2 SAMUIL 14:19 - Tanou Moonsoi Timugon

¹⁹ Kon ru raja', “Sinusub kou kia ri Joab?” Taam ruandu' no, “Magibot aku sabap ra okou kalo noyo makapagiliu aku intor ra pangkuatan muno. Motopot ra i Joab nambala' noyo ra atan musiti' kuno baalon am raguon.

2 SAMUIL 14:19 ပူးပေါင်းရင်းမြစ်များ

2 SAMUIL 11:11

Taam i Uria, “Saujor ru Israil am Jiuda tatanga' mangayou giu' ra pangayawan am Kaban Nabantuan ru Tuhan soroi nababaya' risilo. I Joab, panglima takau am pagawai-pagawai ru saujor nano niayuk tatanga' mangkim giu' ra padang malimparang. Ati kulaan aku muli', mangakan am manginum, am marumak ra andu' kuno? Nagibot aku ra sabap ra okou tuan kuno ra kalo mambaal aku ra baal raginio!”

2 SAMUIL 14:18

Taam raja', “Masaga' aku mangkuot rondo' rirun, am taamo' ra motopot.” Taam ruandu' no, “Indagu no.”

2 SAMUIL 14:3

Mopongo raginio ongoi no uma' ra raja', am raguo' riso atan ondo' rinagu ku rirun.” Nambala' i Joab ra ruandu' no atan ondo' musiti' raguon nano.

2 SAMUIL 18:13

Kaa' amon ru manggal aku ra susuban ru raja' am pamatoi ri Absalom ra raitii' ni, maaru' baal raginio mapandayan ru raja', sabap ra mokorongog raja' ra ngaangai' no, am okou pana maaru' kalo manaung raki'.”

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 SAMUIL 3:29

Polosoon noyo i Joab am sasambaloi nano ukumin sabap ra binaal nano. Polosoon noyo ralalom ru sasambaloi ri Joab ra papag ka papag masalok mokoondo' ulun ondo' marualan ra maruol mologo, kapoam maimbolo' ra maruol ru kungkung ondo' makalalaa', kapoam ungkuyon ondo' kalo maikang, kapoam ondo' matoi ralalom ru pangayawan kapoam matutusan ra akanon!”

2 SAMUIL 3:34

“Kua musiti' i Abnir matoi koson ra ulun sasambungon? Kalindu' nano kalo binangkil, kalayam nano kalo rinantai. Minatoi io ra tinobok ru ulun ondo' malaat am mapuka'.” Igondo' poyo ngaangai' mamagun nanulaboi ri Abnir.

2 RAJA'-RAJA' 2:2

Giu' ra tanga' ralan indagu i Ilia ri Ilisa, “Soroi ayuk ragiti; Tuhan nanusub noyo raki' mongoi ra Bitil.” Kaa' taam i Ilisa, “Magibot aku sabap ra gagaya' kuno ra Tuhan ondo' maayag am okou ra kalo iruanin tokou.” Ginio ra ilo ruo minongoi ra Bitil.

KAINGKUALAN 4:15

Makapansunur kou riso, am mambala' riso atan ondo' musiti' raguon nano. Indanganon Ku akau ruo am mambala' ramuyun atan ondo' musiti' raguon am baalon.

AMSAL 25:2

Mongompor takau ri Aki Kapuuno' sabap ra ondo' inopot Nano, mangurumat takau ra raja' sabap ra atan ondo' pinabala' nano.

AMSAL 4:27

Painggaluro' noyo inan mino intor ra kalaatan am kaayag no ra guang mabanis. Pai' lisang intor ra ralan motopot.

UNTABAN 20:17

Iowo' akai no sumail ra tana' mutu. Akai am bibiag tinambiag maino kalo lumisang ra umo kapoam umo ru anggur muno. Kalo manginum akai ra timug intor ra tulubong muno. Marayus akai maya' ra ralan maayo saboi ra akai makaingkual intor ra tana' muno.”

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

SAGULION 28:14

Kaa' pai' noyo lingon anggal ra panusuban no ra atan pana ralan, am pai' samba ra tuhan-tuhan ra bokon.”

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

JOSUA 1:7

Musiti' kou mangintopot am baani, am tutuno' noyo maa' raginio gumagaya' kou ra ngaangai' Ukum ondo' tinaakan rirun ru ulipon Kuno, i Musa. Pai' liliani' ati-ati tayar ru Ukum no, maa' raginio makasugut kou ra ati pana angayan muno.

1 SAMUIL 1:26

Indagu i Ana ri Ili, “Tuan, lakat mu poyo kia makara' aku? Aku noyo ruandu' ondo' nakito muli minigor ragiti ragili, ondo' nakiasi' ra Tuhan.

1 SAMUIL 17:55

Pakakito Raja' Saul ri Daut giminula' ri Goliat, nangkuot io ri Abnir, panglima saujor nano, “Abnir, osoi ra anak kia buayoi raginio?” Taam i Abnir, “Raja' kuno, kalo nakapandai aku.”

1 SAMUIL 20:3

Taam i Daut, “Nakapandai ama' muno ra motogom kou kaga' raki'. Ginio ra kalo nambala' ama' muno rirun ra atan ondo' inatang nano, maa' raginio kalo mangiluk guang muno. Magibot aku ralalom inggalan ru Tuhan ondo' naayag ra sotopot no kaayagan kutu matikapulir ra kapatayan!”

1 SAMUIL 25:26

Tuhan nanginggalar noyo rirun ra mansuli' am mamatoi ra pantula' muno. Raino magibot aku ralalom inggalan ru Tuhan ondo' naayag ra pantula' muno am ngaangai' ru ulun ondo' masaga' lumaat rirun ukumin koson ri Nabal.