2 PITRUS 3:7 - Tanou Moonsoi Timugon

⁷ Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

2 PITRUS 3:7 ပူးပေါင်းရင်းမြစ်များ

MAZMUR 102:26

galing i tana' ti binangun Mu, limbowon pana kandoi ru kalindu' Muno galama'.

MAZMUR 50:3

Amon ru matong i Aki Kapuuno' takau, kalo mongkoror Io; sinimbula' ru apui sumigulu Riso, rosob ra mapuor liminiput Riso.

JISAYA 51:6

Tingaano' noyo limbowon am indukui' noyo tana'; limbowon lumiot koson ra lisun am tana' maapu' koson ra bayang lairon, ngaangai' namagun no matoi koson ra namuk. Kaa' pamayagan ra pinataak Kuno mantilayun ra sabuoi-buoi no, am namanangan Kuno marayus-rayus.

JISAYA 66:15

Matong Tuhan mabaya' ra apui. Matong Io sumakoi ra bagiu' koson mangukum ra ulun ondo' sangitin Nano.

DANIL 7:9

Liliwa' ra aku magilong, kukula' kurisi' ru raja' pinaatang. Io ondo' maayag ra mantilayun nanturung giu' ra rasawat ru rondo' intor ra kurisi' ru raja' no. Bayang Nano mapulak koson ra salji, am abuk Nano mapulak koson bulu domba. Kurisi' ru raja' Nano mokoondo' ra luda' ondo' bibilak apui no,

JIPANYA 3:8

Indagu Tuhan, “Kaa' ilai' min! Inaani' ayuk orou ra Aku kumakat koson ra sasi' koson manguu' ra bansa'-bansa'. Namatas Aku noyo koson manimung ra bansa'-bansa' am pamarintaan-pamarintaan maa' raginio makalumpa' Ku sangit Kuno risilo. Titikop ru tana' ti pusoon ra apui ru sangit Kuno.

MALIAKI 4:1

Mindagu Tuhan Ondo' Maayo Kaga' Kuasa', “Orou nano matong paat ngaangai' ulun malilimbau am malaat solobon koson ra rami. Paat orou raginio solobon ilo koyoo', am saboi kolondo' matatang.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 11:22

Karaa' min, paat ra Orou Pupus no, maayo guang ri Aki Kapuuno' makaasi' ra ulun ru Tirus am Sidon ka akau!

MATIUS 11:24

Karaa' min! paat ra Orou Pupus no, maayo guang ri Aki Kapuuno' makaasi' ra ulun ru Sodom ka akau!”

MATIUS 12:36

“Mampakara' Aku ramuyun: Paat ra Orou Pupus moonong ulun musiti' mangiou ra ngaangai' ragu jajajou ondo' sinabit no.

MATIUS 24:35

Limbowon am tana' ti mapuso, kaa' ragu Kutu mantilayun.”

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MARKUS 6:11

Kaa' amon ru makasuku' kau ra rondo' bandar am mokoondo' kalo mapaumpos am kalo masaga' mangkirongog ramuyun, iruani' bandar raginio am kabuli' min noyo kaau ru kasut mino koson pangkaraan risilo.”

JUANIS 12:48

Osoi ayuk manginggi' Raki' am ragu Kuno, mokoondo' noyo mangakim riso. Ragu ondo' pinasaboi Kuli mangakim riso ra Orou Pupus.

ROMA 2:5

Kaa' akau mailo raguin am mokotog ulu! Intor raginio mampagaai kau po ra bagat ru ukum min ra Orou Pupus no, ioginio paat i Aki Kapuuno' mampaintalang ra sangit am ukum ondo' mabanis.

1 KORINTUS 3:13

Kaa' bonsoi ru kandoi ru moonong ulun no makito niayuk paat ra orou ratangan saguli' ri Kristus. Sabap ra paat raginio, kandoi ru moonong ulun makito am bonsoi ru kandoi nano pana kinamin ru apui.

PILIPI 1:28

Pakakau' kano; pai' kalaa' risilo ondo' mangimbolo' ramuyun. Intor ra ginio mampakito kau ra ilo ti maala am akau makagula', sabap ri Aki Kapuuno' galama' intor ru indangan minti.

2 TISALONIKA 2:3

Pai' min noyo polosoo' osoi ayuk mamparuung ramuyun ra atan ayuk pana sasaban. Sabap ra kalo poyo masuku' Orou ratangan ru Tuhan Jisus, maaru' gitio galing masauk: Masuang boo ulun tumula' ri Aki Kapuuno' am mintalang boo Ulun Malaat, io ondo' inaru' noyo pasubolon ra naraka.

1 TIMOTIUS 6:9

Ulun ondo' maguyum ayuk ra kalangkayaan, maingkinibitan boo ru gogot ru guang nilo ondo' kalo matanda' am makalalaa', ginio ondo' mamparatu' am mamuso ayuk ra ulun.

IBRANI 12:29

Sabap ri Aki Kapuuno' takau mangukum ra pantula' Nano mogondo' ra apui ondo' mangumpo.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

2 PITRUS 3:10

Kaa' ratangan ru Tuhan no koson ra mantatakou rumatong. Paat ra orou raginio, limbowon lumiom mabaya' ra bolos mapuor kaga' am ngaangai' suang ru limbowon mosolob kapuso am ngaangai' suang ru tana' ti pana maliom.

2 PITRUS 3:12

liliwa' ra akau magiginaa am mampakataki' ra orou pangukuman ri Aki Kapuuno'. Paat ra orou raginio limbowon makai' kosolob am intor ra lasu' ru apui ti lumiou ngaangai' suang nati.

1 JUANIS 4:17

Togom tumilayun ralalom kaayagan takau, io no mampasauk ritakau makakau' paat ra Orou Pangukuman. Makakau' takau sabap ra bayag takau ra tana' ti mogondo' ra bayag ri Jisus Kristus.

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.

PINAINTALANG 17:11

Bibiag masigo ondo' galing i naayag kaa' raino kalo boo, io no raja' kabalu' ondo' sotopot no sangulun intor ra tulu' ngaulun raja' i, am io ti pusoon.

PINAINTALANG 17:8

Bibiag masigo ondo' nakito muni, naayag ra galing i, kaa' raino kalo boo. Kalo boo mabuoi am mingkual io intor ra intok ru ulun namagatoi no am pusoon. Ulun-ulun ru tana' no ondo' inggalan nilo kalo tinulisan ra kitab ru Ulun Mokoowot ra Kaayagan Motopot ra kalo poyo tana' ti biningkal, makatigog ilo makakito ra bibiag masigo no. Bibiag masigo no naayag ra galing i; raino kalo boo, kaa' sumalula' io poyo saguli'.

PINAINTALANG 20:11

Kakito ku boo rondo' takhta ondo' maayo am mapulak am Io ondo' nanturung no. Limbowon am tana' maliom ra saang Nano, saboi kalo boo makito saguli'.

PINAINTALANG 21:1

Kakito ku boo limbowon am tana' bagu. Limbowon am tana' kasaa' naliom noyo am raat no kalio boo.