2 PITRUS 3:12 - Tanou Moonsoi Timugon

¹² liliwa' ra akau magiginaa am mampakataki' ra orou pangukuman ri Aki Kapuuno'. Paat ra orou raginio limbowon makai' kosolob am intor ra lasu' ru apui ti lumiou ngaangai' suang nati.

2 PITRUS 3:12 ပူးပေါင်းရင်းမြစ်များ

MAZMUR 50:3

Amon ru matong i Aki Kapuuno' takau, kalo mongkoror Io; sinimbula' ru apui sumigulu Riso, rosob ra mapuor liminiput Riso.

JISAYA 24:19

Tana' ti lumata', mapilang am matutuk.

JISAYA 34:4

Mato ru orou, bulan, am butitin matutuk. Limbowon mapuso, ilain koson ra rinulun koson naskhah rinulun. Butitin-butitin maratu' koson ra raun matutu' intor ra puun ru anggur kapoam puun ru nunuk.

MIKA 1:4

Ngaangai' gunung liminuu' ra ragana' ru kalayam Nano koson ra dian ralalom ru apui ondo' mapaang; tana' intor ra gunung lumuyu' mongoi ra limayak koson ra timug giu' ra rasawat ru bulur tumilis mongoi ra ragana'.

MATIUS 16:27

Sabap ra Anak ru Ulun no mamaar noyo rumatong ralalom katulayan ru Ama' Nano sumbayaan ru malaikat-malaikat Nano. Paat raginio mambalos Io ra moonong ulun maya' ra ondo' binaal nali.

MATIUS 16:28

Karaa' min! Mokoondo' kukula' ngaulun ragiti kalo matoi suku' ilo makakito ra Anak ru Ulun no rumatong koson ra raja'.”

PILIPI 1:6

I Aki Kapuuno' noyo galama' nanalimpuun ra kandoi moonsoi ralalom ru kaayagan min. Am makakalansanan aku toojo ra Io po niayuk mamparayus ra kandoi ragitio saboi mopongo, suku' ri Jisus Kristus matong saguli'.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

2 PITRUS 3:10

Kaa' ratangan ru Tuhan no koson ra mantatakou rumatong. Paat ra orou raginio, limbowon lumiom mabaya' ra bolos mapuor kaga' am ngaangai' suang ru limbowon mosolob kapuso am ngaangai' suang ru tana' ti pana maliom.

2 PITRUS 3:11

Amon ru koson ragitio noyo sauk ru pamupusan ra ngaangai' ti, kaayag kano mabaya' ra guang mapasau am mampakatasu' ri Aki Kapuuno',

2 PITRUS 3:4

Konilo ra, “Bantu' ru Tuhan ra matong Io saguli'. Ati Io? Kalio nai. Kinamatuaan takali namagatoi noyo, kaa' ngaangai' ti mogondo' ayuk koson ra talimpuun i, paat ra tana' ti biningkal!”

2 PITRUS 3:7

Kaa' alungin No limbowon am tana' ondo' soroi ra raino ti, suku' ra Orou Pangukuman, ioginio paat ra ilo solobon ra apui am ulun malaat pusoon.

JUDAS 1:21

Porondon kano ra kinotogom ri Aki Kapuuno' buoi ra akau maginaa ra i Jisus Kristus Tuhan takau, mangani' ramuyun ra kaayagan motopot am mantilayun ralalom ru asi' Nano.