2 SAMUIL 10:12 - Tanou Moonsoi Timugon

¹² Ikango' guang muno, am pangayou no ra baani tayar ra bansa' takau am tayar ra bandar-bandar ri Aki Kapuuno' takau. Gama' ru Tuhan no mambaal ra atan ondo' moonsoi Riso.”

2 SAMUIL 10:12 ပူးပေါင်းရင်းမြစ်များ

2 SAMUIL 10:11

Kon ri Joab ra boborok nano, “Amon ru kalo tumaan aku manggal ra saujor ru Siria, indibok pangindangan raki'; kaa' amon ru kalo tumaan kou manggal ra saujor ru Amon, matong aku mangindangan rirun.

2 SAMUIL 15:26

Kaa' amon ru kalo maansayan Tuhan no raki', maya' ayuk ra atan kasagaan Nano ra inan kutu.”

1 TUNUNG RU BANSA' ISRAIL 19:13

Kaikango' guang muno! Ibok takau manggal ra baani koson ra bansa' takau am koson ra bandar-bandar ri Aki Kapuuno' takau. Gama' ru baalon ru Tuhan atan ondo' kasagaan Nano.”

2 TUNUNG RU BANSA' ISRAIL 32:7

“Musiti' kau mangintopot am maikang toojo guang. Pai' kalaa' ra raja' ru pagun ru Asyur kapoam saujor ondo' tiningganai nano. Mokoondo' akai ra kuasa' ondo' maayo poyo ra bala takau intor ra atan ondo' giu' ra bala ru raja' no.

NIGIMIA 4:14

Pakakito aku ra mangalaa' mamagun, indagu aku risilo, tingganai-tingganai am pagawai-pagawai nilo, “Pai' kalaa' ra pantula'. Karaa' mumpara' gayo am kinatulai ru Tuhan takau, am ingkotog kano gumula' tayar ru pabukat-pabukat min, anak andu' min am baloi-baloi min.”

NIGIMIA 4:8

Ginio ra naguguum ilo ngaangai' moogot mamulunsar ra Jirusalim am mambaal ra kajajawan.

ESTER 4:16

“Susubo' ngaangai' ulun ru Jaudi giti ra Susan ti tumimung. Susubo' ilo mampali am makiasi' ilo ra tayar raki'. Pai' pangakan kapoam panginum ra atan-atan pana buoi talu ngoorou am talu ngorondom. Aku galama' am ralaa-ralaa magayam kuno pana mambaal raginio. Mopongo raginio muma' aku ra raja', kabalu' pana binaal raginio manggal ra undang-undang. Amon ru musiti' aku matoi sabap ra baal raginio, polosoon aku no matoi!”

AYUP 1:21

Indagu io, “Inanak aku ra kolondo' atan pana, am matoi aku ra kolondo' atan pana niayuk. Tuhan ondo' mangani' am raino Tuhan poyo ondo' mangalap saguli'. Koompor noyo inggalan Nano!”

UNTABAN 13:20

Intutuno' toojo tana' no ru malabung kapoam kalo, am ondo' lair ru masuang tataun ra giu' no kapoam kalo. Musiti' kau baani, am ibito' muli' kikinawa' intor ra tana' raginio.” Paat raginio, tumalimpuun noyo bulintok ru anggur.

1 KORINTUS 16:13

Pagilalai' am pangintopot kano toojo, baani am mikang kau.

SAGULION 31:6

Musiti' kau mangintopot am baani. Pai' kalaa' ra bansa'-bansa' no. Tuhan i Aki Kapuuno' min mabaya' ramuyun. Io totopot kalo noyo maninduol ramuyun kapoam mangiruan ramuyun.”

SAGULION 31:7

I Musa pana nampiau ri Josua am indagu riso ra saang ru ngaangai' ulun ru Israil, “Musiti' kou mangintopot am baani. Okou noyo ondo' maningganai ra bansa' ti koson mayan ra tana' ondo' binantu' noyo ru Tuhan ra kinamatuaan nilo.

IBRANI 11:33

Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.

IBRANI 13:6

Intor raginio makakau' takau mindagu ra, “Tuhan noyo mangingindangan kuno, ginio ra kalo noyo malaa' aku. Kolondo' noyo maalap kabaal raki' ru ulun.”

JOSUA 1:18

Moonong ulun ondo' marara' kumuku' ra kuasa' muno kapoam kalo gumagaya' rondo' ra susuban muno ukumin ra matoi. Musiti' kou mangintopot am baani!”

JOSUA 1:9

Karaa' noyo susuban Kuno rirun maa' raginio mangintopot am baani kou! Pai' kalaa' kapoam mapalo guang, sabap Aku Tuhan i Aki Kapuuno' muno, mabaya' rirun ra ati ayuk angayan muno.”

TINGGANAI RU BANSA' 10:15

Kaa' indagu ulun ru Israil ra Tuhan, “Makatula akai noyo. Baalo' noyo atan ayuk pamakuan ramon, kaa' indanganon Mu akai ra orou raiti'.”

1 SAMUIL 14:12

Pampiau ilo boo ri Jonatan am ulipon nano, “Ibok kau ragiti! Mokoondo' ondo' masaga' mai pakitonon ramuyun!” Kon ri Jonatan ra buayoi no, “Baya' no raki'. Napataak noyo Tuhan no risilo ra Israil.”

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”

1 SAMUIL 17:32

Kon ri Daut ra Raja' Saul, “Raja' mai, osoi pana pai' kalaa' ra ulun ru Palistin no. Nakatampos aku no gumula' riso.”

1 SAMUIL 3:18

Ginio ra nantunung i Samuil ra ngaangai' no. Kalo binuni no atan pana. Kopongo raginio indagu i Ili, “Io noyo Tuhan; polosoon Io no mambaal ra atan ondo' karaan Nano ra moonsoi.”

1 SAMUIL 4:9

Pai' kau kalaa', saujor ru Palistin kau ngai'! Pangayou kano koson ra ungkuyon! Amon ru kalo, masauk takau ra ulipon ru ulun ru Ibrani koson ilo ragili nasauk ra ulipon takau. Ginio ra baani kano ra mangayou!”