2 SAMUIL 10:14 - Tanou Moonsoi Timugon

¹⁴ Paat ra saujor ru Amon nakakito ra saujor ru Siria nagigiru', iruani' nilo i Abisai am subol ra ralalom ru bandar. Kopongo nangayou ra ulun ru Amon, uli' i Joab ra Jirusalim.

2 SAMUIL 10:14 ပူးပေါင်းရင်းမြစ်များ

2 SAMUIL 10:15

Nakaliman ulun ru Siria ra kinala ilo ru ulun ru Israil, timungo' nilo boo ngaangai' saujor nilo.

2 SAMUIL 11:1

Kaindalaman ru raja'-raja' mongoi pangayou bulintok ra mambusak. Bulintok ra mambusak bilor raginio, nanusub Raja' Daut ri Joab mongoi pangayou mababaya' ra pagawai-pagawai ru saujor am ngaangai' ru saujor ru Israil. Nangala ilo ra ulun ru Amon am nampaliput ra bandar Raba, kaa' Raja' Daut minayan ra Jirusalim.

2 SAMUIL 20:6

Kon ru raja' ri Abisai, “I Siba no mantipagon poyo ritakau intor ri Absalom. Ginio ra ibito' noyo ulun-ulun kuno am ilowo' io. Amon ru kalo, maaru' makuasa' no kukula' bandar mokoondo' ra kubu, am magiru' intor ritakau.”

2 SAMUIL 22:38

Mangilou aku ra pantula' kuno am mampaala risilo; kalo lumonggo' aku ru kalo poyo mapuso ku ilo.

2 SAMUIL 23:18

Boborok ri Joab, iono i Abisai (ina' nilo iono i Jiruya) tingganai ru “Pulalai Talu Ngoopor”. Nakaili' i Abisai mangayou ra talu ngaatus ngaulun am namatoi risilo ngaangai' ra tutura' nano. Ginio ra nauligan io kaga' ra gino ngai' ru “Pulalai Talu Ngoopor”.

2 SAMUIL 8:12

iono Idom, Moab, Amon, Palistin am pagun ru ulun ru Amalik. Pinataak niayuk ru Raja' Daut santayaran intor ra kuliamos ondo' ginaau nano intor ra Raja' Gadadijir.

1 TUNUNG RU BANSA' ISRAIL 18:12

I Abisai, (ina' nano ininggalanan ri Jiruya) nangala am namatoi ra 18,000 ngaulun ru Idom giu' ra Limayak Asin,