2 SAMUIL 12:13 - Tanou Moonsoi Timugon

¹³ Kon ru Raja' Daut ri Natan, “Sotopot no natulaan aku noyo ra Tuhan.” Taam i Natan, “Nangampun noyo Tuhan no rirun, am kalo matoi kou.

2 SAMUIL 12:13 ပူးပေါင်းရင်းမြစ်များ

KASAUKAN 39:9

Kuasa' kuno ra baloi ti mogondo' ra kuasa' nano, am kolondo' rondo' pana kalo pinasalingapuan raki' ondo' ayuk am okou ti. Ati koson kuno mambaal ra kalaatan raginio am makatula ri Aki Kapuuno'?”

2 SAMUIL 24:10

Kaa' kalupus nanguntob ra ulun no, makaliman Raja' Daut ra makasala. Kono boo ra Tuhan, “Iou Tuhan, natulaan aku toojo! Ampuno' aku, sabap ra binaal kuno sasambungon kaga'.”

2 SAMUIL 24:17

Nakito ru Raja' Daut malaikat ondo' tatanga' mamatoi ra mamagun no, kono boo ra Tuhan, “Aku noyo natulaan sabap ra nambaal aku ra kasalaan. Kaa' atan kia kasalaan ru bansa' ondo' makaasi'-asi' no? Ukumi' noyo aku am sasambaloi kuno!”

1 RAJA'-RAJA' 13:4

Paat ra Raja' Jirobiam nokorongog ra baal raginio, indagu io liliwa' nanulu' ra nabi no, “Rokopo' io!” Paat raginio niayuk longon ru raja' no kiminotog saboi ra kalo mabunduk no saguli'.

1 RAJA'-RAJA' 21:20

Paat ra Raja' Agab nakatuum ri Ilia, indagu io, “Okou pantula', pupus ti nakasugut kou nakatuum raki'!” Taam i Ilia, “Topot. Binaal muno malaat ra pagilangan ru Tuhan.

1 RAJA'-RAJA' 22:8

Taam Raja' Agab, “Mokoondo' sangulun poyo, i Mika anak ri Jimla. Kaa' masisang aku riso, sabap ra kalo igondo' io panala' ra baal moonsoi raki'; masalok io manala' ra baal malaat.” Taam Raja' Josapat, “Okou raja' kalo musiti' no mindagu koon raginio.”

2 RAJA'-RAJA' 1:9

Kopongo raginio panusub raja' no ra sangulun pagawai ru saujor nano mabaya' ra limo ngoopor ngaulun mongoi pamparakop ri Ilia. Natuum ru pagawai no i Ilia ondo' tatanga' manturung giu' ra rasawat ru bulur, am kono riso, “Okou ulipon ri Aki Kapuuno', nanusub raja' no rirun tumuun.”

1 TUNUNG RU BANSA' ISRAIL 21:8

Raja' Daut pana pakiasi' boo ri Aki Kapuuno', “Iou Aki Kapuuno', nambaal aku no ra tula maayo! Ampuno' aku no, sabap ra binaal kuno sasambungon kaga'.”

2 TUNUNG RU BANSA' ISRAIL 16:10

Siminangit kaga' Raja' Asa ra nabi no saboi nabi no inaput. Paat raginio noyo Raja' Asa tumalimpuun mangimbolo' ra kukula' ngaulun.

2 TUNUNG RU BANSA' ISRAIL 25:16

Kaa' pinutat ru Raja' Amajia ragu am indagu, “Intor sanggilan kia akai nampalantik rirun nasauk ra paminson ru raja'? Pongkoror, amon ru kalo, potoyon kou!” Kalo poyo nongkoror nabi no, indagu io, “Raino bagu no mapandayan ku ra mingkotog i Aki Kapuuno' koson mamuso rirun sabap ra ngaangai' ru binaal muno, am niayuk sabap ra kalo linio mu pinson kutu.”

AYUP 33:27

Giu' boo ra saang ru ulun masuang mindagu io, ‘Makatula aku noyo. Makasala aku noyo, kaa' mangampun i Aki Kapuuno' raki'.

MAZMUR 103:12

Koson ra kinaalur ru sirangon intor ra kalasaan, kinaalur raginio niayuk tula takano patirin No.

MAZMUR 51:16

Iou Aki Kapuuno' palabuso' aku intor ra kapatayan, am bayago' aku no, am ralalom bansuk ru guang kuno potonowon ku katimpakan Muno.

MAZMUR 51:4

Bagui' aku no intor ra ngaangai' kalaatan kuno, am liungi' aku no intor ra tula kuno.

