2 SAMUIL 1:12 - Tanou Moonsoi Timugon

¹² Nanulaboi ilo, nangulir ilo, am nampali ilo buoi songorou ra tayar ru Raja' Saul am i Jonatan, am tayar ru Israil ulun ru Tuhan, sabap ra masuang kaga' ulun minatoi ralalom pangayawan.

2 SAMUIL 1:12 ပူးပေါင်းရင်းမြစ်များ

2 SAMUIL 3:35

Nonsongorou ulun nangkinam nanimayo ra Raja' Daut maa' raginio mangakan kasanganu, kaa' nagibot io, “Polosoon noyo i Aki Kapuuno' no mamatoi raki', amon ru mangakan aku ra atan-atan ra kalo poyo mokotolop mato ru orou!”

AMSAL 24:17

Pai' pakaansuk bulintok ra pantula' muno matiu' ra karaat, am pai' pakakurit amon maratu' io.

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

AMOS 6:6

Manginum kau ra wain intor ra mangkuk ondo' tinotop suangi', am nagumau kau ra umau maamis owou ondo' moonsoi kaga', kaa' kalo nanulaboi kau ra naratuan ru Israil.

MATIUS 5:44

Kaa' raino ti balain takamin: Tagami' noyo pantula' mino am pakiasi' kano koson ra ulun ondo' mangimbolo' ramuyun,

2 KORINTUS 11:29

Amon ru sasangulun no malawo, aku pana makaliman ra kalawaan no. Amon ru sasangulun no makatula, aku pana mangiluk toojo guang.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 SAMUIL 31:13

Kopongo raginio inumung nilo ngaangai' bungul no am linobong ginilo ra saau ru puun tamariska giu' ra bandar Jabis, am nampali ilo ra buoi katuluan.

1 SAMUIL 31:6

Kon raginio noyo Raja' Saul am talu ngaulun anak ungkuyon nano minatoi, am niayuk ulun magibit ra kinandoi no, am ngaangai' ulun ru Raja' Saul minatoi ra orou raginio.