2 SAMUIL 14:14 - Tanou Moonsoi Timugon

¹⁴ Matoi takau ngaangai'; itakau ti koson ra timug ondo' nasasar ra tana' am kalo maalap boo katimung. I Aki Kapuuno' pana kalo boo mamayag saguli' ra ulun ondo' minatoi, kaa' kalo ra kalo mapiratan mu maa' raginio ulun inimpayan no makauli' poyo.

2 SAMUIL 14:14 ပူးပေါင်းရင်းမြစ်များ

2 SAMUIL 11:25

Indagu Raja' Daut ra ulun sinusub no, “Kaikango' guang ri Joab. Ragui' io, ‘Pai' kalawo guang, sabap ra topot kalo maaruan ra osoi matoi ra pangayawan.’ Susubo' io mambaal ra pamulunsaran ra maayo poyo ra bandar no saboi bandar no makuasa'.”

2 SAMUIL 14:15

Minuma' aku rirun sabap ra linolob aku ru ulun. Ginio ra mangkara' aku ra moonsoi mindagu aku rirun am malansan ra iowon kitaakon kutu.

1 RAJA'-RAJA' 11:39

Sabap ra tula ri Salomo, mangukum Aku ra papag ri Daut, kaa' kalo mantilayun.’ ”

AYUP 14:14

Amon ru matoi ulun, maayag ilo poyo kia? Kaa' marayus aku maginaa, saboi ra paat ru kapaganan kuno makasail.

AYUP 30:23

Nakapandai aku ra nagibit Kou raki' ra intok ru kapatayan, ra pamupusan ondo' musiti' umaan ru moonong ulun.

AYUP 34:15

matoi boo ngaangai' ulun ondo' maminawo, am ulun masauk saguli' ra kaau.

AYUP 34:19

Namangun i Aki Kapuuno' ra moonong ulun; kalo saungon No raja', kapoam kaansayin ondo' langkaya' intor ra musikin.

MAZMUR 22:14

Gaalon nilo kabang koson ra singa', mansangal am manungaap raki'.

MAZMUR 22:15

Kolondo' boo lulu' kuno, natatak koson ra timug nasasar. Ngaangai' ru bungul kuno naukuk; guang kuno timinanu' koson ra dian.

MAZMUR 58:7

Pandako' ripon ru singa' ra mangamulok no, iou Aki Kapuuno'; bubulo' bulangiu ru singa'-singa' no, iou Tuhan!

MAZMUR 77:8

“Sabuoi-buoi no kia i Aki Kapuuno' mangimpai ritakau? Kalo kia boo masaga' Io ritakau?

MAZMUR 79:3

Sasarin nilo raraa' ru ulun Muno koson ra timug; raraa' tumilis ra titikop ru Jirusalim, am kolondo' ulun mompolobong ra ulun minatoi.

MAZMUR 90:10

Umur mai tulu' ngoopor ngambilor ayuk, amon ru maikang makasuku' balu' ngoopor; kaa' pagalabaan am kapaganan ayuk malimanan mai; kaayagan mataki' mapupus am akai pana lumiot.

MAZMUR 90:3

Susubon Mu ulun sumaguli' ra nanaukan risilo, sinauk Mu ilo pasagulio' ra tana'.

KAINGKUALAN 21:13

Kaa' amon ru kalo siningon am kalo makaguang io mamatoi, pagiruon ulun no ra rondo' intok ondo' patuluon Kuno ramuyun. Giu' no maampinan ulun no.

MAMPATANOU 9:5

Ulun ondo' lakat poyo maayag makapandai ra matoi ilo, kaa' ulun ondo' minatoi noyo kalo makapandai ra atan-atan pana. Kalo boo makaalap ilo ra gaji', am lilianin ilo ru ulun.

SULABOI 3:31

Tuhan makaasi' am kalo mangimpai ritakau ra sabuoi-buoi no.

YEHEZKIEL 18:23

Indoson min kia ra masaga' Aku magilong ra ulun malaat matoi?” ragu ru Tuhan Raja'. “Kalo! Masaga' Aku io tumalikur ra tula am maayag.

IMAMAT 26:40

“Kaa' papag mino mangiou ra tula nilono am tula ru kinamatuaan nilono ondo' minanggal Raki' am giminuor Raki',

UNTABAN 35:15

Bandar-bandar no masauk ra bandar panindungan ra ulun ru Israil am ulun ru bansa' bokon ondo' magayan kapoam ondo' lumayun ra tana' no. Osoi ondo' namatoi noyo ra ulun ra kalo siningon, makapagiru' ra rondo' ra bandar panindungan no.

UNTABAN 35:25

Polosoon noyo ulun masuang manindung ra ulun inuwan no intor ra pabukat ondo' masaga' mansuli', am nagibit riso sumaguli' ra bandar panindungan, intok nano nagiru'. Musiti' io mayan ra giu' saboi matoi Tingganai Maayo Imam paat raginio.

UNTABAN 35:28

Ulun ondo' inuwan no musiti' mayan ra ralalom bandar pangampinan saboi matoi Tingganai Maayo Imam, am io pana makauli' ra baloi nano.

MATIUS 22:16

Panusub ilo ra kukula' ngaulun maamaya' ru Parisi am ulun bala ri Irodis tumuum i Jisus. “Mangingila',” konilo, “Makapandai akai mabanis guang Muno. Mangila' Kou ra ulun ra kasagaan ri Aki Kapuuno' ondo' motopot. Okou niayuk kalo babaya' ra atan ayuk pangkaraan ru ulun am kalo mampili' ra osoi ayuk ulun.

RINALATAN 10:34

Indagu boo i Pitrus, “Bagu aku nakatutun ra nogondo' ayuk ngaangai' ulun ra pagilangan ri Aki Kapuuno'.

ROMA 2:11

Sabap ri Aki Kapuuno' kalo mampili' ra ulun ondo' akimin Nano.

SAGULION 10:17

Tuhan i Aki Kapuuno' mino makakuasa' ra ngaangai' tuhan ra bokon am ngaangai' kakuasaan. Matulai am makakuasa' Io, am musiti' gagayaan Io. Kalo magimbas am kalo mangapu ra rasua.

IBRANI 9:27

Inaru' noyo ri Aki Kapuuno' ra igondo' ayuk ulun matoi am mopongo raginio akimin No.

1 PITRUS 1:17

Makiama' kau ri Aki Kapuuno' ralalom ru pakiasian min. Io no niayuk ondo' mangakim ra ulun maya' ra binaal nilono, am kalo mampili' ra ulun. Ginio ra urumato' noyo i Aki Kapuuno' buoi ra akau lakat ayuk poyo soroi ra tana' ti.