2 SAMUIL 10:18 - Tanou Moonsoi Timugon

¹⁸ Kaa' saujor ru Israil nangala ra saujor ru Siria. Raja' Daut am saujor nano namatoi ra 700 ngaulun mapaugar ra kurita' kuda am 40,000 ngaulun intor ra pulalai ru mangkuda. Namilat ilo niayuk ri Sobak, panglima saujor ru pantula', am minatoi io giu' ra tatanga' ru pangayawan.

2 SAMUIL 10:18 ပူးပေါင်းရင်းမြစ်များ

2 SAMUIL 10:17

Paat ra Raja' Daut nokorongog ra baal raginio, timungo' no saujor ru Israil. Ilo pana liminaup boo ra Sungoi Jordan, am ongoi ra Ilam. Giu' no ulun ru Siria nangatur ra saujor nilo am jalai namulunsar ra saujor ru Raja' Daut.

2 SAMUIL 8:4

Namparakop Raja' Daut ra suang 1,700 ngaulun saujor mangkuda am 20,000 ngaulun saujor ondo' mantana'. Ngaangai' ru kuda no binaal no kalo makaugar, ondo' ayuk am inukop koson mamunduk ra maatus kurita' kuda.

1 RAJA'-RAJA' 11:24

am nasauk io ra tingganai ru santimungan ulun malaat. (Baal ragitio nasauk nalupus Raja' Daut nangala ra Raja' Gadadijir, am namatoi ra saujor ru Siria ondo' nasauk ra pagamung ru Raja' Gadadijir.) I Rijon am ulun-ulun nano minongoi ra Damsyik am minayan ra giu' no. Giu' no ulun ri Rijon nampalantik riso masauk ra raja' ru pagun ru Siria.

1 TUNUNG RU BANSA' ISRAIL 19:18

Saujor ru Israil nampalugut ra saujor ru Siria. Raja' Daut am saujor nano namatoi ra 7,000 ngaulun magibit ra kurita' kuda am 40,000 ngaulun intor ra pulalai mantana'. Ilo niayuk namatoi ri Sobak, panglima saujor ru Siria.

MAZMUR 18:38

Mangilou aku ra pantula' kuno am mamparakop aku risilo; kalo langgain ku suku' ilo maala.

MAZMUR 46:11

Minindagu Io, “Langgai' noyo pangayawan, uligi' min noyo ra Aku ti i Aki Kapuuno', ondo' matulai intor ra ngaangai' bansa' am ra titikop ru tana' ti.”

MAZMUR 68:2

Bigor i Aki Kapuuno' am pantutuliaro' pantula' Nano. Ulun ondo' masisang Riso nagiru' intor Riso.

TINGGANAI RU BANSA' 4:2

Ginio ra nopoloso Tuhan risilo kinala ru Raja' Jabin, raja' ru ulun ru Kanaan ondo' namarinta giu' ra bandar Gajor. Panglima saujor nano iono i Sisira, ondo' minayan giu' ra Garosit-Gagoyim.

TINGGANAI RU BANSA' 4:22

Pakaratong i Barak naguyum ri Sisira, uma' i Jail riso am indagu, “Ibok! Manulu' aku rirun ra ulun uyumon muli.” Umpos i Barak nabaya' ri Jail, am nakito no i Sisira minatoi nakalangan ra giu' no, ra paku' tataun nakatilayun ra pusisingo nano.

TINGGANAI RU BANSA' 5:26

Ra sapapa' ru kalindu' nampaguut io ra paku' makalu, ra kalindu' ondo' sapapa' poyo nampaguut io ra amar; pinopok ri Jail pusisingo ri Sisira, pinopok am tinutuk no ulu ri Sisira.