2 SAMUIL 12:24 - Tanou Moonsoi Timugon

²⁴ Manimayo Raja' Daut ra guang ri Batsyiba andu' nano, am narulug riso. Kopongo raginio naganak i Batsyiba ra sangulun anak ungkuyon ondo' ininggalanan ru Raja' Daut ri Salomo. Motogom Tuhan ra anak no

2 SAMUIL 12:24 ပူးပေါင်းရင်းမြစ်များ

2 SAMUIL 12:25

am nanusub ra Nabi Natan manginggalan ra anak no ri Jidija, sabap ra motogom Tuhan riso.

2 SAMUIL 5:14

Gitilo noyo anak ungkuyon ri Raja' Daut ondo' inanak giu' ra Jirusalim: Syamua, Sobab, Natan, Salomo,

2 SAMUIL 7:12

Amon ru saboi ra pupus ru bayag muno, am lobongon kou ra kalabangan ru kinamatuaan muno, sangulun intor ra anak ungkuyon muno saukon Ku ra raja', am kapioton Ku pamarintaan nano.

1 RAJA'-RAJA' 1:10

kaa' kalo nampiau io ri Salomo boborok pansukapu nano, Nabi Natan, i Binaya, am magalung galama' ru raja'.

1 RAJA'-RAJA' 1:11

Kopongo raginio Nabi Natan minongoi tuum ri Batsyiba, ina' ri Salomo, am pangkuot riso, “Kalo kia igondo' kou pokorongog ra i Adonia anak ri Gagit, misauk io galama' ra raja'? Kaa' Raja' Daut kalo nakapandai ra baal raginio!

1 TUNUNG RU BANSA' ISRAIL 29:1

Indagu Raja' Daut ra ngaangai' ulun ondo' natimung ra giu' no, “Anak kuno, i Salomo pinili' timpoko' ri Aki Kapuuno'. Kaa' io lakat poyo mamulok am kolondo' natandaan, alika kandoi ti maayo kaga'. Ra am poyo ondo' baalon sala' ka istana ru ulun, kaa' baloi ru Tuhan i Aki Kapuuno'.

1 TUNUNG RU BANSA' ISRAIL 3:5

am masuang anak ungkuyon nano inanak ra giu' no. Andu' nano i Batsyiba anak ri Amiil, naganak ra apat anak ungkuyon giu' ra Jirusalim. Inggalan nilo i Simia, Sobab, Natan am i Salomo.

NIGIMIA 13:26

Indagu aku risilo, “Ruandu' bansa' ra bokon noyo ondo' nangkinibit ra Raja' Salomo makatula. Raja' Salomo nakatabual poyo inggalan intor ra raja'-raja' ra bansa' ra bokon. Motogom i Aki Kapuuno' riso am nampasauk riso ra raja' ru titikop ru Israil. Kabalu' pana koon raginio, makatula io sabap ra inambi' ru ruandu' bansa' ra bokon.

AMSAL 4:3

Bulintok ra lakat aku poyo lalaing, koson ra sangulun buayoi langkuir,

MATIUS 1:6

i Isai ama' ru raja' Daut. Intor ri Daut suku' ulun ru Israil inulipon ra pagun ru Babil, gitio noyo inggalan ru kinamatuaan no: I Daut ama' ri Salomo (ina' ri Salomo ti andu' galing ri Uria);

SAGULION 33:12

Intor ra bansa' ru Binjamin, indagu io, “Gitio noyo bansa' ondo' tagamin am sindungin ru Tuhan; magalung Io risilo ra tutukir paat, minayan Io ra tatanga' nilo.