2 SAMUIL 14:26 - Tanou Moonsoi Timugon

²⁶ Abuk nano masampung kaga', am musiti' io mopolompor igondo' sambilor sabap ra malimanan no maagat kaga'. Abuk ondo' linompor no bagat no nasailan intor ra ruo ngakilogram sumugut ra timbangan ru raja'.

2 SAMUIL 14:26 ပူးပေါင်းရင်းမြစ်များ

YEHEZKIEL 44:20

“Kalo iowon imam-imam no mambulut ra ulu saboi kolondo' abuk kapoam polosoon abuk gumawar. Abuk nilo musiti' lomporon sumugut ra aturan ondo' inaru'.

1 KORINTUS 11:14

Sala' kia ka maya' ra kaindalaman min, ungkuyon ondo' maawar abuk no makauyuyu' toojo.

2 SAMUIL 18:9

Paat ri Absalom nangura' ra baghal nano, pulali' io nakatuum ra ulun ru Raja' Daut. Baghal nano nansail ra ragana' ru puun oak ondo' makalu, saboi nakasangut ulu ri Absalom ra raan ru tataun no. Narayus baghal nano nagiru' am i Absalom natatang am nakatair ra giu' no.

JISAYA 3:24

Ragino nagumau ilo ra umau maamis owou, kaa' maagu no moonsor. Abot nilo ra malumis aligin ra abot makalas. Ulu nilo ra makaabuk moonsoi masauk mambulut. Bayang nilo ra mongoonsoi aligin ra konoon mangalaat ondo' makauyuyu'!

IMAMAT 19:36

Pakayo' noyo batu timbangan, timbangan am tukuan ondo' motopot. Aku noyo Tuhan i Aki Kapuuno' min; nagibit Aku ramuyun miningkual intor ra pagun ru Misir.

KASAUKAN 23:16

Nangiou i Abragam ra logo raginio. Io pana nanimbang ra suang ru ruit pirok ondo' sinabit ri Ipron, ioginio apat ngaatus ruit pirok, sumugut ra timbangan ru mantatalan. Pabayaro' no ri Ipron ruit no ondo' natainuan ru ngaangai' ulun ru Git no.