2 SAMUIL 13:4 - Tanou Moonsoi Timugon

⁴ Indagu i Jonadab ri Amnon, “Okou anak ru raja', kaa' moonong orou mangiluk kou! Kua?” Taam i Amnon, “Malaai aku ri Tamar, boborok ri Absalom pabukat kuno.”

2 SAMUIL 13:4 ပူးပေါင်းရင်းမြစ်များ

2 SAMUIL 13:3

Kaa' i Amnon mokoondo' ra sangulun rangan ondo' mapintar, inggalan nano i Jonadab anak ri Simia; i Simia ti maayo ra ungkuyon ru Raja' Daut.

2 SAMUIL 13:5

Indagu i Jonadab riso, “Baal raginio kalo mapagon! Baalo' ra ilain koson ayuk ra marualan am luya' ra intok kaalangan. Paat ra ama' muno matong pagilong rirun, raguo' gitio, ‘Ama', iowo' noyo i Tamar matong mangani' raki' ra akanon. Masaga' aku ra io mangansak ra akanon ragiti maa' raginio makito ku io, am io galama' mansulung ra akanon no raki'.’ ”

1 RAJA'-RAJA' 21:5

Inggaar andu' nano i Ijibil am pangkuot, “Kua rirun raja' pansagulian kaga' am marara' mangakan?”

1 RAJA'-RAJA' 21:7

Kon ri Ijibil, “Sala' ka kia raja' kou? Sukal no, bansuko' guang muno am akan no. Alapon ku rirun umo ri Nabot no!”

JISAYA 3:9

Kinalaat nilono mauligan intor ra bulos nilono. Kalo boo moopot nilo mambaal ra tula koson ra mamagun ru Sodom ra galing i. Alii boo risilo no! Maparatong ilo ra karaat ru inan nilo galama'.

JIRIMIA 8:12

Akau ulun Kuno, mauyu' kau kia sabap ra nambaal noyo ra ngaangai' baal ondo' malaat no? Kalo, totopot kalo mauyu' kau; nanangkapal bulos mino! Ginio ra maratu' kau koson ra ulun bokon; bayag mino mapupusan paat ra Aku mangukum ramuyun. Aku, Tuhan nakaindagu noyo.

IMAMAT 18:9

Pai' parulug ra pabukat ruandu' muno, ondo' kia ra pongkotob kapoam pansukapu, ondo' kia ra nasukor nabaya' rirun ra rondo' baloi kapoam giu' baloi ra bokon.

IMAMAT 20:17

“Amon ru sangulun ungkuyon maguot ra pabukat ruandu' nano, ondo' kia pabukat ra rondo' ina' rondo' ama' kapoam pabukat ra pansukapu ondo' rondo' ama' suai ina' kapoam rondo' ina' suai ama', musiti' ilo karuruo no tauyuon ra saang ru ulun masuang am kalo boo karaan ra ulun ru Israil. Narulug noyo ungkuyon no ra pabukat ruandu' nano am musiti' magantung ra kinibit no.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.

LUKAS 12:32

“Pai' kau kalaa', kabalu' pana kalo masuang kau, sabap ra i Ama' min masaga' mangani' ramuyun ra barakat ru pamarintaan Nano.