2 PITRUS 2:4 - Tanou Moonsoi Timugon

⁴ Malaikat-malaikat ondo' nambaal ra tula no pana kalo pinoloso ri Aki Kapuuno', kaa' inukuman No, am pinatiran ra naraka. Binangkil ilo ra intok molondom suku' Orou Pangakiman.

2 PITRUS 2:4 ပူးပေါင်းရင်းမြစ်များ

AYUP 21:30

Konilo ra ulun malaat noyo ondo' masalok makalabus paat ra orou ri Aki Kapuuno' sumangit am mangukum.

AYUP 4:18

Kalo mangintopot i Aki Kapuuno' ra ulipon-ulipon Nano giu' ra suruga'; Io no poyo boo ondo' naguyum ra kasalaan ru malaikat-malaikat Nano.

MAZMUR 78:50

Kalo oroton No sangit Nano kapoam mopoloso risilo maayag, kaa' pinatoi No ilo ra maruol ra tumapik.

JISAYA 14:12

Alii ra raja' ru Babilonia, butitin ru susuab ondo' moonsoi kaga', naratu' kono intor ra limbowon! Galing i nangala kou ra bansa'-bansa', kaa' ragino okou pinatiran ra tana'.

YEHEZKIEL 5:11

“Aku noyo i Aki Kapuuno' ondo' maayag, Tuhan Raja', am gitio no ragu Kutu: Sabap ra jinamalan mu Baloi Kuno ra baal malaat am makauyuyu', umokon Tokou ra kalo makaasi'.

YEHEZKIEL 7:4

Kalo malubatan Aku rirun kapoam makaasi' rirun. Ukumin Tokou ra binaal muno ondo' makauyuyu' no, maa' raginio makapandai kou ra Aku noyo Tuhan.”

YEHEZKIEL 7:9

Kalo malubatan Aku ramuyun kapoam makaasi' ramuyun. Mangukum Aku ramuyun ra binaal min ondo' makauyuyu', maa' raginio makapandai kau ra Aku noyo Tuhan am Aku noyo ondo' mangukum ramuyun.”

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 8:29

Golok ilo, “Atan pamakuan Mu ramon, Oi Anak ri Aki Kapuuno'? Mangukum Kono kia ramon ra kalo poyo nasuku' orou inaru' no?”

MARKUS 5:7

am golok io, “Atan raguon Mu raki' inda' Jisus, Anak ri Aki Kapuuno' Ondo' Masawat Kaga'? Ralalom inggalan ri Aki Kapuuno', pai' aku imboloo'!” (

LUKAS 10:18

Indagu i Jisus risilo, “Nakito Ku Tingganai ru riwato naratu' intor ra limbowon koson ra ganit.

LUKAS 8:31

Gumogot toojo riwato-riwato no ri Jisus koson kalo pagiruon ilo giu' ra intok ru ulun namagatoi.

JUANIS 8:44

Tingganai ru riwato no ama' min am maayo guang min gumagaya' ra kasagaan nano. Naintaran ra galing i, mamamatoi io ayuk am kalo igondo' giminagaya' ra katapatan, sabap ra kolondo' katapatan riso. Paat ra io magabau, maya' io ayuk ra paliso nano, sabap ra io no maabau-abau, am puun io ru ngaangai' abau.

ROMA 11:21

Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun.

ROMA 8:32

Kalo iningaan ri Aki Kapuuno' Anak Nano galama', kaa' pinoloso No Io potoyon koson ra kaatangan takau. Amon ru pinataak No Anak Nano ritakau, maaru' mangani' Io poyo ritakau ngaangai' ra bokon.

SAGULION 29:20

Kalo mangampun Tuhan ra ulun koson raginio. Kaa' sangit ru Tuhan ondo' bibilak mangumpo ra ulun no, am ngaangai' karaat ondo' natulisan ralalom ru kitab ti makalumpa' riso saboi mamuso Tuhan lingon riso.

2 PITRUS 2:11

Kaa' malaikat-malaikat pana ondo' maayo poyo kinaikang am kuasa' nilai no ka ulun-ulun migigiangku ra mangingila' no, kalo noyo makakau' manguu' am magasab risilo ondo' maayag ra matulai no ra saang ru Tuhan.

2 PITRUS 2:5

Koson niayuk ra ulun malaat ra galing i, kalo pinoloso ri Aki Kapuuno'. Paat ragili namparatong Io boo ra rosob maayo risilo. I Nuu ayuk am poyo tulu' ngaulun ra bokon ondo' binayag, sabap ra io noyo ondo' napatanou ra katapatan ri Aki Kapuuno'.

2 PITRUS 2:9

Ngaangai' raginio mampakito ra Tuhan noyo makapandai atan koson mamayag ra ulun ondo' mampakatasu' Riso paat ra ilo makatuum ra pangkinaman. Mangaru' Io niayuk ra kalo labusin ulun malaat no maa' raginio ukumin ra Orou Pangakiman ra tauli no;

1 JUANIS 3:8

Kaa' osoi ayuk marayus mambaal ra tula, io no anak ru Tingganai ru riwato. Sabap ra naintaran noyo ra talimpuun i, Tingganai ru riwato no makatula. Ginio ra Anak ri Aki Kapuuno' riminatong, mongoi pamuso ra kandoi ru Tingganai ru riwato no.

JUDAS 1:13

Koson ra kinulun mapuor ru raat manamputa', ilo mampakito ra baal nilo ondo' makauyuyu'. Ilo ti koson ra butitin ondo' pabanding-banding, ilo inaru' noyo ri Aki Kapuuno' ra intok molondom kaga' suku' ra mantilayun.

JUDAS 1:6

Karaa' min niayuk ati kulaan sauk ru malaikat-malaikat ondo' nanguang ra kinaikang ru kuasa' ondo' tinaakan noyo risilo, saboi nangiruan boo ra inayanan nilo. Rinantai ilo ri Aki Kapuuno' ra mantilayun giu' ra intok molondom ra ragana' ru tana' ti. Giu' noyo nangaputan risilo suku' ra Pangukuman Maayo ra tauli no.

PINAINTALANG 20:10

Tingganai ru riwato boo ondo' namparuung risilo no pinatiran ra tasik ru apui ondo' naratok ra balirang mapaang. Gili, gitio noyo namatiran ra bibiag masigo am migiangku ra nabi no am imboloon ilo orou-rondom ra sabuoi-buoi no.