2 PITRUS 2:10 - Tanou Moonsoi Timugon

¹⁰ mulu' poyo ukumin ulun ondo' mampagagaya' ayuk ra kinibit ru guang nilo ra majamol am ondo' manalaing ra kuasa' ri Aki Kapuuno'. Ulun-ulun migigiangku ra mangingila' no makakau' am mangasumbung, saboi kalo mangurumat ilo ra mangunguasa' matulai no.

2 PITRUS 2:10 ပူးပေါင်းရင်းမြစ်များ

KASAUKAN 49:6

Kalo maya' aku ra inatangan malaat nilo ondo' nasibuni no, am kalo maya' aku ra pansunuran nilono. Sabap ra mamatoi ilo ra ulun paat ra sumangit, am mapalawo ilo ra sapi' gawayan sabap ra pangkulian.

2 SAMUIL 20:1

Giu' ra bandar Gilgal mokoondo' sangulun mampajajou makainggalan ri Siba anak ri Bikri, intor ra bansa' ru Binjamin. Nanamput io ra bujung am golok, “Kolondo' pabukatan takau ra Raja' Daut! Pai' baya' riso! Akau ulun ru Israil, ibok uli' takau!”

1 RAJA'-RAJA' 12:16

Paat ra mamagun no nakaliman ra kalo masaga' raja' no mangiou ra kitaakon nilo, golok ilo, “Pai' lioo' Raja' Daut am sasambaloi nano? Kalo igondo' ilo pambaal ra atan-atan ritakau! Ngaangai' ulun ru Israil, ibok kano uli' takau! Polosoon noyo Raja' Rigabiam migalung galama' ra inan nano!” Ginio ra gumuor ulun ru Israil,

MAZMUR 12:4

Langgai' noyo taligamis raginio, iou Tuhan, am pororoo' noyo kabang ra maayo ragu,

KAINGKUALAN 22:28

“Pai' ibati' i Aki Kapuuno', am pai' pagulas ra tingganai mino.

MAMPATANOU 10:20

Pai' asabi' raja', kabalu' pana ralalom ru guang min, am pai' asabi' ulun langkaya', kabalu' pana giu' ra lamin muno galama'. Maaru' lair sanginan susuit mokorongog ra atan ondo' rinagu muli, am posoboyon no ra ulun raginio.

JIRIMIA 2:31

Alii ra ulun ru Israil, rongog no ra ragu Kutu. Igondo' Aku kia koson ra tana' kaagisan ramuyun kapoam koson ra tana' ondo' molondom am makalalaa'? Kaa' kua kia indagu kau ra masaga' kau maya' ra kasagaan galama', am marara' boo sumaguli' Raki'?

UNTABAN 15:30

Kaa' osoi ayuk, iou ra ulun ru Israil kapoam ulun bansa' ru bokon ondo' sumingon mambaal ra tula, magasab ulun no ra Tuhan. Ulun no musiti' ukumin ra matoi,

LUKAS 11:25

Saguli' io am ilai' no mapasau am moonsoi baloi i.

LUKAS 19:14

Kaa' mamagun nali galama' pana masisang riso. Pakaugar io, panusub boo mamagun ra ulun mongoi pangator ra bilin riso, kon nilai, ‘Marara' akai ra ulun ti masauk ra raja' mai.’

RINALATAN 23:5

Taam i Paulus, “Pabukat kau ngaangai'! Sotopot no kalo nakatutun aku ra io ti am Tingganai Maayo Imam Jaudi. Ginio mokoondo' noyo tinulisan ra Buuk Kitab, ‘Pai' pagasab ra tingganai ru bansa' mino galama'.’ ”

ROMA 8:1

Intor raginio, raino kalo boo ukumin ri Aki Kapuuno' ilo ondo' siminimpung ri Kristus Jisus.

