2 SAMUIL 12:31 - Tanou Moonsoi Timugon

³¹ Suai raginio mamagun inibit am sinusub magibit ra gargaji, sangkul basi', kapak basi', am jinajalan ilo mangandoi ra intok pambaalan ra batu bata. Baal raginio binaal niayuk ra mamagun ru bandar-bandar ru ulun ru Amon ra bokon. Kopongo raginio Raja' Daut am ngaangai' ru saujor nano siminaguli' ra Jirusalim.

2 SAMUIL 12:31 ပူးပေါင်းရင်းမြစ်များ

2 SAMUIL 8:2

Kopongo raginio nangala Raja' Daut ra ulun ru Moab. Nanusub io ra ulun inaput nano lumangan ra tana', pamatoi io boo ra ruo ngaulun intor ra moonong talu ngaulun. Ginio ra ulun ru Moab naala ra Raja' Daut am mambayar riso ra cukai.

1 TUNUNG RU BANSA' ISRAIL 20:2

Kopongo raginio minatong Raja' Daut am nangalap ra masuang kaga' kuliamos ginaau intor ra bandar no. Kuliamos raginilo mokoondo' karaun ru raja' ru Amon. Karaun no ra bagat no olo'-olo' 34 ngakilogram am tinakinan ra sangunor intan. Inalap ru Raja' Daut intan no am patakino' no ra karaun nano galama'.

1 TUNUNG RU BANSA' ISRAIL 20:3

Kopongo raginio tinimung ru Raja' Daut mamagun ru bandar Raba am nampajajal risilo mangandoi mamakai ra gargaji, sangkul basi' am panaa'. Binaal ru Raja' Daut baal ra nogondo' ra bandar-bandar ru Amon ra bokon. Kopongo raginio Raja' Daut am ngaangai' ru saujor nano siminaguli' ra Jirusalim.

JIRIMIA 43:9

“Alapo' noyo kukula' batu mangaayo am tonomo' ngaangai' no giu' ra tana' ra saang ru kulobon umpasan mongoi ra baloi ru pamarintaan giu' ra bandar no. Polosoon noyo kukula' ngaulun ru Israil nakakito rirun nambaal raginio.

AMOS 1:13

Indagu Tuhan, “Mamagun ru Amon ruruli' noyo makatula, ginio ra maaru' ukumin Ku ilo. Paat ilo mangayou koson mapalangka' ra wilayah, lapaan nilo tinai' ru ruandu'-ruandu' maapang giu' ra Giliad.

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

AMOS 1:3

Indagu Tuhan, “Mamagun ru Damsyik ruruli' noyo makatula, ginio ra maaru' ukumin Ku ilo. Pamakuan nilo ra ulun Giliad malaat kaga'.

IBRANI 11:37

Mokoondo' poyo pinatoi bobolo' ra batu am niayuk piniruo garagajio' kapoam tinobok saboi minatoi. Am poyo mokoondo' jajawot ayuk ra kolondo' intok randanan nilai; kungkung ru domba kapoam kambing ayuk bayang nilai sabap ra musikin ilo toojo. Nansalinut kapaganan am imbolo' ondo' natuum nilo.

JOSUA 10:15

Kopongo raginio siminaguli' i Josua am saujor nano ra pangkiman giu' ra Gilgal.