2 SAMUIL 13:20 - Tanou Moonsoi Timugon

²⁰ Paat ri Absalom nakakito ri Tamar, pangkuot io, “Rinulug kou kia ri Amnon? Sama' noyo boborok kuno, pai' pangiluk kaga' sabap ra baal raginio. Io no maayo muno, sabap raginio pai' pambala' ra baal raginio ra osoi pana.” Ayan i Tamar ra baloi ri Absalom; i Tamar mangiluk kaga' am masilukan.

2 SAMUIL 13:20 ပူးပေါင်းရင်းမြစ်များ

KASAUKAN 34:2

Paat ri Sikgim anak ungkuyon ri Gamor no, ulun ru Giwi, raja' ru libung raginio nakakito ri Dina, ibito' no nagiru' am sawaa' no.

KASAUKAN 46:15

Ginio noyo anak-anak ungkuyon ondo' inanak ri Liya giu' ra Misopotamia, am poyo anak ruandu' nano i Dina. Ngaangai' papag ri Jakub intor ra andu' nano i Liya suang no talu ngoopor am talu ngaulun.

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

2 SAMUIL 13:21

Pokorongog ra baal raginio, siminangit kaga' Raja' Daut.

2 SAMUIL 14:24

Kaa' kalo nangiou raja' no ri Absalom mayan ra istana. Kon ru raja', “Marara' aku magilong riso.” Ginio ra narampus i Absalom minuli' ra baloi nano galama' am kalo minuma' ra raja'.

AMSAL 26:24

Ulun masisang no maamis ra mindagu, kaa' guang nano napanu' ra ruung.

ROMA 12:19

Pabukat ondo' tagamin ku: pai' pambalos ra kalaatan ru ulun, kaa' polosoo' noyo i Aki Kapuuno' mangukum risilo. Sabap ra tinulisan noyo ra Buuk Kitab, “ ‘Aku noyo mambalos am Aku noyo mangukum,’ kon ru Tuhan.”