2 SAMUIL 15:14 - Tanou Moonsoi Timugon

¹⁴ Ginio ra indagu Raja' Daut ra ngaangai' ru pagawai nano ondo' soroi ra Jirusalim, “Musiti' takau magiru' raino niayuk, amon ru masaga' takau makalabus intor ri Absalom! Ribaki' min! Amon ru kalo, mataki' io makasaboi am mampaala ritakau, am niayuk mamatoi ra ngaangai' ulun giu' ra bandar!”

2 SAMUIL 15:14 ပူးပေါင်းရင်းမြစ်များ

2 SAMUIL 12:11

Magibot Aku ra mampalumpa' rirun ra kapaganan ondo' makinibitan ru gino ngai' akau sasambaloi. Alapon Ku andu'-andu' muno ra talupak ru mato muno galama', am pataakon ku ilo ra ulun bokon ondo' parumakon ilo ra makito-kito.

2 SAMUIL 15:15

Taam ilo, “Iou, raja' mai. Akai ngaangai' nakatampos mambaal ra atan ayuk kasagaan muno.”

2 SAMUIL 19:10

Nampalantik takau ri Absalom masauk ra raja' takau, kaa' minatoi io noyo ralalom pangayawan. Ginio ra kua kolondo' sangulun pana ondo' mirot koson magibit ra Raja' Daut sumaguli'?”

2 SAMUIL 19:9

Ngaangai' ulun ru Israil ra titikop pagun nansasangor ra ilo po ngai'. Konilo ra rondo' am bokon, “Namayag noyo Raja' Daut ritakau intor ra pantula'. Namayag io ritakau intor ra ulun ru Palistin. Kaa' raino nagiru' io intor ri Absalom am nangiruan ra pagun ti.

MAZMUR 51:18

Kalo masaga' Kou ra taak simbalui ra pinataak; amon mapataak aku ra taak simbalui koson mapabansuk ra guang Muno, Okou pana kalo maansukan.

YEHEZKIEL 46:18

Ulun manguasa' no kalo iowon mampagaau ra tana' tungkuson ru mamagun nano. Tana' ondo' pataakin no ra anak-anak ungkuyon nano musiti' tana' nano galama' ondo' inaru' noyo riso, maa' raginio kalo mangimbolo' io ra osoi pana ulun Kuno ra mampagaau ra tana' nilo.”

MATIUS 11:12

Intor ri Juanis Mampariu' nampatanou ra tanou no suku' raino ti, Pamarintaan ri Aki Kapuuno' inanggal ru ulun malaat ondo' mangkinam manguasa' no pabayaan ra kalaatan.

LUKAS 10:15

Am okou, pekan Kapirnaum! Kara' muno, painsawaton kou kia saboi ra suruga'? Patirin kou nai ra naraka!”