2 SAMUIL 12:7 - Tanou Moonsoi Timugon

⁷ Kon ri Natan ra Raja' Daut, “Okou noyo ulun no! Gitio noyo rinagu ru Tuhan, i Aki Kapuuno' ru ulun ru Israil, ‘Nangalap Aku no rirun masauk ra raja' ru Israil am namayag rirun intor ri Saul.

2 SAMUIL 12:7 ပူးပေါင်းရင်းမြစ်များ

2 SAMUIL 14:13

Kon ru ruandu' no, “Sabap ra ragu muni, nangiou kou noyo ra okou galama' makasala sabap ra kalo nangiou ra anak ungkuyon muno muli' intor ra pamatiran. Kua baalo' mu kasalaan koson raginio ra ulun ri Aki Kapuuno'?

2 SAMUIL 22:1

Kopongo Tuhan namayag ra Raja' Daut intor ra Raja' Saul am pantula'-pantula' nano ra bokon, narimbai i Daut ra rimbai ragitio tayar ru Tuhan:

2 SAMUIL 22:49

am mamayag raki' intor ra pantula' kuno. Iou Tuhan, mangani' Kou raki' ra kamanangan ra pantula' kuno, am manindung raki' intor ra ulun malaat.

2 SAMUIL 7:8

Ginio ra balai' ulipon Kuno Raja' Daut ra gitio noyo ragu Kutu, Tuhan Ondo' Maayo Kaga' Kuasa' no riso, ‘Nangalap Aku rirun intor ra magalung ra domba giu' ra padang am napasauk Aku rirun ra tingganai ru ulun Kuno Israil.

1 RAJA'-RAJA' 14:7

Ongoi noyo balai' Raja' Jirobiam ra koon raginio ragu ru Tuhan, i Aki Kapuuno' ru Israil riso, ‘Nampili' Aku rirun intor ra gino ngai' ru mamagun, am mampasauk Aku rirun ra raja' ru ulun Kuno Israil.

1 RAJA'-RAJA' 18:18

Taam i Ilia, “Aku ti sala' ka i jumajou. Okou raja' am sasambaloi muno ia jumajou no. Kalo nampagagaya' kou ra susuban ru Tuhan am sinamba mu sinungkalalaing Baal.

1 RAJA'-RAJA' 20:40

Kaa' kumantisuk aku ra baal ra bokon, saboi nagiru' ulun no.” Taam raja' no, “Inukum mu inan muno galama'. Ginio ra musiti' kou mambayar raginio.”

1 RAJA'-RAJA' 20:42

Nabi no pana mindagu boo ra raja', “Koon raginio ragu ru Tuhan, ‘Sabap no ra ulun ondo' susubon Kuno ra potoyon no pinoloso mu nagiru', raino musiti' kou mambayar raginio ra painawo muno galama', am saujor muno mapuso sabap ra nompoloso kou ra saujor ru pantula' nagiru'.’ ”

MAZMUR 18:1

Ra tingganai ru santimungan maririmbai. Mazmur ri Daut, ulipon ru Tuhan. Rinimbai ra Tuhan paat ra Tuhan namayag ri Daut intor ra Raja' Saul am niayuk intor ra ngaangai' pantula' nano.

JIRIMIA 34:6

Aku pana nampasaboi boo ru tanou no ra Raja' Jidikia giu' ra Jirusalim,

DANIL 4:22

“Iou raja' kuno, okou no puun tataun ondo' masawat am maikang no. Kinaayo muno gumaai saboi ra limbowon, am kuasa' muno lumangka' ra titikop ru tana'.

MATIUS 14:14

Paat i Jisus masak intor ra parau no am ilai' no masuang ulun, makaasi' Io risilo am babaso' no ulun-ulun ondo' marualan.

1 SAMUIL 13:13

Taam i Samuil, “Sasambungon binaal muno. Kalo giminagaya' kou ra susuban ru Tuhan, i Aki Kapuuno' muno, rirun. Amon ru giminagaya' kou, maaru' mangiou Tuhan no rirun am papag muno mamarinta ra Israil ra mantilayun.

1 SAMUIL 15:17

Kon ri Samuil, “Sala' ka kia okou no nasauk ra tingganai ru ngaangai' bansa' ru Israil, kabalu' pana mangkara' kou ra kalo maatang kou? Nampili' noyo Tuhan no rirun nasauk ra raja' ru Israil,

1 SAMUIL 16:13

Nangalap i Samuil ra umau jaitun, am nampili' ri Daut no am nangumau ra ulu ri Daut no ra umau giu' ra saang ru ngaangai' maayo ri Daut. Paat raginio niayuk Ambiluo ru Tuhan nanguasa' ri Daut am nabaya' riso intor ra orou raginio. Kopongo raginio minuli' i Samuil giu' ra Rama.

1 SAMUIL 18:11

Nangkara' Raja' Saul, “Potonsokon ku io ra timbok no.” Pinapatir no tutura' no ri Daut saboi induo, kaa' nailiwan ri Daut ginio.

1 SAMUIL 18:21

Nangkara' Raja' Saul, “Pataakin ku i Mikgal no ri Daut maa' raginio malandak i Daut am potoyon ru ulun ru Palistin.” Kainduo no boo, indagu Raja' Saul ri Daut, “Raino masauk kou ra anak mangiwan kuno.”

1 SAMUIL 23:14

Nansibuni i Daut giu' ra intok-intok panindungan giu' ra kabuluran, giu' ra tana' kaagisan Jiip. Masalok io ilolowon ru Raja' Saul, kaa' Tuhan kalo napataak riso ra Raja' Saul.

1 SAMUIL 23:7

Raja' Saul no binalaan ra minongoi noyo i Daut ra Kigila, indagu boo Raja' Saul ralalom ru guang, “Raino napataak noyo i Aki Kapuuno' ri Daut no ra kalindu' kutu. Nalandak noyo i Daut sabap ra minumpos ra ralalom ru bandar ondo' makatimbok am mokoondo' ra kulobon garabang ondo' makaumpok.”