2 SAMUIL 14:2 - Tanou Moonsoi Timugon

² ginio ra panusub io ra ulun magalap ra ruandu' mapintar ondo' minayan giu' ra Tikoa. Paat ra ruandu' no nakasaboi, indagu i Joab riso, “Baalo' ra ilain koson ayuk ra mangulir; pambayang ra bayang mangulir am pai' surayo' abuk. Baalo' koson ra ruandu' ondo' lair noyo mangulir.

2 SAMUIL 14:2 ပူးပေါင်းရင်းမြစ်များ

2 TUNUNG RU BANSA' ISRAIL 11:6

Bitligim, Itam, Tikoa,

AMOS 1:1

Gitio noyo ragu-ragu ri Amos, sangulun magagalung ra domba intor ra bandar Tikoa. Ruo ngambilor ra kalo poyo nasauk tana' mogonggon, paat ra pagun ru Jiuda pinarinta ru Raja' Ujia am Israil pinarinta ru Raja' Jirobiam anak ungkuyon ru Raja' Jigoas, pinabala' ri Aki Kapuuno' ri Amos baal-baal intor ra Israil.

RUT 3:3

Pariu' no raino am pagumau ra umau maamis owou am pambayang ra bayang moonsoi kaga' muli. Mopongo raginio ongoi no ra pangagikan no ra barli no, pai' antal saboi makaakan am makainum io.

JIRIMIA 6:1

Ulun kau ru Binjamin, pagiru' no koson mamayag ra inan! Iruani' Jirusalim! Samputi' bujung giu' ra Tikoa am paangi' apui pulanu giu' ra Bit-Kirim! Karaat am usung maar sumaboi intor ra ralayo.

NIGIMIA 3:5

Ulun intor ra bandar Tikoa nambaal ra tayar ru timbok ondo' tunggul no, kaa' tingganai-tingganai ru bandar no marara' mambaal ra kandoi majamol ondo' pinataak risilo ru ulun naningganai risilo.

2 TUNUNG RU BANSA' ISRAIL 20:20

Nokorondom ra suabon no ilo ngaangai' minongoi ra tana' kaagisan mamaar ra Tikoa. Paat ra ilo minintor, kon ru Raja' Josapat risilo, “Mamagun kau ru Jiuda am Jirusalim, pangintopot no ra Tuhan, i Aki Kapuuno' min, am akau pana mokoorot! Pangintopot no ra bilin ru nabi-nabi Nano, am akau pana makasugut.”

2 SAMUIL 12:20

Kopongo raginio sukal Raja' Daut intor ra sulig, pariu', nansurai ra abuk, ralin ra bayang am ongoi sambayang giu' ra Baloi ru Tuhan. Kopongo raginio saguli' io ra istana, pakisulung ra akanon, am pangakan.

MATIUS 6:17

Paat ra akau mampali, injagupi' noyo bulos mino am surayo' noyo abuk mino,

MAMPATANOU 9:8

Polosoon noyo akau masalok maansukan am bulos mino matakau.

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

NIGIMIA 3:27

Ulun intor ra bandar Tikoa nambaal ra tayar ru timbok ra tunggul no, intor ra rondo' intok giu' ra saang ru manara pagalungan ra Baloi ru Tuhan saboi ra timbok mamaar ra Opil; tayar ru timbok ti iono tayar karuo ondo' binaal nilo.

2 SAMUIL 11:26

Paat ri Batsyiba naala' ra ralaki nano minatoi noyo, pangulir io riso.

2 SAMUIL 20:16

Giu' ra bandar no mokoondo' sangulun ruandu' ondo' mapintar. Intor ra ralalom ru bandar no golok io, “Rongog no! Rongog no! Susubo' i Joab matong ragiti. Masaga' aku mindagu riso.”

1 RAJA'-RAJA' 14:2

Indagu Raja' Jirobiam ra andu' nano, “Salu no maa' raginio kolondo' osoi pana makaulig rirun. Ongoi no ra Silo, intok inayanan ri Agia, nabi ondo' nanala' ra masauk aku ra raja' ru Israil.

1 RAJA'-RAJA' 14:5

Nambala' Tuhan ri Agia ra andu' ru Raja' Jirobiam matong mangkuot riso intor ra anak nano ondo' marualan. Nambala' noyo Tuhan no riso ra atan ondo' musiti' raguon nano. Paat ra andu' ru Raja' Jirobiam no nakasaboi, mitambingai io masauk ra ulun ra bokon.

KASAUKAN 38:19

Uli' i Tamar ra baloi nano, puaso' no rundung nano am bayango' no sagulio' bayang napuor nano.