2 PITRUS 2:6 - Tanou Moonsoi Timugon

⁶ Mogondo' niayuk ra ati kulaan sauk ru ulun ra bandar Sodom am Gomora: Inukum ilo solobo' ri Aki Kapuuno' karuruo bandar i. Ginio binaal Nano koson ra pampakaraan ati kulaan balos Nano ra ulun malaat.

2 PITRUS 2:6 ပူးပေါင်းရင်းမြစ်များ

KASAUKAN 19:28

Impalo' no tampilon ra bandar Sodom am Gomora am niayuk titikop ru limayak no. Makito no binuun ru lisun intor ra tana' no koson ra lisun intor ra rapuan maayo kaga'.

JISAYA 1:9

Amon ru Tuhan Ondo' Maayo Kaga' Kuasa' kalo nangiou ra kukula' ulun maayag, Jirusalim no mapuso noyo koson ra Sodom am Gomora ra galing i.

JISAYA 13:19

Kula' suang ru pamarintaan, Babilonia niayuk maantak am masauk ra kaansukan ru ulun nano. Kaa' Aku, Tuhan, mamuso ra bandar Babil koson ra Aku namuso ra Sodom am Gomora!

JIRIMIA 50:40

Koson ra Aku namuso ra Sodom am Gomora nababaya' ra pekan-pekan giu' ra liliut no, koson raginio niayuk Aku mamuso ra Babil. Kolondo' sangulun pana mayan ra giu' no. Aku, Tuhan, nakaindagu noyo.

GOSIA 11:8

Okou Israil, kalo lair impayin Tokou; kalo lair iruanin Tokou. Maaru' lair pusoon Tokou koson ra Adma, kapoam mangukum rirun koson ra Jiboim: Kalo makakau' Aku mambaal koson raginio. Togom Kuno rirun maayo kaga'.

AMOS 4:11

“Pusoon Ku santayaran intor ramuyun koson ra Aku namuso ra Sodom am Gomora. Ulun ondo' lakat poyo naayag ra gino kau po ngai' koson ra putul ru luton ondo' inalap intor ra apui. Kabalu' pana raginio, kalo niayuk sumaguli' kau Raki'.

JIPANYA 2:9

Sabap ra Aku Tuhan ondo' maayag, i Aki Kapuuno' ondo' sambaan ru Israil, magibot Aku ra Moab am Amon pusoon koson ra Sodom am Gomora. Pagun-pagun no mososok ra tulubong ru usi' am sabubuoi no masauk ra nalunsai ondo' mantilayun ondo' tuwin ru bulungkut-bulungkut makaruui. Ulun Kuno ondo' naayag mampagaau ra rapu' ru mamagun ru pagun-pagun no am mampagaau ra tana' nilo.”

UNTABAN 16:38

Intok ru baa no matulai sabap pinataak noyo giu' ra altar ru Tuhan. Ginio ra alapo' noyo intok ru baa ru ngaangai' ulun ondo' inukum ra matoi sabap ra tula nilo, am tuyuo' boo ra intok ru baa no masauk ra kapingan mangalilis koson saukon ra taub ru altar. Taub no masauk ra rondo' papakaraan ra ulun ru Israil.”

UNTABAN 26:10

Paat ragili nalapak tana' am nonolon risilo. Minatoi ilo nababaya' ri Kora am maamaya' nano, paat ra apui namuso ra 250 ngaulun ungkuyon, am kasaukan raginio nasauk ra papakaraan ra ulun ru Israil.

MATIUS 10:15

Karaa' min! Paat ra Orou Pupus, i Aki Kapuuno' makaasi' ra ulun ru Sodom am Gomora, ka ulun ru pekan raginio!”

MATIUS 11:23

Am akau, ulun ru Kapirnaum! Guang min, painsawaton kau saboi ra suruga'? Patirin kau giu' ra naraka! Amon ru kaimuagan ondo' binaal ra tatanga' ramuyun i binaal ra giu' Sodom, maaru' Sodom i lakat ayuk poyo soroi ra raino ti!

ROMA 9:29

Kon poyo ru nabi Jisaya ragili, “Amon ru Tuhan Ondo' Maayo Kaga' Kuasa' kalo nanatang ritakau ra papag, maaru' maluus takau koson nasauk ra mamagun ru bandar Sodom am Gomora i.”

1 KORINTUS 10:11

Ngaangai' no nasauk risilo koson alapon ra panginuuyan ra ulun bokon. Ngaangai' no tinulisan niayuk koson rondo' pampakaraan ritakau, ondo' raino maayag ra paat ra pamupusan ru tana' ti.

SAGULION 29:23

Umo mino masauk ra mapua' am kolondo' onong sabap ra natauban ru bilirang am usi'. Kalo matanaman tana' raginio, am kalo tuwin ru sakot giu' no. Masauk tana' mino koson ra bandar Sodom, Gomora, Adma am Jiboim ondo' pinuso ru Tuhan paat Io siminangit kaga'.

IBRANI 4:11

Sabap raginio, piroto' noyo saboi makatangus takau mabaya' Riso. Pai' saboi sangulun pana intor ritakau kalo makatangus mabaya' Riso koson risilo ra galing i, sabap ra kalo nangintopot ri Aki Kapuuno'.

JUDAS 1:15

Mongoi Io pangukum ra ngaangai' ulun. Mangukum Io ra ulun-ulun makatula sabap ra baal malaat nilo am sabap ra ngaangai' asab nilai Riso!”

JUDAS 1:7

Karaa' min niayuk mamagun ru bandar Sodom, Gomora am bandar ra naginggaar, ilo pana mogondo' ra malaikat ra raitii' ni. Nambaal ilo ra pansasawaan am baal makauyuyu'. Inukum ilo ra apui mantilayun koson ra rondo' pangkaraan ru ngaangai' ulun.