2 SAMUIL 11:21 - Tanou Moonsoi Timugon

²¹ Kalo kia nakara' min ati kulaan i Abimilik anak ri Gidion minatoi ragili? Io minatoi sabap ra natiu' ra batu gilingan ondo' pinaratu' ru sangulun ruandu' intor ra timbok ru bandar giu' ra bandar Tibis. Kua ongoi kau inggaar kaga' ra timbok ru bandar?’ Amon ru mangkuot raja' koon raginio, indagu ra i Uria, pagawai ru saujor ru raja' niayuk minatoi.”

2 SAMUIL 11:21 ပူးပေါင်းရင်းမြစ်များ

2 SAMUIL 11:17

Paat ra pantula' mingkual intor ra bandar koson mamulunsar ra pulalai ri Joab, kukula' ngaulun pagawai ru saujor ru Raja' Daut minatoi, nakaaya' i Uria.

2 SAMUIL 11:20

maaru' lair sumangit raja' am mindagu, ‘Kua ongoi inggaar kaga' ra bandar no paat mangayou? Kalo kia nakapandai kau ra pantula' maaru' mamanah ramuyun intor ra rasawat ru timbok ru bandar?

2 SAMUIL 11:22

Ulun sinusub no minongoi uma' ra Raja' Daut am nambala' ra ngaangai' ondo' nanusuban ri Joab.

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

2 SAMUIL 3:34

“Kua musiti' i Abnir matoi koson ra ulun sasambungon? Kalindu' nano kalo binangkil, kalayam nano kalo rinantai. Minatoi io ra tinobok ru ulun ondo' malaat am mapuka'.” Igondo' poyo ngaangai' mamagun nanulaboi ri Abnir.

MAZMUR 39:8

Atan kia nua' malansanan kuno, iou Tuhan? Malansan aku Rirun.

JISAYA 14:10

Ilo ngaangai' mampiau ra raja' ru Babilonia, ‘Ragino malawo kou koson ramon! Okou koson niayuk ramon!

TINGGANAI RU BANSA' 6:32

Intor raginio nanginggalan ulun ri Gidion ri “Jirubaal”, sabap ra mindagu i Joas, “Polosoon noyo i Baal magisaung galama' sabap ra altar nano ondo' linunsai no.”

TINGGANAI RU BANSA' 7:1

Sangarawan raiti, riminondom siminukal i Gidion no am ngaangai' ulun nano. Ugar io am pangkim maar ra taur ru timug Garod. Tatanga' ulun ru Midian mangkim giu' ra pipit tampilon ralayo nilo, maar ra Bulur Mori.