2 SAMUIL 11:16 - Tanou Moonsoi Timugon

¹⁶ Liliwa' raginio liniputan ri Joab bandar raginio, nanusub io ri Uria mongoi ra intok ondo' napandayan no ra inalungan mapiot ru pantula'.

2 SAMUIL 11:16 ပူးပေါင်းရင်းမြစ်များ

2 SAMUIL 11:15

Koon raginio suang ru surat no, “Susubo' i Uria mongoi ra barisan ru saang, intok pangayawan ondo' moporos kaga', malupus raginio susubo' pulalai muno lumugut ra kalo mapandayan ri Uria maa' raginio matoi io.”

2 SAMUIL 11:17

Paat ra pantula' mingkual intor ra bandar koson mamulunsar ra pulalai ri Joab, kukula' ngaulun pagawai ru saujor ru Raja' Daut minatoi, nakaaya' i Uria.

2 SAMUIL 11:21

Kalo kia nakara' min ati kulaan i Abimilik anak ri Gidion minatoi ragili? Io minatoi sabap ra natiu' ra batu gilingan ondo' pinaratu' ru sangulun ruandu' intor ra timbok ru bandar giu' ra bandar Tibis. Kua ongoi kau inggaar kaga' ra timbok ru bandar?’ Amon ru mangkuot raja' koon raginio, indagu ra i Uria, pagawai ru saujor ru raja' niayuk minatoi.”

2 SAMUIL 3:27

Pakasaboi ayuk i Abnir ra Gibron, nangkimait i Joab riso mongoi ra kiing ru kulobon garabang, ilain ayuk masaga' io mindagu riso sangulun. Pulali' ri Joab nonobok ra tinai' ri Abnir saboi io minatoi. Kon raginio noyo i Abnir minatoi ra pinatoi ri Joab koson mansuli' ra namatayan ri Asail, boborok nano.

1 RAJA'-RAJA' 2:5

“Mokoondo' rondo' poyo baal. Lakat mu poyo makara' binaal ri Joab raki'. Namatoi io ra ruo ngaulun panglima ru saujor ru Israil, i Abnir anak ri Nir am i Amasa anak ri Jitir. Lakat mu poyo makara' ralan no namatoi risilo paat ra pababansayan koson mansuli' ra nampatayan paat ra pangayawan. Namatoi io ra ulun ondo' kolondo' sala, kaa' raino aku ti ondo' musiti' mansaan ra kinibit ru binaal nano am aku ti ondo' maimbolo'.

2 RAJA'-RAJA' 10:6

Nanulis Raja' Jigu ra rondo' surat poyo risilo. Suang nano koon raginio, “Amon ru akau ra bala kuno, am nakatampos gumagaya' ra ragu kuno, ibito' ulu ru ngaangai' papag ru Raja' Agab raki' giu' ra Jijriil paat koson ragitio ra susuab no.” Paat raginio, tulu' ngoopor ngaulun papag ru Raja' Agab inalungan am pinasukor ru tingganai-tingganai ru mamagun ru bandar Samaria.

AMSAL 29:12

Amon ru sangulun mangunguasa' mampaguang ra tanou kalo motopot, ngaangai' mangngandoi nano masauk ra malaat.

GOSIA 5:11

Raino Israil inimbolo'. Natatakan io ra tana' longgom nano sabap ra mokotog guang nano am nakiindangan intor ra ulun ondo' mailo mangindangan riso.

RINALATAN 5:29

I Pitrus am rasul ra bokon no timinaam, “Akai musiti' gumagaya' ri Aki Kapuuno' am sala' ka ulun.