2 SAMUIL 10:19 - Tanou Moonsoi Timugon

¹⁹ Paat ra raja'-raja' ondo' kinuasa' ru Raja' Gadadijir nakaliman ra kinala ilo noyo ru ulun ru Israil, raja'-raja' nakimansaung ra ulun ru Israil am ralalom ru kuasa' nilo. Intor raginio ulun ru Siria kalo boo baani mangindangan ra ulun ru Amon.

2 SAMUIL 10:19 ပူးပေါင်းရင်းမြစ်များ

2 SAMUIL 8:3

Kopongo raginio nangala Raja' Daut ri Gadadijir anak ri Rigob, raja' giu' ra Joba giu' ra pagun Siria. Paat raginio tatanga' i Gadadijir ralalom pangkiralanan muli' koson mapatapuli' ra kuasa' nano giu' ra wilayah ralayo ru Sungoi Iprat.

2 SAMUIL 8:6

Kopongo raginio patirongo' ru Raja' Daut pangkiman ru saujor ralalom ru wilayah nilo, am kinuasa' ilo am mambayar riso ra cukai. Nangani' Tuhan ra Raja' Daut ra kamanangan ra ati ayuk intok nano mangayou.

1 RAJA'-RAJA' 20:1

Paat ra sangarawan no, Raja' Bingadad, raja' ru pagun Siria nanimung ra ngaangai' pulalai ru saujor nano. Raja' Bingadad no inindangan ru talu ngoopor am ruo ngaulun raja' ra bokon nababaya' ra kuda am kurita' kuda nilo. Kopongo raginio Raja' Bingadad jiminalai am nagawang, am niayuk namulunsar ra bandar Samaria.

1 TUNUNG RU BANSA' ISRAIL 19:19

Paat ra raja'-raja' ondo' kinuasa' ru Raja' Gadadijir nakaliman ra kinala ilo ru saujor ru Israil, nobobonsoi raja'-raja' no ra Raja' Daut am kiminuku' ra kuasa' nano. Intor raginio kalo boo masaga' ulun ru Siria mangindangan ra ulun ru Amon.

JISAYA 26:11

Pantula' Muno kalo makapandai ra Okou mangukum risilo. Iou Tuhan, tauyuo' ilo, am polosoo' ilo maimbolo'. Polosoo' noyo ilo maantungan ru ukuman ondo' pinatampos Muno risilo. Polosoo' noyo ilo makakito ra mapara' piboo gayo ru katagaman Muno tayar ru ulun Muno.

DANIL 2:37

Okou raja' ondo' matulai. I Aki Kapuuno' panguasa' giu' ra suruga' nampasauk rirun ra sangulun raja' maayo kaga'. Nangani' Io rirun ra kuasa', kaikangan am urumat.

JOSUA 11:10

I Josua pana riminuli' am nampagaau ra Gajor, am namatoi ra raja' ru bandar no. (Paat raginio Gajor bandar ondo' maikang kaga' intor ra pamarintaan-pamarintaan.)

PINAINTALANG 18:10

Migor ilo ra maalur sabap ra malaa' ilo maingkinibitan ra kaimbalaan no, konilo, “Aibui, bandar ondo' nauligan toojo ru ulun. Aibui, bandar Babil ondo' maayo. Ralalom sanjam ayuk pangukuman rirun!”

TINGGANAI RU BANSA' 1:7

Indagu Raja' Adoni-Bijik, “Ragili namutul aku ra pangina' ru kalindu' am pangina' ru kalayam ru tulu' ngoopor ngaulun raja', am nanganam ilo ra suwo ru akanon susut ru mija' kuno. Raino pinamakuan ri Aki Kapuuno' raki' koson ra pinamakuan kuno risilo.” Raja' Adoni-Bijik pana inibit boo giu' ra Jirusalim, am minatoi io ra giu'.