2 PITRUS 2:21 - Tanou Moonsoi Timugon

²¹ Moonsoi poyo ru ulun koson raginio kalo igogondo' pakaulig ra ralan katapatan ri Aki Kapuuno', intor ra ilo makaulig toojo, kaa' ra tauli kalo boo sumugut ra panusuban ri Aki Kapuuno' ondo' pinasaboi noyo risilo.

2 PITRUS 2:21 ပူးပေါင်းရင်းမြစ်များ

MAZMUR 125:5

Kaa' amon mangukum Kou ra ulun malaat, ukumi' niayuk ulun ondo' kalo mangintopot Rirun. Kaansayan rirun Israil!

MAZMUR 85:8

Paintalango' noyo katagaman Muno ramon, indangano' noyo am bayago' akai no, iou Tuhan.

AMSAL 12:28

Ulun ondo' maya' ra ralan motopot kaayagan nano napanu' ra bansuk, ulun ondo' maya' ra ralan malaat makatingkuang ra kapatayan.

AMSAL 16:31

Ulun mabanis guang aniin ra umur maawar; uan nano koson ra karaun ondo' pangansukan.

YEHEZKIEL 18:24

“Kaa' amon ru sangulun moonsoi lumonggo' mambaal ra moonsoi, am tumalimpuun mambaal ra malaat am mambaal ra baal-baal ondo' binaal ru ulun malaat, maayag io ayuk kia? Kalo! Ngaangai' baal moonsoi ondo' igondo' binaal nano kalo karaan. Matoi io sabap ra kalo gumagaya' io Raki' am sabap ra makatula io noyo.

YEHEZKIEL 23:13

Nakito Ku ra jajajou toojo i Ogoliba koson ra maayo nano.

YEHEZKIEL 3:20

Amon ru sangulun ondo' moonsoi tumalimpuun mambaal ra malaat, am aku nampauma' riso ra makalalaa', am io pana matoi amon kalo aniin mu io ra pampakaraan. Matoi io sabap ra tula nano, am kalo karaan Ku binaal nali ondo' moonsoi ragili. Kaa' karaan Tokou ra mosonsol ra pinatayan nano.

YEHEZKIEL 33:13

Maaru' lair nambantu' Aku ra kaayagan ra ulun moonsoi, kaa' amon ru indoson nilo ra kinoonsoi nilo ragili makapamayag risilo, am ilo pana tumalimpuun makatula, kalo karaan Ku kinoonsoi nilo ragili. Matoi ilo sabap ra tula nilo.

JIPANYA 1:6

Pusoon Ku ulun ondo' nangiruan noyo Raki' am kalo boo maya' Raki'; ilo ondo' kalo matong Raki' am kalo makitulu' intor Raki'.”

MATIUS 21:32

Sabap ra i Juanis Mampariu' minatong manulu' ramuyun ra kaayagan motopot ondo' kasagaan ri Aki Kapuuno'. Akau kalo nangintopot ra pangilaan nali; kaa' mampalulur ra cukai am ilo ruandu' mantalan ra inan mangintopot riso. Kabalu' pana nakito min ngaangai' ti, kaa' kalo niayuk timinalikur kau am mangintopot ri Aki Kapuuno'.”

LUKAS 12:47

Ulipon ondo' nakapandai noyo ra kasagaan ru tuan nano, kaa' kalo tumampos io mambaal, loposon io ra maruol toojo.

JUANIS 15:22

Amon ru kalio Aku minatong am nambala' ra ngaangai' ti risilo, kolondo' tula nilo. Kaa' raino mailo ilo boo mindagu ra, ‘Kalo nakapandai akai ra natulaan akai.’

JUANIS 9:41

Taam i Jisus, “Amon ru noolou kau, kolondo' tula min. Kaa' nakaindagu kano ra kalo noolou kau, ginio ra tula mino pana tumilayun ayuk boo.”

ROMA 7:12

Ginio ra Ukum ri Musa no intor ri Aki Kapuuno' am moonong susuban Nano mabanis am moonsoi.

GALATIA 6:2

Pangindangan kano ra rondo' am bokon. Am koson ragitio noyo akau gumagaya' ra susuban ri Kristus.

1 TISALONIKA 4:2

Sabap ra napandayan min ra nanuluan maili ramuyun intor noyo ra kuasa' ru Tuhan Jisus.

1 TIMOTIUS 6:14

suguto' noyo toojo ngaangai' panusuban ragitio mabaya' ra guang mapasau koson kolondo' makapanguu' rirun, suku' ra Orou ratangan ru Tuhan takau i Jisus Kristus.

IBRANI 10:26

Sabap ra amon ru nakatutun takau noyo toojo ra katapatan ri Kristus, kaa' sumingon takau poyo ruli'-ruli' ayuk mambaal ra tula, kolondo' noyo taak simbalui koson mangampun ra tula raginio.

JAKUBUS 4:17

Intor raginio, ulun ondo' nakapandai ra ati rondo' moonsoi baalon no, kaa' kalo niayuk suguton no baalo', ginio karaan ra makatula io.

JUDAS 1:3

Pabukat kau ngai' ondo' tagamin ku! Mokoondo' noyo guang ku ra buoi ti koson manulis raan ramuyun intor ra pamayagan ti ondo' inapu takali. Kaa' raino ti malimanan ku ra moonsoi ru manulis aku noyo ramuyun ra surat ti koson anggalon min ilo ondo' tumula' ra pangilaan motopot intor ri Aki Kapuuno', ondo' pinataak ra igondo' ayuk ra ulun Nano ra sabuoi-buoi no.