2 SAMUIL 13:23 - Tanou Moonsoi Timugon

²³ Kopongo ruo ngambilor, paat ra pamaguntingan ra bulu ru domba longgom ri Absalom baalon giu' ra Baal-Gajor ondo' mamaar ra bandar Ipraim, nampiau i Absalom ra ngaangai' anak ungkuyon ru raja' matong ra giu' no.

2 SAMUIL 13:23 ပူးပေါင်းရင်းမြစ်များ

KASAUKAN 31:19

Paat raginio minongoi i Laban pagungkur ra bulu ru domba-domba nano, am paat raginio noyo tokowo' ri Ragil sinungkalalaing ri Laban no.

2 SAMUIL 13:24

Uma' i Absalom ra raja' am indagu, “Ama', mambaal aku ra bunsag paat ra pamaguntingan ra bulu ru domba kuno. Gama' ru matong kou ra bunsag no mabaya' ra pagawai-pagawai muno.”

1 RAJA'-RAJA' 1:19

Nampataak io noyo ra masuang sapi' gawayan, domba, am anak ru sapi' ondo' molomok koson ra taak simbalui, am niayuk nampiau ra anak-anak ungkuyon muno, Imam Abiatar, am i Joab, panglima saujor muno, mongoi ra bunsag no, kaa' i Adonia no kalo nampiau ri Salomo ti, anak ungkuyon mutu.

1 RAJA'-RAJA' 1:25

Paat ra orou raiti' nampataak i Adonia ra masuang sapi' gawayan, domba am anak ru sapi' ondo' kinolomok koson ra taak simbalui. Nampiau io ra ngaangai' ru anak ungkuyon muno, i Joab panglima ru saujor muno am Imam Abiatar. Paat ra raino ti tatanga' ilo rumamai liliwa' gumolok ra, ‘Naayag kou Raja' Adonia!’

1 RAJA'-RAJA' 1:9

Paat ra sangarawan nampataak i Adonia ra taak simbalui domba, sapi' gawayan, am anak ru sapi' ondo' molomok. Ngaangai' ru taak simbalui no pinataak giu' ra Batu Kukuo, mamaar ra taur ru timug In-Rogil. Nampiau i Adonia ra anak-anak ungkuyon ru Raja' Daut ra bokon no, am pagawai-pagawai ru raja' intor ra Jiuda mongoi ra bunsag no,

2 RAJA'-RAJA' 3:4

Raja' Misa intor ra Moab, mokoondo' ra tinambiag ra domba. Moonong bilor mangani' io ra raja' ru Israil ra cukai suang no 100,000 ngainan anak domba, am bulu domba intor ra 100,000 ngainan domba.

2 TUNUNG RU BANSA' ISRAIL 26:10

Binaal no niayuk manara-manara mokoondo' ra kubu giu' ra tana' malimparang am nangkali ra tulubong-tulubong, sabap ra mokoondo' io ra masuang bibiag tinambiag giu' lonson toojo ru bulur tampilon ra kalasaan am giu' ra tana' marata'. Raja' Ujia masaga' ra pagitanaman; ginio ra nagangat ra mamagun maa' raginio manangumo ra anggur giu' ra tampilon kabuluran am magitanom ra tana' ondo' malabung.

NIGIMIA 11:33

Gajor, Rama, Gitaim,

1 SAMUIL 25:2

Giu' ra bandar Maon mokoondo' sangulun ungkuyon makainggalan ri Nabal, intor ra bansa' Kalib. Io ti mokoondo' ra tana' mamaar ra bandar Karmil. Io ti langkaya' kaga' am mokoondo' ra talu ngaribu ngainan domba am saribu ngainan kambing. I Abigail andu' nano, maligag am mantalur, kaa' i Nabal ti makuliga' am makapaliso ra malaat. Rondo paat raginio tatanga' i Nabal mopolompor ra bulu ru domba nano giu' ra Karmil.

1 SAMUIL 25:36

Paat ri Abigail minuli' ri Nabal, mokoondo' bunsag maayo giu' ra baloi nano, koson ra bunsag ru raja'. Sabap ra nagauk i Nabal am maansukan, kalo nambala' i Abigail ra atan pana riso saboi ra suabon no.

1 SAMUIL 25:4

Paat raginio, soroi i Daut giu' ra tana' kaagisan, nokorongog ra baal raginio.

1 SAMUIL 25:7

Norongog ri Daut ra tatanga' kou mopolompor ra bulu ru domba muno. Kaala' no ra magagalung-magagalung muno ondo' soroi ra intok maino kalo igondo' mai taliojowo', am kalo igondo' ilo natatakan ra atan pana buoi soroi giu' ra Karmil.