2 PITRUS 2:13 - Tanou Moonsoi Timugon

¹³ Sabap ra nangimbolo' ilo ra ulun bokon, ginio ra imboloon ilo. Makapaliso ilo ra majanjayan, saboi paat ra matawang pana masaga' ilo ayuk mambaal ra atan ayuk laai ru guang nilai galama'. Makatataman am makauyuyu' ilo paat ra rumamai ra jajajou. Ondo' kaansayan nilai ti sotopot no, masaga' ayuk mamparuung ramuyun.

2 PITRUS 2:13 ပူးပေါင်းရင်းမြစ်များ

RIMBAI PANGAMPARAN 4:7

Mapara' piboo kinantalur muno, alii ra kalumpusan kuno, kolondo' pipilat muno.

JISAYA 3:11

Kaa' alii boo ra ulun malaat! Atan pinamakuan nilo ra ulun bokon, ginio niayuk pamakuan risilo.

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

IPISUS 5:27

Koson raginio noyo, ralalom pagilangan ri Kristus, ilo moonsoi, mapasau am niayuk matanda', am kolondo' boo malaat risilo.

PILIPI 3:19

Kaa' pupus no ilo ti poongoyon ak ra naraka, sabap ra kasagaan ru guang nilo galama' ti noyo ondo' alapon nilo koson ra tuhan nilai. Mongompor ilo toojo ra baal nilai ondo' sotopot no makauyuyu' am mangkara' ilo ayuk ra atan ondo' guangon ru ulun ru tana' ti.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

JAKUBUS 5:5

Kaayagan min ra tana' ti liminangkaya' am nabubunsag kau ayuk, am lumomok kau ayuk maginaa ra orou panimbaluyan, ioginio Orou Pangukuman.

1 PITRUS 4:4

Kaa' raino maliangan boo ulun ondo' kalo mangintopot ra Tuhan ra kalo boo maya' kau ra jajou nilo. Ginio nai puun ra ilo magasab boo ramuyun.

2 PITRUS 2:15

Ilo ti nakalayau sabap ra kalo siminugut ra ralan motopot. Timinilu ilo ra ralan ri Biliam, anak ri Bior ra galing i. I Biliam ti naringkumaa' ayuk ra ruit intor ra kalaatan binaal nali.

PINAINTALANG 18:6

Baalo' noyo risilo maya' ra binaal nilo ramuyun; balasi' noyo ra suang mainduaan ra ngaangai' binaal nilo. Suangi' noyo sangkir nilo ra inumon ondo' mainduaan bisa' intor ra inumon ondo' pinasulung nilo ramuyun.