2 SAMUIL 13:29 - Tanou Moonsoi Timugon

²⁹ Ulipon-ulipon ri Absalom nambaal ra susuban no am namatoi ri Amnon. Anak ungkuyon ru Raja' Daut ra bokon no nangura' ra baghal ru sigagama' am pagigiru'.

2 SAMUIL 13:29 ပူးပေါင်းရင်းမြစ်များ

KASAUKAN 36:24

Anak ungkuyon ri Jibion ruo ngaulun iono i Aya am i Ana. (I Ana noyo nakatuum ra taur ru timug mangalasu' giu' ra tana' kaagisan paat io magalung ra kaladai ru ama' nano.)

2 SAMUIL 12:10

Ginio sabap ra okou kalo gumagaya' Raki' am namundus kou ra andu' ri Uria, ginio ra ralalom ru moonong ra papag muno mokoondo' matoi ra potoyon.

2 SAMUIL 13:30

Tatanga' ilo mangkiralan muli', binalaan Raja' Daut ra namatoi i Absalom ra ngaangai' anak ungkuyon nano, am kolondo' sangulun pana pinoloso maayag.

2 SAMUIL 14:6

Mokoondo' aku ra ruo ngaulun anak ungkuyon, am paat ra rondo' orou nansangor ilo giu' ra umo. Sabap ra kolondo' ulun nampatuliar risilo, ondo' sangulun no namatoi ra sangulun no.

2 SAMUIL 18:9

Paat ri Absalom nangura' ra baghal nano, pulali' io nakatuum ra ulun ru Raja' Daut. Baghal nano nansail ra ragana' ru puun oak ondo' makalu, saboi nakasangut ulu ri Absalom ra raan ru tataun no. Narayus baghal nano nagiru' am i Absalom natatang am nakatair ra giu' no.

1 RAJA'-RAJA' 1:33

kon ru Raja' Daut risilo, “Ibito' i Salomo, anak ungkuyon kuno, mongoi ra taur ru timug giu' ra Gigon. Polosoon io mangura' ra baghal kuno am ibito' min pagawai-pagawai ru istana mababaya' ramuyun.

1 RAJA'-RAJA' 1:38

Kopongo raginio i Jadok, i Natan, i Binaya am ulun magalung galama' ru raja' nangkimait ri Salomo nangura' ra baghal ru Raja' Daut, am namaya' riso mongoi ra taur ru timug giu' ra Gigon.

AMSAL 29:12

Amon ru sangulun mangunguasa' mampaguang ra tanou kalo motopot, ngaangai' mangngandoi nano masauk ra malaat.

IMAMAT 19:19

“Gagaya' no ra susuban Kuno. Pai' pampaano' ruo salinut bibiag ondo' kalo nogondo'. Pai' panias ra ruo salinut ru sampug giu' ra rondo' umo. Pai' pambayang ra bayang ondo' binaal intor ra ruo salinut ru banang.

MIKA 7:3

Ngaangai' ilo mapandai mambaal ra kalaatan. Ngaangai' pagawai am akim makitaak ra rasua. Ulun ondo' mauligan toojo mampajajal ra atan gogoton ru guang nilo. Ginio ra maguguum ilo koson mambaal raginio.