2 SAMUIL 11:13 - Tanou Moonsoi Timugon

¹³ Suabon no nangkimait Raja' Daut ri Uria mongoi ra bunsag ra rondom am nampagauk riso. Kaa' rondom raginio niayuk kalo minuli' i Uria ra baloi nano, kaa' nombolong nagapin ra bajang nano giu' ra ralalom ru lamin ru ulun mantamung ra istana.

2 SAMUIL 11:13 ပူးပေါင်းရင်းမြစ်များ

2 SAMUIL 11:9

Kaa' kalo minuli' i Uria ra baloi nano. Rondom raginio nombolong io giu' ra kulobon garabang ru istana nababaya' ra ulun-ulun mantamung ra raja'.

2 SAMUIL 13:26

Kopongo raginio indagu i Absalom, “Amon koon poyo raginio, iowo' pabukat kuno i Amnon maya' ramon.” Indagu raja' no, “Kalo pana maya' io.”

KAINGKUALAN 32:21

Indagu i Musa ri Arun, “Atan kia ondo' binaal ru ulun ragitilo rirun saboi mopoloso kou risilo makatula ra maayo?”

AMSAL 20:1

Inumon ra mampagauk mambaal ra ulun magauk am mambutok. Sasambungon noyo ulun manginum saboi magauk.

AMSAL 23:29

Nakapandai kau kia atan kasaukan ra ulun masuang inum ra wain am inumon ra mampagauk ra bokon? Ulun no maimbolo' toojo. Masalok io makimantaam am mambutok. Mato nano malia' am inan nano nangapilat, alika baal raginio sotopot no mailiwan no.

ABAKUK 2:15

Aibui boo ramuyun sabap ra nabaya' ra sangit akau nagasab am nanauyu' ra sambalayan-sambalayan min; mangkinibit kau risilo kakasiling koson ra ulun magauk.