MAZMUR 51:6

Natulaan aku Rirun – Okou ayuk, am nambaal aku ra baal-baal ondo' karaan Mu ra malaat. Motopot nangakiman Muno raki'; natimpok noyo ra Okou nangukum raki'.

KAINGKUALAN 9:27

Pampiau boo raja' ri Musa am i Arun am indagu, “Raino ti natulaan aku. Motopot toojo Tuhan no, aku am mamagun kuno makasala.

AMSAL 25:12

Sawai ru ulun mapintar no ra ulun masaga' mangkirongog iono mokologo poyo ka sinsing mas kapoam kuliamos ru limpor.

AMSAL 28:13

Osoi mangali' ra tula nano kolondo' ampos ru kaayagan nano. Osoi mangakun am mangiruan ra tula nano, tagamin ri Aki Kapuuno'.

JISAYA 38:17

Kaimbalaan kuno pana masauk ra kalinuos ayuk. Okou namayag raki' intor ra nansalinut makalalaa'; inampun Mu ngai' tula kuno.

JISAYA 43:24

Kalo binalian min Aku ra kaminyan maamis owou, kapoam jinala' min Aku ra lomok ru bibiag ondo' pataakon min. Kaa' sinimbagatan min boo Aku ra tula mino; kasalaan mino napakapagon Raki'.

JISAYA 44:22

Pinuso Ku ngaangai' tula mini koson ra gaun inibit ru angin. Saguli' kano Raki', sabap ra Aku noyo namayag ramuyun.”

SULABOI 3:32

Kabalu' pana porotongon No kaimbalaan ritakau, magulayun Io motogom ritakau ra togom ondo' kolondo' polos.

IMAMAT 20:10

“Amon ru sangulun Israil mansawa' ra andu' ru ulun rondo' bansa' riso no, musiti' ulun no am ruandu' no ukumin ra matoi.

IMAMAT 24:17

Osoi ayuk mamatoi ra ulun musiti' ukumin ra matoi,

JAKARIA 3:4

Indagu malaikat no risilo ondo' mangindangan riso giu' ra suruga', “Patiri' min bayang majamol ondo' binayang ru ulun ti.” Kopongo raginio kono ri Josua, “Pinatiran ku noyo tula muno; mangani' aku rirun ra bayang bagu.”

MATIUS 14:10

Ginio ra i Juanis iningguluan ra pangaputan.

LUKAS 15:21

Indagu anak i, ‘Ama', makatula aku ri Aki Kapuuno' am niayuk rirun. Kalo boo sama' sabiton aku ra anak muno.’

LUKAS 18:13

Kaa' mampalulur ra cukai no giu' ayuk ra tinaulian am kalo makakau' mantingaa' ra suruga'. Luntugo' no kubab sabap ra mangiluk guang nali liliwa' minindagu, ‘Aki Kapuuno', pakaasi' no raki' ulun makatula ti!’ ”

RINALATAN 2:37

Pakaining ulun-ulun no ra ragu ri Pitrus ni, napasilak guang nilai. Pangkuot ilo boo ri Pitrus am rasul ra bokon no, “Pabukat kau, raino atan kia maaru' baalon mai?”

IBRANI 9:26

Sabap ra amon ru koson poyo raginio misasaguli' Io potoyon intor ra tana' ti biningkal. Kaa' sotopot no, raino mamaar noyo ra pamupusan, riminatong noyo i Kristus igondo' ayuk koson mampataak ra painawo Nano mamuso ra tula ru ulun am ginio sama' ra sabuoi-buoi no.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.

PINAINTALANG 1:5

Intor ri Jisus Kristus, sasi' ondo' lansanin, Io no kasaa' ondo' binayag intor ra kapatayan am ondo' niayuk mamarinta ra raja'-raja' ru tana' ti. Motogom i Jisus ritakau am ra pinatayan Nali pinalabus takau noyo intor ra tula takau.

1 SAMUIL 15:20

Taam Raja' Saul, “Ginagaya' ku noyo susuban ru Tuhan, am minongoi pangayou sumugut ra susuban Nano; Raja' Agag, raja' ru Amalik rinakop ku noyo am ngaangai' ulun ru Amalik pinatoi.

1 SAMUIL 15:30

Taam Raja' Saul, “Makatula aku noyo. Kaa' pangindangan no, baya' no raki' sumaguli' maa' raginio makasambayang aku ra Tuhan, i Aki Kapuuno' muno. Kon raginio ra okou mangurumat raki' ra saang ru tingganai-tingganai ru mamagun am ngaangai' ulun ru Israil.”