2 SAMUIL 12:16 - Tanou Moonsoi Timugon

¹⁶ Pakiasi' Raja' Daut ri Aki Kapuuno' koson mababas anak raginio. Nampali Raja' Daut am moonong rondom lumuya' io ra sulig ru lamin nano sorondom.

2 SAMUIL 12:16 ပူးပေါင်းရင်းမြစ်များ

2 SAMUIL 12:15

Kopongo raginio uli' i Natan ra baloi nano. Anak ungkuyon ru Raja' Daut ondo' inanak ri Batsyiba, napuor ri Uria, pinoloso ru Tuhan marualan ra malanjag.

2 SAMUIL 12:22

Taam Raja' Daut, “Iou, topot ra nampali am nantangi' aku paat ra anak no lakat poyo maayag sabap ra mangkara' aku, maaru' Tuhan no makaasi' raki' am makapamayag ra anak no.

2 SAMUIL 13:31

Tirong Raja' Daut, pamparilak-rilak ra bayang nano sabap ra mangiluk guang, am langan ra sulig. Ngaangai' ru pagawai nano minaya' pamparilak ra bayang.

1 RAJA'-RAJA' 21:27

Kopongo i Ilia minindagu, rilako' ru Raja' Agab bayang nano. Inalus no bayang nano am sulungi' konoon karung koson tatandu' ru pansagulian guang. Nampali Raja' Agab, am pombolong io ra mambayang ra konoon karung. Mugar Raja' Agab mongoi ra giu' giti ra bulos malaut am mangiluk guang.

NIGIMIA 1:4

Pokorongog aku ra ngaangai' no, panturung aku am pantangi'. Kukula' ngoorou buoi ra aku nanulaboi am kalo nangakan ra atan pana. Pakiasi' aku ri Aki Kapuuno',

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

MAZMUR 50:15

Piawo' min Aku bulintok ra akau makakapaganan; bayagon Takamin, am omporon min Aku.”

MAZMUR 69:10

Togom kuno ra Baloi Muno mapaang koson ra apui; nagasaban nilo Rirun lumumpa' ra inan kuno.

JISAYA 22:12

Bulintok raginio Tuhan Raja' Ondo' Maayo Kaga' Kuasa' manusub ramuyun mantangi' am manulaboi, mambulut am mambayang ra konoon karung.

JISAYA 26:16

Iou Tuhan, inukum Mu ulun Muno, am ralalom kaimbalaan, mampiau ilo Rirun.

DANIL 6:18

Kabang ru luang batu pana tinauban boo ra rondo' batu maayo, am sinaapan ru raja' batu no ra meterai nano galama' am meterai ru ulun-ulun mangaatang nano, maa' raginio kolondo' sangulun pana makapamayag ri Danil.

DANIL 9:3

Aku pana makiasi' toojo ra Tuhan, i Aki Kapuuno', nakimasi' Riso, liliwa' nampali am nambayang ra karung, am niayuk nanturung ra rasawat ru kaau.

JUNUS 3:9

Maaru' lair kulawon ri Aki Kapuuno' ginuang Nano am kalo boo sumangit, am itakau pana kalo mapuso!”

RINALATAN 9:9

Nataluan buoi no io noolou, am buoi ragili kalo nangakan am nanginum io.

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.