2 SAMUIL 13:3 - Tanou Moonsoi Timugon

³ Kaa' i Amnon mokoondo' ra sangulun rangan ondo' mapintar, inggalan nano i Jonadab anak ri Simia; i Simia ti maayo ra ungkuyon ru Raja' Daut.

2 SAMUIL 13:3 ပူးပေါင်းရင်းမြစ်များ

KASAUKAN 3:1

Kukuo rondo' bibiag ondo' mapintar kaga' intor ra ngaangai' bibiag ondo' binaal ru Tuhan i Aki Kapuuno'. Pangkuot kukuo no ra ruandu' no, “Motopot kia minindagu i Aki Kapuuno' ra kalo maakan min kinawa' intor ra ngaangai' puun ondo' soroi ra taman ti?”

KASAUKAN 38:1

Olo'-olo' paat raginio iruani' ri Jiuda pagaka'-pagaka' nano am ongoi ayan ri Gira, iono sangulun ungkuyon intor ra bandar Adulam.

KASAUKAN 38:20

Kukula' buoi raginio, panusub i Jiuda ra rangan nano i Gira mongoi pangator ra anak kambing no am mamuli' ra kuliamos ondo' tinaakan nali koson tatandu' jaminan, kaa' kalo natuum ri Gira ruandu' i.

2 SAMUIL 13:2

Malaai kaga' i Amnon ri Tamar saboi narualan i Amnon. Kaa' i Amnon kalo makapambaal ra atan-atan sabap ra i Tamar ralaa poyo kaga' am kalo iowon makatuum ra ungkuyon.

2 SAMUIL 13:32

Kaa' i Jonadab anak ri Simia maayo ra ungkuyon ru Raja' Daut mindagu, “Raja' kuno, kalo namatoi ilo ra ngaangai' ru anak ungkuyon muno. I Amnon ayuk pinatoi, sabap ra nakito noyo ra ginio noyo kasagaan ri Absalom intor ra boborok nano i Tamar rinulug ri Amnon.

2 SAMUIL 13:4

Indagu i Jonadab ri Amnon, “Okou anak ru raja', kaa' moonong orou mangiluk kou! Kua?” Taam i Amnon, “Malaai aku ri Tamar, boborok ri Absalom pabukat kuno.”

2 SAMUIL 14:2

ginio ra panusub io ra ulun magalap ra ruandu' mapintar ondo' minayan giu' ra Tikoa. Paat ra ruandu' no nakasaboi, indagu i Joab riso, “Baalo' ra ilain koson ayuk ra mangulir; pambayang ra bayang mangulir am pai' surayo' abuk. Baalo' koson ra ruandu' ondo' lair noyo mangulir.

2 SAMUIL 21:21

Magasab io ra ulun ru Israil, am i Jonatan anak ri Simia, namatoi riso. I Simia iono maayo ungkuyon ru Raja' Saul.

1 TUNUNG RU BANSA' ISRAIL 2:13

I Isai mokoondo' tulu' ngaulun anak ungkuyon. Gitilo noyo inggalan nilo sumugut ra umur: Iliab, Abinadab, Simia,

1 TUNUNG RU BANSA' ISRAIL 27:32

I Jonatan, kamaman ru Raja' Daut, iono sangulun maminson ondo' mapintar am mapandai kaga'. Io am i Jiwil anak ri Gakmoni inanian ra kandoi mangila' ra anak-anak ungkuyon ru raja'.

ESTER 5:10

Kaa' inorot no guang nano am narampus uli' ra baloi nano. Nampiau io ra rangan-rangan nano ra baloi nano am nampiau ra andu' nano i Jiris nanturung nababaya' risilo.

ESTER 5:14

Pokorongog ra baal raginio, andu' nano am ngaangai' rangan nano mindagu, “Tirongo' rondo' lugu' panairan ra sawat no 22 ngamito, am rumondom ra susuab no kitaakon maa' raginio mangukum raja' ra tairon i Mordikai. Akau pana makasaang boo ra bunsag no ra guang maansukan.” Nampaguang i Gaman ra inatangan no moonsoi. Ginio ra nanusub io ra ulun mambaal ra lugu' pampatairan no.

ESTER 6:13

Nambala' i Gaman ra andu' nano am rangan-rangan nano ra atan ondo' nasauk noyo. Andu' am rangan-rangan nano ondo' mangapintar no mindagu riso, “Okou tumalimpuun maala ri Mordikai. Io ulun ru Jaudi, am kalo makagula' kou riso. Maaru' makapangala io rirun.”

AMSAL 19:6

Moonong ulun gumogot koson mangalap ra guang ru ulun maayo, am masaga' kumubayau ra ulun mataau.

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

JAKUBUS 3:15

Ginio sala' ka kapintaran intor suruga'. Kaa' intor io ayuk ra tana' ti, intor ayuk ra paliso ru ulun am intor poyo ra riwato.

TINGGANAI RU BANSA' 14:20

Andu' ri Simson pana pinataak boo ra ulun ondo' nasauk ra mamaya' ri Simson paat ra paguatan.

1 SAMUIL 16:11

I Samuil pana nangkuot boo ri Isai, “Ginilo ayuk kia anak ungkuyon muno?” Taam i Isai, “Lakat poyo mokoondo' sangulun poyo, ondo' pupusan, kaa' tatanga' io magalung ra domba.” Kon ri Samuil, “Panusub ra ulun mongoi pampiau riso, sabap ra kalo mababaya' takau mangakan ra io kalo poyo makaratong.”

1 SAMUIL 16:9

Kopongo raginio nanusub i Isai ri Syama mongoi uma'. Kon ri Samuil, “Io niayuk kalo pinili' ru Tuhan.”