2 SAMUIL 13:28 - Tanou Moonsoi Timugon

²⁸ Nanusub i Absalom ra ulipon-ulipon nano, “Ilai' min toojo, amon ru nagauk noyo i Amnon sabap ra manginum ra wain, mangani' aku ra pulanu, am potoyo' io. Pai' kalaa'. Aku mansaan ra baal raginio. Baalo' noyo ra baani am pai' pagantangan!”

2 SAMUIL 13:28 ပူးပေါင်းရင်းမြစ်များ

KASAUKAN 9:21

Pakainum i Nuu ra wain, kagauk io. Aluso' no ngaangai' bayang nali am pombolong am nagibabaang io ralalom ru kim nano.

2 SAMUIL 11:13

Suabon no nangkimait Raja' Daut ri Uria mongoi ra bunsag ra rondom am nampagauk riso. Kaa' rondom raginio niayuk kalo minuli' i Uria ra baloi nano, kaa' nombolong nagapin ra bajang nano giu' ra ralalom ru lamin ru ulun mantamung ra istana.

2 SAMUIL 11:15

Koon raginio suang ru surat no, “Susubo' i Uria mongoi ra barisan ru saang, intok pangayawan ondo' moporos kaga', malupus raginio susubo' pulalai muno lumugut ra kalo mapandayan ri Uria maa' raginio matoi io.”

2 SAMUIL 12:10

Ginio sabap ra okou kalo gumagaya' Raki' am namundus kou ra andu' ri Uria, ginio ra ralalom ru moonong ra papag muno mokoondo' matoi ra potoyon.

2 SAMUIL 13:27

Kaa' narayus i Absalom nangkimait saboi pupus no nangiou Raja' Daut ri Amnon am ngaangai' anak ungkuyon nano ra bokon maya' ri Absalom. Pampasulung i Absalom ra akanon ondo' mangaamis kaga'.

2 SAMUIL 14:6

Mokoondo' aku ra ruo ngaulun anak ungkuyon, am paat ra rondo' orou nansangor ilo giu' ra umo. Sabap ra kolondo' ulun nampatuliar risilo, ondo' sangulun no namatoi ra sangulun no.

1 RAJA'-RAJA' 20:16

Pamulunsaran raginio pinuunan paat ra tanga' ru orou paat ra Raja' Bingadad am talu ngoopor am ruo ngaulun raja' ra paguum nano tatanga' nangagauk giu' ra pangkiman nilono.

ESTER 1:10

Paat ra orou katulu' ru bunsag no, nanginum raja' saboi naansukan kaga'. Raja' pana nampiau boo ra tulu' ngaulun ungkuyon sida-sida ondo' nasauk ra kambo nano galama': I Miguman, Bijta, Arbona, Bigta, Abagta, Jitar am i Karkas.

MAZMUR 104:15

am makabaal ilo ra tinapayan koson mapabansuk ra guang, umau jaitun koson mapakalunau ra bulos, am akanon koson manaak ra kaligagan.

KAINGKUALAN 1:18

Piawo' boo ru raja' no ulun mampaanak no am pangkuot, “Kua baalo' min gitio? Kua polosoo' min lalagang ungkuyon maayag?”

MAMPATANOU 10:19

Bunsag mapabansuk ra guang min, wain pana mampakurit ramuyun, kaa' karuruo no kalo maalap min amon ru kolondo' ruit.

MAMPATANOU 9:7

Pangakan no, panginum no, am pakaansuk no! Panginum no ra wain am pakaansuk no; kalo manginggalar i Aki Kapuuno'.

DANIL 5:30

Paat rondom raginio niayuk Raja' Bilsyajar, raja' ru Babilonia pinatoi.

NAGUM 1:10

Akau magauk solobon koson ra rami ondo' mapua', koson ra bulungkut makaruui ondo' nanririlit.

LUKAS 21:34

“Ilalai' min! Pai' kau bunsag am magiginum ayuk, kapoam magalabo ra kaayagan mino ayuk, saboi Orou ru Tuhan mamulali' matong am kalo makatampos kau.

RINALATAN 5:29

I Pitrus am rasul ra bokon no timinaam, “Akai musiti' gumagaya' ri Aki Kapuuno' am sala' ka ulun.

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

TINGGANAI RU BANSA' 19:22

Tatanga' ilo maansukan, pulusat ru kukula' ngaulun ondo' jajajou paliso intor ra bandar no nagawang ra baloi no, am tumalimpuun maningkag ra kulobon. Indagu ilo ra ulun matutuo no, “Pataako' ungkuyon ondo' giu' ra baloi muno. Masaga' akai rumulug riso!”

TINGGANAI RU BANSA' 19:6

Ginio ra panturung ulun ru Liwi no, am pangakan am panginum nabaya' ra ama' ru ruandu' no. Indagu boo ama' ru ruandu' no, “Ayan poyo sorondom am katasu'-tasu' no.”

TINGGANAI RU BANSA' 19:9

Paat ra ulun ru Liwi no, ruandu' parulug nano, am ulipon nano masaga' mugar, indagu ama' ru ruandu' no, “Ilai', lumondom galing noyo. Moonsoi poyo mombolong kau ragiti am katasu'-tasu'. Susuab no rumondom kau karat am muli'.”

RUT 3:7

Pakaakan am pakainum i Boas, naansukan io. Ongoi io ra tinuntur ra barli, luya' am pombolong. Sinok-sinok boo i Rut mininggaar riso. Sukiapo' no bajang ri Boas am pombolong maar ra tupakon nano.

1 SAMUIL 18:22

Nanusub Raja' Saul no ra pagawai-pagawai nano maa' raginio suminok mambala' ri Daut koson ragitio, “Maansayan Raja' no rirun, am ngaangai' ru pagawai nano masaga' rirun; ginio ra raino noyo paat ondo' motopot rirun koson manangandu' ra anak ruandu' ru raja'.”

1 SAMUIL 28:10

Kopongo raginio nagibot Raja' Saul, “Ralalom inggalan ru Tuhan ondo' naayag, nambantu' aku ra kalo potoyon kou sabap nambaal ra baal ragitio.”

1 SAMUIL 28:13

Kon ru Raja' Saul riso, “Pai' kalaa'! Pambala' noyo ra atan ondo' nakito muno!” Kon ru ruandu' no, “Nakito ku ambiluo siminalula' intor ra tana' ti.”