2 SAMUIL 12:22 - Tanou Moonsoi Timugon

²² Taam Raja' Daut, “Iou, topot ra nampali am nantangi' aku paat ra anak no lakat poyo maayag sabap ra mangkara' aku, maaru' Tuhan no makaasi' raki' am makapamayag ra anak no.

2 SAMUIL 12:22 ပူးပေါင်းရင်းမြစ်များ

2 SAMUIL 12:21

Kon ru pagawai-pagawai nano riso, “Raja' mai, akai ngaangai' kalo makarati'. Paat ra anak ungkuyon muli lakat poyo maayag, nampali am tinangian mu io. Kaa' kalupus io minatoi, sukal kou am pangakan!”

2 RAJA'-RAJA' 20:3

“Karaa' noyo, iou Tuhan, ra nangandoi aku Rirun ra gumagaya' am totopot, am ra masalok aku mirot koson mambaal ra kasagaan Muno.” Raja' no pana nantangi' ra mangiluk.

JISAYA 38:5

siminaguli' ra Raja' Gijkia am mapasaboi ra bilin ragitio, “Aku Tuhan, i Aki Kapuuno' ondo' sambaan ri Daut kinamatuaan muno, nokorongog ra pakiasian muno am magilong ra lomou muno. Ruangin Ku poyo umur muno mopor am limo ngambilor.

JOIL 1:14

Pangani' no ra susuban koson mampali; pambaal no rondo' pantimungan. Susubo' tingganai-tingganai am ngaangai' mamagun ru Jiuda matong ra Baloi ru Tuhan, i Aki Kapuuno' min am pampiau makiindangan Riso.

JOIL 2:14

Maaru' lair Tuhan i Aki Kapuuno' mino mangulau ra pangkaraan Nano, am mambarakat ramuyun ra ampos ru tana' ti ondo' masuang. Ginio ra makapampataak kau Riso ra gandum am wain.

AMOS 5:15

Kasisang kano ra kalaatan, tagami' noyo moonsoi, am potolorogo' katimpakan giu' ra makama. Maaru' lair Tuhan makaasi' ra ulun ru Israil ondo' lakat poyo maayag.

JUNUS 1:6

Paat ra kaptin ru kapal i timinuun giu' ra ragana', natuum no i Junus nombolong ra giu'. Indagu kaptin i, “Ati koson kou mombolong ra baal ragitio? Karat no! Pakiasi' no makiindangan ra dewa muno. Maaru' lair makaasi' io ritakau, am kalo mapuso takau.”