2 SAMUIL 14:25 - Tanou Moonsoi Timugon

²⁵ Inompor i Absalom koson ra ulun ondo' maindon kaga' ra titikop ru Israil. Kolondo' sangulun pana ondo' maindon poyo intor riso. Intor ra pampalar ru kalayam saboi ra pompor ru abuk nano, kolondo' pipilat nano.

2 SAMUIL 14:25 ပူးပေါင်းရင်းမြစ်များ

AYUP 2:7

Kopongo raginio i Manusuk nangiruan ra Tuhan, am naparatong ra talipos ri Ayup intor ra pampalar ru kalayam saboi ra taur ru ulu nano.

AMSAL 31:30

Kinantalur ti mamparuung ra mato, am kalo mantilayun; kaa' sangulun ruandu' mangurumat ra Tuhan musiti' io omporon.

JISAYA 1:6

Intor ra ulu suku' ra pampalar ru kalayam, kolondo' sanganu pana batang ru inan mino moonsoi. Inan mino naliput ra lanit, ruruko, am pipilat, ondo' kalo poyo piniiran kapoam binangkos, kapoam tinapisan ra umau.

DANIL 1:4

Ilo musiti' maindon, masawat inigilaan, maligag am masuang napandayan am niayuk kalo najamaran, maa' raginio makapangandoi ilo ra istana ru raja'. Sinusub i Aspinas maa' raginio mangila' risilo mambasa' am manulis ra ragu ru Babilonia.

MATIUS 23:27

“Aibui boo ramuyun, mangingila' ra Ukum ri Musa am ulun ru Parisi! Maabau-abau kau! Akau koson ra karanda' ondo' sinaat mapulak, ra liwar moonsoi ilain, kaa' ralalom no nososok ra bungul ru ulun am baangkai ondo' mongootong.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

SAGULION 28:35

Nalimpot kalayam min ra kagal ondo' maruol, am kalo mababas. Mantalipos kau intor ra pompor ru kalayam saboi ra pompor ru abuk.

1 SAMUIL 16:7

Kaa' indagu Tuhan ri Samuil, “Pai' ilai' sawat ru inan nano kapoam kinaindon ru bulos nano; sala' ka io pinili' Kuno. Kalo magilong Aku ra ulun koson ra ulun magilong. Ulun magilong ra bulos kaa' Aku magilong ra guang.”

1 SAMUIL 9:2

I Kis ti mokoondo' ra sangulun anak ungkuyon makainggalan ri Saul, sangulun buayoi ondo' maindon am mapanggol. Maindon poyo i Saul intor ra ngaangai' ru ulun giu' ra Israil am niayuk masawat poyo; kasuangan no ulun ru Israil ra bokon no polos ayuk ra limbawo ri Saul.