2 SAMUIL 10:6 - Tanou Moonsoi Timugon

⁶ Ulun ru Amon pana nakaliman boo ra pinasauk nilo noyo Raja' Daut no ra pantula' nilo. Ginio ra nampagaji' ilo ra saujor ru ulun ru Siria: 20,000 ngaulun ondo' minayan giu' ra Bit-Rigob am Joba, am 12,000 ngaulun intor ra Tob, am niayuk raja' ru pagun Maakga nababaya' ra 1,000 ngaulun ulun nano.

2 SAMUIL 10:6 ပူးပေါင်းရင်းမြစ်များ

KASAUKAN 34:30

Indagu i Jakub ri Simion am i Liwi, “Napakapagon kau raki'. Raino ulun ru Kanaan, ulun ru Piris am ngaangai' mamagun ru pagun ragitio mangasisang raki'. Ulun takati kalo masuang, amon pantutuluk mamagun no koson gula' am bulunsar raki', itakau sasambaloi ti maluus.”

2 SAMUIL 10:5

Ngaangai' ulun sinusub no mauyu' kaga' koson muli'. Paat ra baal raginio pinabala' ra Raja' Daut, pangator io ra bilin koson ulun-ulun sinusub no mayan ra Jiriko saboi ra jangut nilo tumuu' saguli'.

2 SAMUIL 10:7

Paat ra Raja' Daut nokorongog ra baal raginio, panusub io ri Joab am titikop pulalai ru saujor maa' raginio jumalai manggal ra pantula'.

2 SAMUIL 16:21

Taam i Agitopil, “Ongoi no rulug ra ruandu' parulug ru ama' muno, ondo' tinatang koson mayan ra istana. Koon ra baal raginio, ngaangai' ulun ru Israil makapandai ra okou kinara' noyo ra pantula' ru ama' muno, am ngaangai' ru minaya' rirun no lumanja' baani.”

2 SAMUIL 8:12

iono Idom, Moab, Amon, Palistin am pagun ru ulun ru Amalik. Pinataak niayuk ru Raja' Daut santayaran intor ra kuliamos ondo' ginaau nano intor ra Raja' Gadadijir.

2 SAMUIL 8:3

Kopongo raginio nangala Raja' Daut ri Gadadijir anak ri Rigob, raja' giu' ra Joba giu' ra pagun Siria. Paat raginio tatanga' i Gadadijir ralalom pangkiralanan muli' koson mapatapuli' ra kuasa' nano giu' ra wilayah ralayo ru Sungoi Iprat.

2 SAMUIL 8:5

Paat ra ulun ru Siria intor ra Damsyik nangator ra saujor mangindangan ra Raja' Gadadijir, bulunsaro' ru Raja' Daut saujor raginio am pamatoi ra 22,000 ngaulun.

1 RAJA'-RAJA' 11:24

am nasauk io ra tingganai ru santimungan ulun malaat. (Baal ragitio nasauk nalupus Raja' Daut nangala ra Raja' Gadadijir, am namatoi ra saujor ru Siria ondo' nasauk ra pagamung ru Raja' Gadadijir.) I Rijon am ulun-ulun nano minongoi ra Damsyik am minayan ra giu' no. Giu' no ulun ri Rijon nampalantik riso masauk ra raja' ru pagun ru Siria.

2 RAJA'-RAJA' 7:6

Tuhan noyo nangkinibit ra saujor ru Siria nokorongog ra bolos koson ayuk ra rondo' pulalai ru saujor maayo ondo' minatong pamulunsar risilo ra kuda am kurita' kuda. Indoson ru saujor ru Siria ra raja' ru Israil nagakut ra raja' ru ulun ru Git am raja' ru ulun ru Misir am ngaangai' saujor nilo koson mamulunsar ra saujor ru Siria.

MAZMUR 48:4

Ralalom ru bandar Nano ra makakubu makapamayagan, sabap ri Aki Kapuuno' soroi ra giu' no.

KAINGKUALAN 5:21

Konilo ri Musa am i Arun, “Nakakito Tuhan ra atan binaal min. Mangukum Io ramuyun! Akau noyo nangkinibit ra raja' am ulun nano masisang ramon. Nangani' kau risilo ra sasaban koson mamatoi ramon.”

AMSAL 25:8

Pai' kaajag-ajag mongoi pantagi' ra makama, sabap ra amon ru pupus no akau makasala, atan poyo maalap min kabaal?

JIRIMIA 40:8

Ginio ra i Ismail anak ri Nitania, i Joganan anak ri Karia, i Siraya anak ri Tanumit, anak-anak ri Ipai ulun ru Nitopa, am i Jijania anak ri Maakga minongoi nababaya' ra ulun nilo minuma' ri Gidalia giu' ra Mijpa.

JIRIMIA 46:21

Mulu' ra saujor-saujor ra inakut nano pana kalo maikang koson ra anak ru sapi'. Kalo makatanggang ilo koson mangayou; ilo ngaangai' liminikar am nagiru'. Orou pangukuman risilo nakasaboi noyo; nasaboi noyo paat ra ilo pusoon.

SAGULION 3:14

I Jair, sangulun intor ra bansa' ru Manasi, minayan ra titikop wilayah Argob, iono Basan, saboi ra balitan ru Gisur am Maakga. Ininggalanan no pekan ra giu' no ra inggalan nano galama'. Saboi raino lakat poyo mauligan pekan raginilo ra pekan-pekan Jair.)

TINGGANAI RU BANSA' 11:3

Ginio ra nagiru' i Jipta intor ra pabukat-pabukat nano am minayan giu' ra wilayah Tob. Giu' no naningganai io ra santimungan ulun malaat am minongoi ilo pantakou.

TINGGANAI RU BANSA' 11:5

Paat nasauk ginio, tingganai-tingganai ru Giliad namujak ri Jipta intor ra wilayah Tob.

1 SAMUIL 13:4

Ngaangai' ulun ru Israil binalaan ra Raja' Saul namatoi noyo ra panglima ru Palistin no, am ra ulun ru Palistin masisang kaga' ra ulun ru Israil. Ginio ra tininong ru mamagun piau koson mumung ra Raja' Saul giu' ra Gilgal.

1 SAMUIL 27:12

Kaa' nangintopot toojo Raja' Akis ri Daut. Nangkara' Raja' Akis, “Kasisangin toojo i Daut ti ru bansa' nano galama', saboi nasauk io kalalaat ra ulipon kuno ra buoi ru bayag nano.”