2 SAMUIL 1:23 - Tanou Moonsoi Timugon

²³ “Raja' Saul am i Jonatan, kasagain am tagamin, kalo nantuliar ralalom ru bayag am matoi; matasik ilo poyo intor ra kanui, am maikang poyo intor ra singa'.

2 SAMUIL 1:23 ပူးပေါင်းရင်းမြစ်များ

2 SAMUIL 1:24

“Akau ruandu'-ruandu' ru Israil, pangulir kano ra Raja' Saul. Pinambayang no akau ra bayang malia' ondo' mologo, linimpor no akau ra mas am batu mologo.

2 SAMUIL 2:18

Katalu-talu ngaulun anak ungkuyon ri Jiruya soroi ra giu' no: i Joab, i Abisai am i Asail. I Asail, ondo' masimbul koson ra kinaribok ru paus,

2 SAMUIL 23:20

Sangulun saujor ra bokon ondo' mauligan kaga' iono i Binaya anak ri Joyada intor ra Kabjiil. Io ti baani kaga', am nakapamatoi ra ruo ngaulun tutumula' mapanggol intor ra Moab. Sangarawan raiti, paat ra salji rumatu', siminubol io ra luang batu am pamatoi ra sanginan singa'.

1 TUNUNG RU BANSA' ISRAIL 12:8

Paat ri Daut soroi giu' ra kubu giu' rasawat ru tana' kaagisan, masuang saujor nauligan kaga' am mangapandai toojo intor ra bansa' ru Gad minatong amung riso. Mapandai ilo kaga' mamakai ra perisai am tutura'; ilain ra baani ilo koson ra singa' am maribok ilo koson ra tambang.

AYUP 9:26

Koson ra parau maribok, kaayagan kuno mansail, koson ra ribok ru kanui mamparakop ra akanon nano.

AMSAL 30:30

Singa', bibiag ondo' maikang kaga' am kalo malaa' ra atan pana;

RIMBAI PANGAMPARAN 5:16

Molomoi kaga' ragu-ragu nano, atan linonggom nano namunduk ra guang kutu. Gitio noyo ambai kuno am rangan kuno, alii ra ralaa-ralaa ru Jirusalim.

JIRIMIA 4:13

Ilai' pantula' matong koson ra gaun. Kurita' kuda nano koson ra bagiu' puting beliung, am kuda nano maribok poyo intor ra susuit kanui. Nalumpa' takau ru karaat! Maluus takau!

SULABOI 4:19

Ulun ondo' mangilou ramon maribok poyo intor ra susuit kanui. Nangilou ilo ramon giu' ra bulur-bulur, am magawang ramon giu' ra tana' kaagisan.

SAGULION 28:49

Maparatong Tuhan ra rondo' bansa' intor ra pompor ru tana' koson gumula' ramuyun, bansa' ondo' ragu nano kalo maratian min. Koson ra kanui, manumbit ilo ramuyun.

TINGGANAI RU BANSA' 14:18

Ginio sabap ra paat orou ra katulu' no niayuk, ra kalo poyo minumpos i Simson ra lamin pambalangan nano, indagu ungkuyon-ungkuyon mamulok ru bandar no riso, “Atan kia ondo' matamis intor ra ruu' maningot? Atan kia ondo' maikang poyo intor ra singa'?” Taam i Simson, “Amon ru kalo linolob min andu' kuno, maaru' kalo poyo makataam kau raginio.”

1 SAMUIL 18:1

Nopongo noyo Raja' Saul am i Daut nagindagu. Kopongo raginio, anak ungkuyon ru Raja' Saul ondo' makainggalan ri Jonatan maansayan kaga' ri Daut, am tumalimpuun motogom riso koson ra io motogom ra inan nano galama'.

1 SAMUIL 20:2

Taam i Jonatan, “Pai' indagu koson raginio! Sabap ri Aki Kapuuno' no, kalo potoyon kou! Masalok ama' kuno mambala' raki' ra ngaangai' ru inatangan nano, ondo' maatang kapoam ondo' kalo maatang. Kalo igondo' io pambuni ra atan pana raki'. Kalo motopot baal raginio!”