2 PITRUS 3:17 - Tanou Moonsoi Timugon

¹⁷ Pabukat kau ngai' ondo' tagamin ku, nakapandai kano kalalair ra baal ragitio, ginio ra pagilalai' min. Pai' kau makinibitan ru kalayawan ru ulun malaat, saboi tatangon min boo pangintapatan min ra maikang no.

2 PITRUS 3:17 ပူးပေါင်းရင်းမြစ်များ

AMSAL 1:17

Kolondo' onong mapataan ra pukot ondo' malimparang makito ru susuit rokopon no,

MATIUS 16:11

Kua pai' kau pakarati' sala' ka mapakara' Aku ramuyun ra ruti'? Tataani' am ilalai' min ragi ru ulun ru Parisi am ulun ru Saduki!”

MATIUS 16:6

Indagu i Jisus risilo, “Tataani' am ilalai' min ragi ru ulun ru Parisi am ulun ru Saduki.”

MATIUS 7:15

“Ilalai' min ulun-ulun ondo' migiangku ra nabi. Rumatong ilo ramuyun tumilu ra domba, kaa' sotopot no ilo ti koson ra taani masangit.

JUANIS 16:4

Kaa' mambala' Aku ramuyun raino, maa' raginio ra io masauk, makara' min ra binalaan takamin noyo kalalair.” “Kalo binalaan takamin raginio intor ra talimpuun i, sabap ra lakat Aku ayuk poyo nabaya' ramuyun.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

1 KORINTUS 10:12

Pagilalai' noyo ulun ondo' indos no maikang pangintapatan nano maa' raginio kalo boo maratu' io.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

2 KORINTUS 11:3

Maimamang aku ramuyun ra maampon kinulau lair pampagagayaan min ri Kristus, mogondo' ri Awa, ondo' ra galing i rinuung ru kukuo ra maabau-abau i.

GALATIA 5:4

Akau ondo' mangkinam mobonsoi saguli' ri Aki Kapuuno' mumbaya' Ukum ri Musa no, ginio mogondo' ayuk ra ukaton min boo pabukatan min ri Kristus am kalo boo makaapu kau ra asi' ri Aki Kapuuno'.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

PILIPI 3:2

Koson ilalain min uku' masangit no, pagilalai' min poyo ulun-ulun ondo' mampakalayau ayuk, ondo' lakat ayuk poyo mampajajou ra ulun sunatin, koson ra tatandu' ilo ti toojo makaulig ri Aki Kapuuno'.

KOLOSI 2:5

Sabap ra kabalu' pana maalur kau ra mato kuno, kaa' mamaar kau ayuk ra guang kuno, am maringkuanang aku toojo magilong ra akau toojo mogogondo' guang am maikang pangintapatan mino ri Kristus.

KOLOSI 2:8

Ginio nga ra ilalai' min, maa' raginio kolondo' sangulun pana mamparuung ramuyun ra pangilaan ru ulun ondo' abau no ayuk am kolondo' onong, sabap ra mampakalayau ayuk ginio. Sala' ka i Jisus Kristus intor ru gitio, kaa' binaal ayuk ru ulun kapoam rondo' pangilaan ru kaulayan ayuk.

2 TIMOTIUS 4:15

Ilalain mu io ti, sabap ra anggalon no toojo pangilaan takati.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

1 PITRUS 5:9

Gulaa' io no mabaya' ra kinaikang ru pangintapatan min, sabap ra nakapandai kano ra pabukat min ra Kristian ra tikop-tikop ru tana' ti maimbolo' niayuk mogondo' ramuyun.

2 PITRUS 2:7

Kaa' i Lot binayag, sabap ra io sangulun motopot; sinindualan guang nano ru ulun malaat ondo' nambaal ra pansasawaan.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.

PINAINTALANG 2:5

Karaa' noyo ra kalo boo motogom kau! Talikur kano intor ra tula mino am baalo' noyo atan ondo' binaal min ra talimpuun i. Amon ru kalo tumalikur kau, matong Aku ramuyun am mangiru' ra tampakan ra lampung mino.