2 PITRUS 3:14 - Tanou Moonsoi Timugon

¹⁴ Intor poyo raginio, pabukat kau ngai' ondo' tagamin ku, liliwa' ra akau maginaa ra orou no, pirot kano mokoondo' ra guang mapasau koson kolondo' sala min ra saang ri Aki Kapuuno' am mobonsoi kau Riso.

2 PITRUS 3:14 ပူးပေါင်းရင်းမြစ်များ

MATIUS 24:26

“Kaa' amon ru ulun mindagu ramuyun, ‘Ilai' soroi Io giu' ra tana' kaagisan!’, pai' kano ongoi ra giu'. Kapoam, amon ru mindagu ilo ramuyun, ‘Ilai', nansibuni Io ragiti!’, pai' kano pangintopot.

MATIUS 25:7

Mopor ngaulun ralaa ti karat am sikiti' nilo pilasut nilai.

LUKAS 12:43

Mumpara' boo bonsoi ru ulipon matanda' no amon ru muli' tuan nali, am ilai' no binaal ngaangai' nanusuban nali!

LUKAS 2:29

“Tuhan, sinugut Mu noyo bantu' Muli raino. Polosoo' noyo ulipon Muti mugar mabaya' ra kaansayan.

1 KORINTUS 1:8

Io noyo galama' mampaikang ramuyun saboi ra orou pupus, maa' raginio akau kalo mauwan ra makasala ra orou ratangan Nano.

1 KORINTUS 15:58

Pabukat kau ngaangai' ondo' tagamin ku, ingkotog kano am ikango' toojo pangintapatan mino. Pirot kano pangandoi ra Tuhan, sabap ra nakapandai kano ra kandoi mino Riso kalo noyo malubat.

PILIPI 1:10

Maa' raginio mapandai kau magilong ra ati kia moonsoi toojo. Am makainggalur kau boo intor ra kalaatan kapoam nansalinut panguwan ondo' mampakasala ramuyun, ioginio paat ri Kristus matong saguli'.

PILIPI 2:15

Intor raginio nampakito kau ra akau ti anak ri Aki Kapuuno' ondo' kolondo' sala kapoam tula am moonsoi kaayagan min ra tatanga' ru ulun-ulun malaat am makatula no. Am paat ra akau maayag koson raginio, mogondo' kau ra butitin suminda ra rondom ti,

PILIPI 3:20

Kaa' itakau ti mamagun ru suruga' mogondo' ri Tuhan Jisus Kristus, Mamamayag takau ondo' matong poyo saguli'. Am Io no inaanin takau mabaya' ra guang moondom.

1 TISALONIKA 3:13

Maa' raginio mampaikang Io ramuyun, saboi guang mino mapasau am kolondo' sala ra pagilangan ri Aki Kapuuno', Ama' takau, paat ra ratangan ru Tuhan takau, i Jisus, mabaya' ra ngaangai' ulun Nano.

1 TISALONIKA 5:23

Gama' ru i Aki Kapuuno' ondo' mangani' ritakau ra pabansayan, mampatimpok ra kaayagan mino Riso galama'. Gama' ru magalung Io ramuyun ngai' – ioginio ambiluo, saliguor am poyo inan mino – saboi kolondo' sala min paat ra ratangan ru Tuhan takau, i Jisus Kristus.

1 TIMOTIUS 6:14

suguto' noyo toojo ngaangai' panusuban ragitio mabaya' ra guang mapasau koson kolondo' makapanguu' rirun, suku' ra Orou ratangan ru Tuhan takau i Jisus Kristus.

IBRANI 9:28

Koson niayuk i Kristus igondo' ayuk nampataak ra painawo Nano koson mamuso ra tula ru masuang ulun. Matong Io poyo ra kainduo, sala' ka koson mangampun ra tula, kaa' koson mampakaayag risilo ondo' maginaa Riso.

JAKUBUS 1:27

Kaa' panginsugutan ra motopot ondo' moonsoi toojo ra pagilangan ri Aki Kapuuno', Ama' takau, ioginio; mangindangan ra lalaing ra kolondo' matuo am poyo napuor ondo' makakapaganan, am niayuk magalung ra guang galama' koson ra kalo jamalin ru kalaatan ru tana' ti.

1 PITRUS 1:7

Sotopot no, ginio rondo' pangkinaman ayuk ru toojo kau kia mangintopot ri Aki Kapuuno' kapoam kalo. Mas pana, ondo' maalap kalunsai, solobon niayuk ra apui. Atan poyo ra pangintapatan mino ondo' mologo poyo intor ra mas, maaru' kinamin niayuk, maa' raginio maikang boo. Am intor raginio maaya' kau koompor am kaurumat ra Orou Papaintalangan ri Jisus Kristus.

2 PITRUS 3:1

Pabukat kau ngai' ondo' tagamin ku, gitio noyo surat karuo ondo' posoboyon kuno ramuyun. Ralalom ru karuruo surat kuno giminogot aku ra guangon toojo ondo' natutunan min noyo. Mampakara' aku toojo ramuyun ra ondo' pinabala' ru nabi matulai ra galing i, am atan kia poyo panusuban ru Tuhan am Mamamayag ondo' pinasaboi ru rasul-rasul ramuyun.

2 PITRUS 3:16

Ralalom ru ngaangai' surat nano, masalok i Paulus nanulis intor ra baal raginio. Mokoondo' kukula' mapagon aration ralalom ru surat-surat no, am tayar raginio noyo kinulau ru ulun ondo' kalo makarati' toojo am ondo' kalo maikang pangintapatan. Baal raginio kalo makaimuag, nogondo' niayuk ra tayar ra bokon pana ralalom ru Buuk Kitab kulawon nilo niayuk koson raginio, kaa' gitio mangkinibit boo ra ilo galama' mapuso.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.