 8:12

Ulun tumanggau intor ra Raat Matoi mongoi ra Raat Tanga', am rayus no intor ra ralayo mongoi ra sirangon. Giu' ra ati-ati intok maguyum ilo ra tanou intor ra Tuhan, kaa' kalo mokoowot ilo.

JUANIS 1:17

Pinabala' galing ra nabi Musa, pinataak ri Aki Kapuuno' ritakau Ukum ri Musa, kaa' ralalom inggalan ri Jisus Kristus, pinakito ri Aki Kapuuno' ritakau togom am pampagagayaan Nano.

1 SAMUIL 23:13

Ginio ra i Daut am ulun-ulun nano, olo'-olo' onom ngaatus ngaulun, nagindibok nangiruan ra Kigila am timinanggau intor ra rondo' intok minongoi ra intok ra bokon. Pokorongog Raja' Saul ra minugar noyo i Daut intor ra Kigila, kalo sinugut no inatangan nano.