2 PITRUS 3:9 - Tanou Moonsoi Timugon

⁹ Tuhan kalo igondo' kabuoi manugut ra atan ondo' binantu' Nano. Kabalu' pana mokoondo' niayuk ulun mangkara' ra koson raginio. Kaa' sotopot no maginaa Io ra guang pantataan, sabap ra kalo masaga' Io ra sangulun pana pusoon. Masaga' Io ra ngaangai' ulun tumalikur intor ra tula.

2 PITRUS 3:9 ပူးပေါင်းရင်းမြစ်များ

MAZMUR 77:8

“Sabuoi-buoi no kia i Aki Kapuuno' mangimpai ritakau? Kalo kia boo masaga' Io ritakau?

MAZMUR 86:15

Kaa' Okou, iou Tuhan, i Aki Kapuuno' monogom am malubatan, masalok moorot guang, moonsoi am gumagaya'.

KAINGKUALAN 18:23

Amon ru baalon mu gitio koson ra nanusuban ri Aki Kapuuno', kalo makabagui rirun am ngaangai' ulun makauli' ra baloi am pansangaran masalasai noyo.”

KAINGKUALAN 32:32

Ampuno' noyo tula nilo; amon ru kalo, luluo' inggalan kuno intor ra kitab nanulisan Muno ra inggalan ru ulun Muno.”

KAINGKUALAN 33:11

Mindagu Tuhan ri Musa ra makapangkito ra bulos, koson ra sasangulun mindagu ra rangan nano. Sumaguli' boo i Musa ra pangkiman, kaa' i Josua anak ri Nun, buayoi ondo' mangindangan ri Musa, soroi ra Kim ru Tuhan.

KAINGKUALAN 34:6

Pansail boo Tuhan ra saang ri Musa am indagu, “Aku Tuhan i Aki Kapuuno' ondo' napanu' ra asi' am kimasi'; kalo mataki' Aku sumangit, mapakito Aku ra togom am gagaya' ondo' maayo.

MAMPATANOU 8:11

Masaga' toojo ulun mambaal ra kalaatan sabap ulun ondo' nambaal no kalo inukum ra mataki'.

JISAYA 30:18

Kaa' Tuhan magiginaa ra bulintok no koson mapakito ra guang makaasi' Nano ramuyun. Makaasi' Io ramuyun sabap Io Aki Kapuuno' ra masalok mambaal ra matimpok. Pakaansuk noyo ilo ondo' lumansan ra Tuhan.

JISAYA 46:13

Painggaaron Ku orou papalabusan, pamayagan ondo' pataakon Kuno kalo boo kulawon. Bayagon Ku Jirusalim, am manaak ra urumat ri Israil.”

YEHEZKIEL 33:11

Balai' ilo ra sabap ra Aku, Tuhan Raja', i Aki Kapuuno' ondo' maayag, kalo masaga' Aku magilong ra ulun makatula matoi. Masaga' Aku poyo magilong ra ilo tumalikur intor ra tula am maayag. Akau Israil, langgai' noyo mambaal ra tula! Kua kasaga' kau matoi?

DANIL 4:29

Kopongo mopor am ruo ngansila', bulintok raja' mugar giu' ra taap ru istana nano giu' ra Babil,

ABAKUK 2:3

Tulisi' tanou no sabap ra kalo poyo nasaboi orou koson masauk. Kaa' orou raginio mataki' matong am atan ondo' pabalaan Kuno rirun maaru' masauk. Kabalu' pana ilain ra orou raginio mabuoi matong, kaa' kulimano' ayuk; baal raginio maaru' masauk am kalo painjulon.

ROMA 13:11

Baalo' min ginio ngaangai' am pai' poyo pombolong sabap ra mapandayan min noyo ra raino ti musiti' pagilalain min sabap ra orou pamayagan ritakau mamaar poyo intor itakau talimpuun pangintopot.

ROMA 13:12

Baal nano koson ra rondom ondo' maar noyo tumawang. Intor raginio iruani' takau noyo baal ra mangalaat ondo' baalon paat ra molondom, am baalo' takau noyo baal ra mongoonsoi, ioginio koson kinandoi mangayou takau ra matawang.

ROMA 2:4

Kapoam kalo lioon min i Aki Kapuuno' ondo' mataau kaga', maayo guang am mataan. Napandayan min noyo ra mataau i Aki Kapuuno' no ramuyun sabap ra masaga' Io ra tumalikur kau intor ra tula.

ROMA 9:22

Mogondo' niayuk ra atan ondo' binaal ri Aki Kapuuno'. Masaga' Io mampakito ra sangit am kuasa' Nano, kaa' mataan Io risilo ondo' sotopot no sama' sangitin am luuson Nano.

1 TIMOTIUS 1:16

Kaa' nakaasi' i Aki Kapuuno' raki', maa' raginio i Jisus Kristus mampakito ra ngaangai' guang mataan Nano raki', aku ondo' maayo kaga' tula ti intor ra ngaangai' ulun. Ginio nasauk ra rondo' tiluan ra ngaangai' ulun ondo' mangintopot boo Riso am mokoowot ra kaayagan mantilayun.

1 TIMOTIUS 2:4

ondo' masaga' ra ngaangai' ulun bayagon am makaulig ra katapatan.

IBRANI 10:37

Sabap ra mokoondo' tinulisan noyo ra Buuk Kitab: “Kalo boo mabuoi am sumuku' Io; kalo kabuoyon No ratangan Nano.

1 PITRUS 3:20

ioginio ambiluo ru ulun ondo' kalo giminagaya' ri Aki Kapuuno' ra galing i, nakaintuma' ri nabi Nuu. Paat ragili naginaa i Aki Kapuuno' risilo ra guang mataan, buoi ri Nuu nomongo ra kapal maayo nali. Balu' ngaulun ayuk ringai' siminakoi am gitilo ayuk ondo' binayag ru rosob i.

2 PITRUS 1:4

Ginio noyo ralan ri Aki Kapuuno' mangani' ritakau ra barakat ondo' maayo am ondo' kaansayin takau, sumugut ra bantu' Nano. Ralalom ru barakat ti noyo makapagiru' takau intor ra kalaayan malaat ra tana' ti am mokopogondo' boo paliso takau ri Aki Kapuuno'.

2 PITRUS 3:15

Karaa' min noyo guang pantataan ru Tuhan no rondo' kaluagan ondo' tinaakan ramuyun ra makaalap kau ra pamayagan. Gitio niayuk suang ru surat ri Paulus, pabukat ondo' tagamin takali, ra io nanulis ramuyun maya' ra kapintaran ondo' tinaakan ri Aki Kapuuno' no riso.

PINAINTALANG 2:21

Nangani' Aku noyo riso ra kaluagan tumalikur intor ra tula nano, kaa' marara' io tumalikur intor ra pansasawaan nano.