2 PITRUS 2:5 - Tanou Moonsoi Timugon

⁵ Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.

2 PITRUS 2:5 ပူးပေါင်းရင်းမြစ်များ

KASAUKAN 6:17

Mopongo raginio porotongon Ku rosob koson mapaluus ra ngaangai' ondo' maayag ra tana' ti,

KASAUKAN 6:9

Gitio noyo tunung ri Nuu: Makaanak ungkuyon io talu ngaulun, i Siim, Japit am i Gam. Kalo igondo' i Nuu nambaal ra sala am io noyo rorondo' moonsoi kaga' paat ragili. Io ti masalok sumimpung ri Aki Kapuuno',

YEHEZKIEL 26:20

Atarin Tokou ra intok ru ulun minatoi maa' raginio mayan kou masimpung ra ulun ra galing i. Polosoon Tokou lumayun ra intok ru ulun minatoi, giu' ra tanga' ru nalunsai ondo' mantilayun, mabaya' ra ulun minatoi. Tana' muno pana kalo boo ayanin ru ulun, am kalo makasimpung kou ra gino ngai' ru ulun maayag.

IBRANI 11:7

Sabap ra pangintapatan noyo, i Nuu binalaan ri Aki Kapuuno' intor ra sauk ondo' matong no, ondo' kalo poyo nakito nali. Ginio boo ra io giminagaya' ra ragu ri Aki Kapuuno' am nambaal ra kapal maayo, am mansail raginio noyo ilo ngaangai' sambaloi binayag. Nampakito i Nuu ra ulun ru tana' ti ra ukumin ilo ri Aki Kapuuno', am sabap ra pangintapatan nali, iniou io ri Aki Kapuuno' koson sangulun motopot.

2 PITRUS 3:6

am pinuso No ngaangai' suang ru tana' ti mansail ra rosob ra galing i.