2 SAMUIL 11:8 - Tanou Moonsoi Timugon

⁸ Kopongo raginio indagu Raja' Daut ri Uria, “Uli' no ra baloi muno am tangus no sangkinolor.” Kopongo i Uria nangiruan ra istana, pangirim Raja' Daut ra tangguang giu' ra baloi ri Uria.

2 SAMUIL 11:8 ပူးပေါင်းရင်းမြစ်များ

KASAUKAN 18:4

Moonsoi mangalap aku ra timug pambaguan ra kalayam mino. Pantingangus kau ra saau ru puun ti.

KASAUKAN 19:2

am indagu, “Tuan, apit kau poyo ra baloi kuno. Makapambagu' kau ra kalayam am makakaalangan kau. Susuab no, rumondom kau sukal am rayusin min boo pangkiralanan min.” Kaa' taam ilo, “Kalo pana, mombolong akai ayuk ragiti padang ru bandar ti.”

KASAUKAN 43:24

Ibito' ru ulipon no ilo mumpos ra baloi. Pangani' io risilo ra timug pambaguan ra kalayam nilono am pamakan io ra kaladai nilono.

KASAUKAN 43:34

Akanon ra pinabatang risilo no intor ra intok ri Jusup, am pinabatang ri Binjamin indimo suang intor ra pagaka'-pagaka' nano. Pagagakan am pagiginum ilo nababaya' ri Jusup saboi nangagauk.

MAZMUR 12:2

Indangano' akai no, iou Tuhan, sabap ra kolondo' boo ulun ra moonsoi; ulun ondo' moonsoi guang kalo boo mauma'.

MAZMUR 44:21

Amon langgain mai sumamba ri Aki Kapuuno' mai, am sumamba ra tuhan ra bokon,

MAZMUR 55:21

Rangan kuno ra galing i mangayou ra rangan-rangan nali; kalo sinugut no bantu' nali.

JISAYA 29:15

Aibui boo ra ulun mompogogot mapasibuni ra pangatangan nilono intor ra Tuhan! Kalinuos nilo ayuk mimbuor am indoson kolondo' makakito kapoam makapandai ra atan baalon nilono.

LUKAS 12:2

Atan ondo' nolopot bungkalaron am moonong ondo' kalo igondo' pinabala' pasalulaan.

LUKAS 7:44

Tantangi' ri Jisus ruandu' no am indagu ri Simon, “Ilai' ruandu' ti! Ratong Aku ra baloi mutu am kalo nangani' kou Raki' ra timug pambaguan ra kalayam Kutu. Kaa' binaguan ru ruandu' ti kalayam Kutu ra lomou nano am piniiran no ra abuk nano.

IBRANI 4:13

Kolondo' atan-atan inangun ri Aki Kapuuno' makasibuni intor Riso, sabap ra ngaangai' maukab am makito Nano. Am ri Aki Kapuuno' niayuk musiti' takau mangakun ra ngaangai' ondo' binaal takau.