2 SAMUIL 1:20 - Tanou Moonsoi Timugon

²⁰ Pai' potonowo' tanou raginio giu' ra Gat, kapoam giu' ra ralan mongoborok ru Askilon, pai' masaboi ruandu' ru Palistin magindii, kapoam ruandu' ondo' kalo makaulig ri Aki Kapuuno' maansukan.

2 SAMUIL 1:20 ပူးပေါင်းရင်းမြစ်များ

YEHEZKIEL 16:27

“Kaa' raino mimbuor Aku koson mangukum rirun am mangalap ra barakat ondo' pinataak Kuno rirun. Pinataak Tokou no ra ulun ru Palistin ondo' masisang rirun am niayuk majamalan ra binaal muno ondo' makauyuyu' no.

YEHEZKIEL 16:57

am kalaatan muno kalo poyo nakatabual? Raino nogondo' kou koson riso; nasauk kou ra kukuritin ru ulun ru Idom, Palistin, am pagun-pagun ra mamaar ondo' masisang rirun.

MIKA 1:10

Pai' pambala' ra pantula' giu' ra Gat ra itakau naala. Pai' polosoo' ilo magilong ritakau mantangi'. Mamagun ru Bit-Li-Apra kau ngai', pagiluir kano ralalom ru kaau koson tatandu' malumpus guang.

TINGGANAI RU BANSA' 11:34

Paat i Jipta sumaguli' ra Mijpa, ratong anak ruandu' nano manguma' riso, liliwa' mansayau am mangkuli ra tamburing. Io anak langkuir ri Jipta.

TINGGANAI RU BANSA' 14:19

Namulali' i Simson maikang ru kuasa' ru Tuhan, am ongoi io ra Askilon am namatoi ra talu ngoopor ngaulun ungkuyon ra giu'. Nangalap io ra bayang moonsoi ondo' binayang nilo am pataako' no ginio ra talu ngoopor ngaulun ondo' nakataam ra sundait no. Kopongo raginio, minuli' io ra baloi ra guang pansagulian am siminangit.

1 SAMUIL 14:6

Kon ri Jonatan ra buayoi no, “Ibok ongoi to ra pangkiman ru ulun ru Palistin ondo' kalo nakaulig ri Aki Kapuuno'. Maaru' lair ru mangindangan Tuhan no rito, sabap ra makapangani' Io ra kamanangan, iou ra masuang ulun kapoam ra sanganu ulun.”

1 SAMUIL 17:26

Nangkuot i Daut ra saujor ondo' soroi ra mamaar riso, “Atan kia ondo' taakin ra ulun ondo' makapamatoi ra ulun ru Palistin no am mapalabus ra Israil intor ra pagasaban? Makakau' kaga' ulun ru Palistin no, ulun ondo' kalo makaulig ri Aki Kapuuno', manggal ra saujor ri Aki Kapuuno' ondo' naayag!”

1 SAMUIL 17:36

Namatoi aku noyo ra singa' am baawang, am ulun ru Palistin ondo' kalo nakaulig ri Aki Kapuuno' no, niayuk nogondo' pamakuan kuno koson ra bibiag raginio, sabap ra makakau' io manggal ra saujor ri Aki Kapuuno' ondo' naayag.

1 SAMUIL 18:6

Pakasaguli' i Daut, kalupus nangala ri Goliat ulun ru Palistin no, am baris saujor-saujor minumpos ra ralalom ru bandar, bala ru ruandu' miningkual intor ra ngaangai' bandar giu' ra Israil koson manguma' ra Raja' Saul. Naririmbai ilo ra rimbai kaansukan liliwa' nansasayau am nangkuli ra tamburing am jitor.

1 SAMUIL 31:4

Kon ru Raja' Saul ra ulun nagibit ra kinandoi nano, “Butuso' ilang muno am potoyo' aku no, maa' raginio pai' ru ulun ru Palistin ondo' kalo nakaulig ri Aki Kapuuno' ti mangkukuli raki', am mamatoi raki'.” Kaa' ulun magibit ra kinandoi no kalo makakau' mambaal raginio. Ginio ra butuso' ru Raja' Saul ilang nano am tobok io galama'.

1 SAMUIL 6:17

Napakirim ulun ru Palistin ra limo lanit ra binaal-baal intor ra mas ra Tuhan, ra tayar ru taak mamuso ra tula, sangunor ra tayar ru moonong bandar ragitilo: Asdod, Gaja, Askilon, Gat am Ikron.