2 SAMUIL 15:2 - Tanou Moonsoi Timugon

² Kaindalaman ri Absalom sumukal ra susuab ti am migor ra kiing ru ralan mamaar ra kulobon garabang ru bandar. Moonong ulun ondo' masaga' mambala' ra baal nano ra raja', piawon am kuatin ri Absalom. Kono, “Akau ti intor ra ati bansa'?” Amon ru taamon ru ulun no, “Intor ra bansa' ragitio kapoam ginio,”

2 SAMUIL 15:2 ပူးပေါင်းရင်းမြစ်များ

KASAUKAN 34:20

Ongoi boo i Gamor am anak nano i Sikgim ra intok timungan giu' ra kulobon garabang ru bandar no am indagu ilo ra mamagun,

2 SAMUIL 19:8

Kopongo raginio ingkakat raja' no am ongoi ra liwar, am panturung mamaar ra kulobon garabang. Ulun ru raja' nokorongog ra soroi raja' ra giu' no, ratong ilo ngaangai' mongoi uma'. Liliwa' raginio ngaangai' ru ulun ru Israil nagigiru', am sigagama' minuli' ra baloi.

2 TUNUNG RU BANSA' ISRAIL 10:7

Taam ilo, “Amon ru masaga' kou mambaal ra moonsoi ra mamagun am mapabansuk ra guang nilo, iowo' kitaakon nilo. Ilo niayuk mambaal ra moonsoi am gumagaya' rirun.”

AYUP 24:14

Paat ra maar matawang, ulun mamatoi mingkual mamatoi ra ulun musikin; am paat ra rondom, mingkual ilo mantakou.

KAINGKUALAN 18:14

Pakakito i Jitro ra ngaangai' ondo' baalon ri Musa, pangkuot io, “Atan kia ngaangai' baal ti ondo' baalon muno ra ulun ragitilo? Kua baalo' mu sangulun kandoi ti, saboi ngaangai' ulun migor ragiti intor ra susuab ti polos ra rondom ti makibilin rirun?”

KAINGKUALAN 18:16

Amon ru mansangor ruo ngaulun, matong ilo raki' am patasin ku osoi intor risilo ondo' motopot. Mapasaboi aku niayuk ra susuban am ukum ri Aki Kapuuno' risilo.”

KAINGKUALAN 18:26

Magail ilo mangandoi koson ra akim ru ulun ru Israil. Nambala' ilo ra baal ondo' mangapagon ri Musa, kaa' ilo galama' manalasai ra pansangaran ondo' mongoborok.

AMSAL 4:16

Ulun malaat kalo mokororot amon ru kalo poyo makapambaal ilo ra malaat. Kalo matikoolong ilo amon ru kalo poyo maninduol ilo ra ulun bokon.

DANIL 11:21

Rayuso' ru malaikat no nambala', “Raja' ru Siria ondo' sumunu' no iono ulun ondo' malaat. Kalo maaya' masauk ra raja', kaa' matong io ra mamulali' am mampagaau ra kuasa' ra namparuung.

MATIUS 27:1

Paat ra tumawang ngaangai' tingganai imam Jaudi am tingganai ru ulun ru Jaudi namatas ra mamatoi ri Jisus.

SAGULION 17:8

Maaru' mokoondo' kukula' baal ra mompolonggom, kapilatan, kapoam intor ra baal pamatayan ra siningon, kapoam kalo siningon ondo' mapagon kaga' akimin ru akim rondo' intok. Paat ra mokoondo' baal koson raginio, kataki' noyo mongoi ra rondo' intok sambayangan ondo' pinili' ru Tuhan i Aki Kapuuno' min.

RUT 4:1

Ongoi i Boas ra baloi pantuuman giu' ra kulobon garabang ru bandar am panturung io. Paat ragili pansail ulun ondo' sabiton no ra pabukat mamaar ri Ilimilik no. Piawo' ri Boas ulun no. “Ibok no pabukat ku,” kono. “Panturung no.” Ratong pabukat no am panturung ra giu' no.