2 SAMUIL 11:1 - Tanou Moonsoi Timugon

¹ Kaindalaman ru raja'-raja' mongoi pangayou bulintok ra mambusak. Bulintok ra mambusak bilor raginio, nanusub Raja' Daut ri Joab mongoi pangayou mababaya' ra pagawai-pagawai ru saujor am ngaangai' ru saujor ru Israil. Nangala ilo ra ulun ru Amon am nampaliput ra bandar Raba, kaa' Raja' Daut minayan ra Jirusalim.

2 SAMUIL 11:1 ပူးပေါင်းရင်းမြစ်များ

2 SAMUIL 10:14

Paat ra saujor ru Amon nakakito ra saujor ru Siria nagigiru', iruani' nilo i Abisai am subol ra ralalom ru bandar. Kopongo nangayou ra ulun ru Amon, uli' i Joab ra Jirusalim.

1 RAJA'-RAJA' 20:22

Kopongo raginio minongoi uma' nabi no ra Raja' Agab am indagu, “Uli' no am kaikango' noyo saguli' saujor muno. Pambaal no ra pangatangan ondo' moonsoi, sabap ra bulintok mambusak ra bilor sumunu', raja' ru pagun Siria mamulunsar poyo rirun.”

1 RAJA'-RAJA' 20:26

Bulintok ra mambusak ra sumunu' no, nanimung Raja' Bingadad ra saujor nano am nababaya' jumalai risilo mongoi ra Apik koson mamulunsar ra Israil.

1 TUNUNG RU BANSA' ISRAIL 20:1

Bulintok mambusak ra siminunu' no, paat ra raja'-raja' kaindalaman no mongoi pangayou, nanusub i Joab ra saujor nano am mamulunsar ra pagun ru Amon, kaa' Raja' Daut minayan ra Jirusalim. I Joab am saujor nano nagawang ra bandar Raba, am namulunsar am niayuk namuso ra bandar no.

2 TUNUNG RU BANSA' ISRAIL 36:10

Paat ra mambusak bilor raginio, Raja' Nibukadnijar namparakop ra Raja' Joyakin am nagibit riso ra Babilonia. Raja' Nibukadnijar niayuk nagibit ra rapu' intor ra Baloi ru Tuhan. Kopongo raginio Raja' Nibukadnijar nampili' ri Jidikia, kamaman ru Raja' Joyakin, nasauk ra raja' ru Jiuda am Jirusalim.

MAZMUR 60:9

I Giliad am i Manasi Aku ra longgom, i Ipraim pinakatupi' basi' Kuno, am i Jiuda pinakajujuga' ru namarintaan Kuno.

MAMPATANOU 3:8

Io nangaru' ra paat koson tumogom am paat ra masisang, paat ra mangayou am paat ra mobonsoi.

JIRIMIA 49:2

Kaa' masaboi paat no ra Aku mangkinibit ra mamagun ru bandar maayo Raba mokorongog ra bolos ru pangayawan, am bandar no mokoloso masauk ra malunsai. Pekan-pekan ra liliut no makai' kosolob. Kopongo raginio Israil makaalap saguli ra tana' no intor risilo ondo' nampagaau no.

JIRIMIA 49:3

Mamagun kau ru Gisybon, pantangi' no! Bandar Ai napuso noyo! Ruandu' kau ru bandar Raba, pangulir no! Pambayang kano ra konoon karung am pangulir no. Pagiru' no ra giu' am giti ra maubong kaga'. Milkom, dewa min patirin ra pagun mabaya' ra imam-imam am pagawai-pagawai ru pamarinta.

YEHEZKIEL 21:20

Papan tatandu' ondo' rondo' no manulu' ra raja' ru Babilonia ra ralan mongoi ra bandar ru ulun ru Amon giu' ra Raba, am ondo' rondo' poyo ralan mongoi ra Jirusalim, bandar ondo' mokoondo' ra kubu giu' ra Jiuda.

AMOS 1:14

Ginio ra atarin Ku apui giu' ra timbok ru bandar Raba am mangumpo ra ngaangai' kubu no. Paat raginio morongog ginia' ru pampatayan am pangayawan giminaai koson ra bagiu'.

JAKARIA 14:3

Kopongo raginio bagu no Tuhan mamulunsar ra bansa'-bansa' no koson ra galing i.

SAGULION 3:11

Raja' Og iono ulun pupus intor ra bansa' Ripaim. Karanda' nano binaal intor ra batu, pila' no olo'-olo' ruo ngamito am olo'-olo' apat ngamito gawar sumugut ra panuku' rasmi. Saboi raino karanda' no lakat poyo makito giu' ra Raba, bandar ru ulun ru Amon.)

1 SAMUIL 18:30

Pogonong ra saujor ru Palistin mamulunsar, makasugut poyo i Daut nangala risilo intor ra pagawai ru Raja' Saul ra bokon no. Kon raginio noyo i Daut nasauk ra nauligan kaga'.