1 KORINTUS 6:9

Maaru' natutunan min ra ulun malaat kalo masauk ra ulun ri Aki Kapuuno'. Pai' kano iruung; ulun ondo' mansawa', sumamba ra sinungkalalaing, lumapau am ungkuyon homoseksual,

2 KORINTUS 10:3

Maaru' motopot noyo ra akai ti maayag ra tana' ti, kaa' sala' ka gumula' akai maya' ra paliso ru ulun.

IPISUS 4:19

Kolondo' boo guang mauyu' nilo; saboi maya' ilo ayuk ra kasagaan ru inan nilo galama', io no mambaal ra atan ayuk kalaatan ondo' makauyuyu'.

IPISUS 5:5

Karaa' min gitio: osoi ayuk makapaliso ra makauyuyu', malaat, kapoam mangangkum (gitio mogondo' ayuk koson sumamba ra sinungkalalaing), ulun koson raginilo kalo makaliman ra pamarintaan ri Kristus am i Aki Kapuuno'.

KOLOSI 3:5

Ginio ra patiri' noyo kasagaan ra pansasawaan, mansalinut baal ra makauyuyu', kasagaan ru guang malaat am maringkumaa' (sabap ra paliso raginio mogondo' ayuk koson sumamba ra sinungkalalaing).

1 TISALONIKA 4:7

Kalo piniau takau ri Aki Kapuuno' koson maayag ra pansasawaan, kaa' koson maayag ra mapasau.

2 TIMOTIUS 3:2

Mokoondo' masuang ulun mangkara' ayuk boo ra kasingkatan nilo galama', maringkumaa' ra kalangkayaan, masumbung am lumimbau. Magasab ilo ra ulun, manggal ra matuo nilai, kolondo' paliso nilo ra paringkuanangan am kalo mangurumat ra ugama.

TITUS 1:7

Sangulun tingganai musiti' kolondo' sala sabap ra mangatang io ra kandoi ri Aki Kapuuno'. Kalo noyo io minsawat guang, kalo mataki' malasu' guang kapoam gagaukon, am poyo kalo maangkol-angkol kapoam maringkumaa' ra kalangkayaan ru tana' ti.

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

2 PITRUS 3:3

Kasaa' ti, pakarati' kano ra orou pupus no mokoondo' sumalula' ulun ondo' kuasaan ru guang mansasawa' nilai am mangiis ilo poyo ramuyun.

JUDAS 1:10

Kaa' ulun koson raginio magasab ra ngaangai' ondo' kalo napandayan nilono. Ilo ti koson ayuk ra bibiag masigo ondo' maya' ayuk ra kinibit ru pamalimanan nilai no. Paliso ragitio noyo mangkinibit risilo ra kapusaan.

JUDAS 1:16

Ngaangai' ulun raginio masalok ayuk butok-butok am mampasala poyo ra ulun bokon. Maya' ilo ayuk ra kasagaan malaat ru guang nilai ti. Migigiompor ilo ayuk am gamisin nilo ulun ra bokon koson ra kaatangan nilo ayuk galama'.

JUDAS 1:18

Nakapambala' ilo noyo ramuyun ra masuku' paat ra pamupusan ru tana' ti, mokoondo' ulun sumalula' koson manauyu' ramuyun, sabap ra maya' ilo ayuk ra kasagaan malaat ru guang nilai no.

JUDAS 1:4

Sabap ra mokoondo' kukula' ngaulun mangapuka' suminok ayuk simpung ritakau. Ilo ti ulun malaat ondo' manumbalik ra togom tinaakan ri Aki Kapuuno', koson sumimbat ilo pambaal ra atan ayuk pansasawaan. Ilo ti kalo mangapu ri Jisus Kristus, ondo' Io ayuk rondo'-rondo' Nanguasa' am Tuhan takau. Intor ra galing i ukum pataakin risilo inala' noyo ru Buuk Kitab.

1 SAMUIL 10:27

Kaa' mokoondo' kukula' ngaulun malaat ondo' mindagu ra, “Ati kulaan ru ulun ragitio mokoonong ritakau?” Nagasab ilo ra Raja' Saul am kalo nanaak riso ra tangguang, kaa' talingoon bauwi ru Raja' Saul.