2 SAMUIL 1:11 - Tanou Moonsoi Timugon

¹¹ Pokorongog raginio, rinilak ri Daut bayang nano ra mangiluk guang. Ngaangai' ru ulun nano nambaal niayuk raginio.

2 SAMUIL 1:11 ပူးပေါင်းရင်းမြစ်များ

KASAUKAN 37:29

Paat ri Rubin siminaguli' ra tulubong no, am ilai' no kalio i Jusup ra giu' no, rilako' no boo bayang nano sabap ra mangiluk guang.

KASAUKAN 37:34

Rilako' ri Jakub bayang nano sabap ra mangiluk guang am pambayang ra bayang mangulir. Nabuoi no binaal ginio sabap pinatayan ru anak nali.

KASAUKAN 44:13

Mangiluk kaga' sangkaaka' no saboi ririlako' nilo bayang nilono. Pangkayango' nilo kaladai nilono am ruli' ra bandar no.

2 SAMUIL 13:19

Patauko' ri Tamar kaau ra rasawat ru ulu nano, namparilak ra bayang nano, am ugar liliwa' nanili ra bulos nano ra karuruo kalindu' am niayuk pantangi' ra mangiluk.

2 SAMUIL 13:31

Tirong Raja' Daut, pamparilak-rilak ra bayang nano sabap ra mangiluk guang, am langan ra sulig. Ngaangai' ru pagawai nano minaya' pamparilak ra bayang.

2 SAMUIL 3:31

Kopongo raginio nanusub Raja' Daut ri Joab am ulun-ulun nano namparilak ra bayang nilo, nambayang ra konoon karung am niayuk nanulaboi ri Abnir. Paat ra nampalabangan, Raja' Daut galama' minugar ra tinaulian ru karanda'.

2 RAJA'-RAJA' 5:7

Pakabasa' raja' ru Israil ra surat no, rilako' no bayang nano sabap ra mangiluk guang. Kono, “Ati kulaan raja' ru Siria no makitaak raki' mamabas ra ulun ti? Mangkara' io nua' ra aku ti i Aki Kapuuno' ondo' makakuasa' koson mamayag am mamatoi ra ulun? Maaru' maguyum-guyum io ra sasaban koson makimansangor raki'!”

2 TUNUNG RU BANSA' ISRAIL 34:27

am timinalikur kono intor ra tula am niayuk minggana' guang ra saang Kuno. Rinilak mu bayang am niayuk nantangi' paat ra okou nokorongog ra lolob Kuno koson mangukum ra Jirusalim am mamagun nano. Nokorongog Aku ra pakiasian muno,

IJRA 9:3

Pokorongog aku ra baal raginio, rinilak ku bayang sabap ra mangiluk toojo guang. Kinaur ku abuk am jangut, am panturung ra guang natutuk.

ESTER 4:1

Pokorongog i Mordikai ra ngaangai' ondo' nasauk noyo, rinilak no bayang nano koson ra tatandu' mangiluk. Nambayang io ra konoon karung, tinaukan ulu nano ra kaau, am minugar-ugar giu' ra bandar liliwa' nantangi' ra matangil am malumpus.

JIRIMIA 36:24

Kaa' raja' kapoam pagawai-pagawai ondo' nokorongog ra ngaangai' no kalo malaa' kapoam nampakito ra pansagulian guang.

JOIL 2:13

Polosoon noyo guang min ra matutuk no mampakito ra guang pansagulian, pai' ayuk rilako' bayang.” Saguli' no ra Tuhan i Aki Kapuuno' mino. Io no motogom am napanu' ra asi'; Io no tumaan guang am manugut ra bantu' Nano; Io no magail makatampos mangampun am kalo masaga' mangukum.

RINALATAN 14:14

Paat ri Barnabas am i Paulus nokorongog ra kasagaan nilai, rilako' nilo bayang nilai am pasimbul ilo ra tatanga' ru ulun masuang am pompogolok,

ROMA 12:15

Baya' kano pakaansuk risilo ondo' maansukan, am baya' kano pantangi' risilo ondo' mangiluk guang.

JOSUA 7:6

Rinilak ri Josua am tingganai-tingganai ru Israil bayang sabap ra mangiluk guang, am kubu ra saang ru Kaban Nabantuan ru Tuhan saboi palunggai'. Pinatauk nilo niayuk kaau ra rasawat ru ulu koson mapakito ra kangilukan nilo.