2 PITRUS 2:14 - Tanou Moonsoi Timugon

¹⁴ Ilo ti kalo majajala' mambaal ra tula am makapaliso ilo ra pansasawaan. Ulun ondo' malawo pangintapatan, rukuon nilo palayawo'. Maringkumaa' ilo am ginio kaindalaman nilo. Kaa' ulason ilo ri Aki Kapuuno'!

2 PITRUS 2:14 ပူးပေါင်းရင်းမြစ်များ

AYUP 31:7

Amon liminisang aku intor ra ralan ondo' motopot, kapoam guang kuno nabunduk ra baal ondo' malaat, amon ru kalindu' kuno majamol sabap ra tula,

AYUP 31:9

Amon ru suminto aku ra andu' ru sambalayan kuno, am mangkuliman riso liliwa' mansibuni ra talikuron ru kulobon,

AMSAL 5:6

Kalo mokosoloro' io mugar tumingkuang ra kaayagan, kaa' lumisang io intor ra ralan no ondo' kalo matutunan nano.

AMSAL 6:25

Pai' kau kabunduk ra kinantalur nilo, kapoam mabunduk ra kulurat ru mato nilo.

JISAYA 1:16

Kapasawo' min inan mino. Langgai' min ngaangai' kalaatan ondo' binaal min ra saang Kuno. Pai' kano boo pambaal ra malaat,

JISAYA 34:5

Giu' ra limbowon Tuhan nomongo noyo ra ilang, am ragino ilang no makalumpa' ra bansa' ru Idom, ulun ondo' inukuman am pusoon.

JISAYA 65:20

Anak-anak kalo matoi bulintok lakat lalagang, am ulun maawar painawo. Ilo ondo' makaumur maatus ngambilor karaan ra mamulok. Osoi matoi ra kalo poyo makasuku' maatus ngambilor karaan ra natiu' ra ukuman Kuno.

JIRIMIA 13:23

Makakulau kia ulun maitom ra batik ru kungkung nano, kapoam ampunguon makairu' ra gumutitikan nano? Maaru' kalo! Koson niayuk ramuyun ondo' maindalom mambaal ra malaat, kalo lair mambaal ra moonsoi.

YEHEZKIEL 13:18

am posoboyo' noyo atan ondo' paraguon Kuno, Tuhan Raja' risilo, ‘Aibui boo ramuyun! Nambaal kau ra golong jimat am rundung gimbaran, maa' raginio makuasa' min kaayagan ru ulun bokon. Gumogot kau manguasa' ra kaayagan patayan ru ulun Kuno koson ra kaatangan min galama'.

MATIUS 12:34

Akau ulun malaat. Ginio poyo, ati kulaan kau makaindagu ra baal ondo' moonsoi? Sabap ra atan ondo' soroi ralalom ru guang, ginio noyo raguon ru kabang.

MATIUS 23:14

Aibui boo ramuyun, mangingila' ra Ukum ri Musa am ulun ru Parisi. Maabau-abau kau! Mamparuung kau ra napuor-napuor am manalingau ra baloi nilono, am makiasi' ra mangaawar koson makiilong ra ulun. Ginio ra akau ukumin ra maagat kaga'.]

MATIUS 25:41

“Mindagu boo raja' no ra ulun-ulun ru kait i: ‘Pagiru' kano intor Raki', akau ulun inulas ri Aki Kapuuno'! Ayan kau ra ralalom apui ra mantilayun ondo' inaru' ra Tingganai ru riwato am malaikat-malaikat nano.

MATIUS 5:28

Kaa' raino ti balain takamin: Osoi ayuk pana monontong ra ruandu' am makaguang io, ulun raginio liminapau noyo ra ruandu' no ralalom guang nano.

MARKUS 13:22

Sabap ra ilo mamamayag magabau am ilo migiangku ra nabi rumatong. Mambaal ilo ra kaimuagan koson mamparuung ra ulun ri Aki Kapuuno' amon ru maalap.

JUANIS 5:44

Ati kulaan kau makapangintopot Raki', amon ru makiompor kau ayuk ra ulun am kalo makiompor kau ri Aki Kapuuno' ondo' rondo' ayuk.

ROMA 16:18

Sabap ra ilo ondo' mambaal raginio kalo mampakaatang ri Kristus, Tuhan takau, kaa' mampakaatang ayuk ra kasagaan nilo galama'. Ragu nilo ra mangaamis am mangambi' mamparuung ra ulun ondo' kalo maindalom ra kalaatan.

1 KORINTUS 11:19

Sotopot no kalo makaimuag amon mokoondo' ramuyun mansusuai, maa' raginio mapandayan boo osoi ulun Kristian toojo.

IPISUS 2:3

Sotopot no ragili itakau pana nogondo' risilo. Siminugut takau ayuk ra kalaatan maya' ra pangkaraan ru guang am kinibit ru inan takau sigagama'. Nogondo' ra moonong ulun, itakau pana matiu' ra sangit ri Aki Kapuuno' no.

IPISUS 4:14

Bagu no itakau kalo boo makapaliso koson ra lalaing, ondo' lilingganon ru kinulun am sisiabin ru angin, ioginio mangintopot ra mangingila' ondo' mapandai toojo mamparuung am mampalayau ra ulun.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

2 PITRUS 2:18

Ragu nilai masumbung am sasambungon. Pansasawaan nilono mamparuku' ra ulun ondo' bagu ayuk poyo timinalikur intor ra kaayagan nakalayau.

2 PITRUS 2:3

Ulun-ulun migigiangku ra mangingila' maringkumaa' am mansail ra tutunungon nilai ti noyo maguyum ilo ayuk ra ampos nilo galama'. Kaa' pinatampos noyo kalalair ukum pataakin risilo am kapusaan ondo' inaru' no, maginaa noyo risilo.

2 PITRUS 3:16

Ralalom ru ngaangai' surat nano, masalok i Paulus nanulis intor ra baal raginio. Mokoondo' kukula' mapagon aration ralalom ru surat-surat no, am tayar raginio noyo kinulau ru ulun ondo' kalo makarati' toojo am ondo' kalo maikang pangintapatan. Baal raginio kalo makaimuag, nogondo' niayuk ra tayar ra bokon pana ralalom ru Buuk Kitab kulawon nilo niayuk koson raginio, kaa' gitio mangkinibit boo ra ilo galama' mapuso.

1 JUANIS 2:16

Ngaangai' suang ru tana' ti: ondo' papaliso ru ulun makatula, ondo' makito no am kasagaan ayuk ru guang, ondo' makiompor sabap ra masuang kuliamos; ginio ngai' sala' ka intor ri Aki Kapuuno', kaa' intor ra tana' ti.

JUDAS 1:11

Mumpara' boo usung nilono! Sabap ra nakatilu ilo ra ralan malaat ri Kain am mogondo' ilo poyo ri Biliam, ra liminayau ra kaayagan matanda' sabap ra kinibit ru kalangkayaan. Pusoon ilo sabap ra makapaliso ilo ra maanggal-anggal, koson i Kora ragili.

PINAINTALANG 12:9

Ginio nai ra tambuakal maayo no pinatiran ra liwar! Io ti kukuo intor ra galing i ondo' ininggalanan ra “Tingganai ru riwato”, kapoam “Ambiluo Malaat”, ondo' nampakalayau ra ngaangai' ulun ru tana' ti. Pinatiran io ra tana' ti nabaya' ra ngaangai' malaikat nano.